Home Beauty Plus দাঁতৰ হালধীয়া দাগ কি উপায়েৰে নোহোৱা কৰিব?

দাঁতৰ হালধীয়া দাগ কি উপায়েৰে নোহোৱা কৰিব?

খাদ্যবস্তু ভালদৰে চোবোৱাই হৈছে দাঁতৰ প্ৰধান কাম৷ দাঁত দুপাৰিয়ে আমাৰ মুখৰ সৌন্দৰ্য বৰ্ধনত মুখ্য ভূমিকা গ্ৰহণ কৰে৷ সকলোৱে দুই নিৰ্দিষ্ট সময়ত দাঁত মাজে৷ পুৱা শুই উঠি আৰু ৰাতি শোৱাৰ সময়ত দাঁত পৰিষ্কাৰ কৰাটো অত্যন্ত জৰুৰী৷ ইয়াৰ অন্যথা খোৱা খাদ্য দাঁতৰ মাজৰ ৰৈ গ’লে দাঁতৰ বিভিন্ন সমস্যা হ’ব পাৰে৷ এইদৰে বিভিন্ন খাদ্যবস্তু গ্ৰহণ কৰাৰ ফলত দাঁতৰ ৰং হালধীয়া হৈ পৰে৷ এই হালধীয়া আৱৰণ সহজে দূৰ কৰা কঠিন৷ দন্ত চিকিৎসকৰ ওচৰলৈ গৈ স্কেলিং কৰি ৰাসায়নিক পদ্ধতিৰে এই দাগ আঁতৰ কৰি পাৰি যদিও এটা স্থায়ী সমাধান নহয়৷ ঘৰুৱা উপায়েৰে দাঁতৰ এই হালধীয়া দাগ সহজে কিদৰে নোহোৱা কৰিব পাৰি জানো আহক৷
ছাল বা চুলিৰ বাবে আপেল চিডাৰ ভিনেগাৰ উপকাৰী৷ কিন্তু দাঁতৰ সমস্যাৰ বাবে আপেল চিডাৰ ভিনেগাৰ যে আৱশ্যক সেই কথা বহুতেই নাজানে৷ ২০০ মিঃলিঃ পানীত আপেল চিডাৰ ভিনেগাৰ মিহলাই এটা মাউথৱাছ প্ৰস্তুত কৰি লওক৷ এই মাউথৱাছেৰে ৩০ ছেকেণ্ডমান মুখত লৈ কুলুকুলি কৰিব৷ এইদৰে কৰাৰ ফলত দাঁত পৰিষ্কাৰ হোৱাৰ লগতে দাঁতৰ হালধীয়া দাঁত নোহোৱা হ’ব৷
কল, নেমু বা কমলা টেঙাত প্ৰচুৰ পৰিমাণে ভিটামিন-চি থাকে৷ এইধৰণৰ ফলেৰে দাঁত ঘঁহিলে দাঁতৰ হালধীয়া ৰং নাইকিয়া হয়৷ ভিটামিন-চিৰ উপৰি এইবোৰত লিমোনিন নামৰ এক যৌগ পোৱা যায়, যিয়ে দাঁত পৰিষ্কাৰ আৰু চিকচিকীয়া কৰাত সহায় কৰে৷
অলপ নাৰিকলৰ তেল আঙুলিৰ লৈ হালধীয়া পৰা দাঁত ভালদৰে মাজি দিব৷ কেইমিনিটমান এইদৰে মাজাৰ পাছত মুখখন ভালদৰে পানীৰে ধুই দিব৷ এইদৰে কৰিলে দাঁত স্বাস্থ্য ভালে থাকে৷ ইয়াৰ বাহিৰেও দাঁত চকচকীয়া হোৱাৰ লগতে দাঁতৰ দাগ নোহোৱা হয়৷ এই পদ্ধতিক অইল পুলিং পদ্ধতি বোলা হয়৷
বেকিং ছডা দাঁত পৰিষ্কাৰ কৰাৰ বাবে যথেষ্ট নিৰাপদ৷ পৰিষ্কাৰ দাঁতৰ পৰা হালধীয়া হোৱা দাঁতৰ দাগ নিৰাময়ৰ বাবে বেকিং ছডা কাৰ্যকৰী৷ ইয়াৰ উপৰি দাঁতৰ কোণৰ জমা হোৱা জীৱাণু নাশ কৰিবলৈ বেকিং ছডা অত্যন্ত উপযোগী৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,