Home Fitness Plus ৰাতি শোৱাৰ সময়ত ঘামে নেকি? তেন্তে সাৱধান হওক

ৰাতি শোৱাৰ সময়ত ঘামে নেকি? তেন্তে সাৱধান হওক

সাধাৰণতে গৰমকালি শোৱাৰ সময়ত উৎকট গৰমৰ বাবে দেহটো ঘামেৰে তিতি থাকে৷  এইটো এটা সাধাৰণ কথা৷ শোৱাৰ পৰিৱেশ, খাদ্য, শোৱাৰ সময়ত পিন্ধা কাপোৰ আদিয়েও ইয়াত মুখ্য ভূমিকা গ্ৰহণ কৰে৷ কিন্তু কেতিয়াবা এনেকুৱাও হোৱা দেখা যায় যে শোৱাৰ সময়ত ঘামেৰে গোটেই গাটো জুৰুলি-জুপুৰি হৈ পৰে৷ ইয়াৰ আদ্ৰৰ্ পৰিৱেশ তথা অন্য কথা নাথাকে৷ এইদৰে শোৱাৰ সময়ত ঘামিলে ইয়াৰ নিশ্চয় অন্য কিবা কাৰকে ক্ৰিয়া কৰে৷ সেয়েহে ৰাতি শোৱাৰ সময়ত কি কাৰণত ঘামিব পাৰে সেইটো জনাটো অত্যন্ত জৰুৰী আৰু ইয়াৰ প্ৰতিকাৰৰ ব্যৱস্থাৰ হতে চিকিৎসকৰ পৰামৰ্শ লোৱা প্ৰয়োজন৷
মহিলাসকলৰ ক্ষেত্ৰত যদি ৰাতি শোৱাৰ সময়ত অত্যধিক ঘামি যায়, তেতিয়া এইটো মেনোপজৰ লক্ষণ হ’ব পাৰে৷ হৰমনৰ পৰিৱৰ্তনৰ কাৰণে বয়স্ক মহিলাসকলক বেছিকৈ গা ঘামিব পাৰে৷ মহিলাসকলৰ বয়স যদি ৪৫-৫০ বছৰ হয়, অতিৰিক্ত ঘমাৰ কাৰণ এইটোও হ’ব পাৰে৷
যিসকল লোকে অধিক পৰিমাণৰ ঔষধ সেৱন কৰে, সেইসকলৰ ঔষধৰ পাৰ্শ্বক্ৰিয়াৰ ফলত শোৱাৰ সময়ত ঘামিব পাৰে৷
আনহাতে যিসকল লোকৰ শৰীৰত ব্লাড ছুগাৰ খুব কম থাকে, তেতিয়াও সেইসকলৰ ৰাতি শোৱাৰ সময়ত গা ঘামিব পাৰে৷ সাধাৰণতে এই সমস্যাটো ডায়েবেটিছ ৰোগীৰ ক্ষেত্ৰত বেছি দেখা যায়৷ 
ৰাতি শোৱাৰ সময়ত ঘামিলে সংক্ৰমণ বা সংক্ৰমণৰ লক্ষণ হ’ব পাৰে৷ যিসকল লোকৰ শৰীৰত ৰোগ প্ৰতিৰোধ ক্ষমতা কম, তেনে লোকৰ ক্ষেত্ৰত ৰাতি শোৱাৰ সময়ত ঘমা দেখা যায়৷
ৰাতি মদ্যপান কৰিলে গা অত্যধিক ঘামিব পাৰে৷ এলকহল শৰীৰৰ ভিতৰলৈ যাওঁতে বতাহৰ ছিদ্ৰবোৰ চেপি ধৰে৷ এই অৱস্থাত শৰীৰৰ পৰা বায়ু বাহিৰ হোৱাৰ কাৰণে বেছি শক্তিৰ প্ৰয়োজন হয়, যাৰ ফলত ঘাম আকাৰে শৰীৰ পৰা বাহিৰ হয়৷
ৰাতি শোৱাৰ সময়ত ঘামিলে কেঞ্চাৰ ৰোগৰ প্ৰাথমিক লক্ষণ হ’ব পাৰে৷ এইটো সাধাৰণতে ব্লাড কেঞ্চাৰৰ ক্ষেত্ৰত বেছিকৈ দেখা যায়৷
মানসিক উদ্বেগ-উদ্বিগ্নতা ৰাতি শোৱাৰ সময়ত ঘমাটোও এটা কাৰণ হ’ব পাৰে৷ যেতিয়া কিবা ঘটনা বা বিষয়ক লৈ চিন্তা কৰি থকা হয়, তেতিয়া মনটো স্থিৰ হৈ নাথাকে৷ এই সময়ত হৃদস্পন্দন বাঢ়ি শৰীৰৰ পৰা ঘাম বাহিৰ হ’ব পাৰে৷
সেয়েহে উপৰিউক্ত সমস্যাৰ পৰা পৰিত্ৰাণ পাবলৈ মন প্ৰফুল্লিত ৰাখক, নিয়মমতে বিছনালৈ যাওক, মদ্যপান পৰিত্যাগ কৰক৷

Most Popular

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...