ডেংগুৰ এটা অধিক বিপজ্জনক প্ৰকাৰ বা টাইপ ধৰা পৰা ১১খন ৰাজ্যক ডেংগুৰ সংক্ৰমণ সোনকালে ধৰা পেলাবৰ বাবে পদক্ষেপ ল’বলৈ, হেল্পলাইন নম্বৰ মুকলি কৰিবলৈ আৰু পৰ্যাপ্ত টেষ্টিং কিট্, মহনাশক আৰু ঔষধ-পাতি মজুত কৰিবলৈ কেন্দ্ৰই নিৰ্দেশ দিছে৷ উল্লেখ্য যে ডেংগুৰ Serotype-2 নামৰ এটা প্ৰকাৰে এই ৰোগ নিয়ন্ত্ৰণৰ ক্ষেত্ৰত প্ৰত্যাহবানৰ সৃষ্টি কৰিছে৷ ডেংগুৰ আন ৰূপবোৰতকৈ Serotype-2 ডেংগু বেছি জটিল৷ এই প্ৰকাৰটো ধৰা পৰা ৰাজ্যকেইখন হৈছে ক্ৰমে অন্ধ্ৰ প্ৰদেশ, গুজৰাট, কৰ্ণাটক, কেৰালা, মধ্য প্ৰদেশ, উত্তৰ প্ৰদেশ, মহাৰাষ্ট্ৰ, ওড়িষা, ৰাজস্থান, তামিলনাডু আৰু তেলেংগানা৷
