Home Daily news News Health Plus-ৰ আহবান : কভিড বিধি মানিহে দুৰ্গা পূজা উপভোগ কৰক...

News Health Plus-ৰ আহবান : কভিড বিধি মানিহে দুৰ্গা পূজা উপভোগ কৰক (News Health Plus’s appeal: Enjoy Durga Puja by following Covid protocol)

এতিয়া শৰৎ ঋতুৰ আগমনত যেন চৌদিশে ফৰকাল৷ চাৰিওফালে কেৱল শৰতৰ অপৰূপ মায়াময় আয়োজন৷ শেৱালিৰ আমোলমাল গোন্ধ, আহিনৰ পথাৰত সোণালী ধাননিৰ উচাহভৰা সুকোমল হাঁহি, কোমল কঁহুৱাই হালি-জালি যেন শৰৎ অহাৰে বতৰা দিয়ে৷ ধৰিত্ৰীৰ কোলাত প্ৰকৃতিয়ে সৃষ্টি কৰে এক অন্য পৰিৱেশৰ৷ এই সময়তে নানা পূজাৰ আয়োজন চলে৷ সেয়ে ধৰাৰ বুকুত মহালয়াৰ পৱিত্ৰ ক্ষণত মহিষমৰ্দিনীৰ দেৱী দুৰ্গাক পূজা-অৰ্চনাৰে সন্তুষ্ট কৰিবলৈ ভক্তপ্ৰাণ ৰাইজ সাজু হৈছে৷ আজি দেৱীৰ মহাষষ্ঠী পূজা৷ মা দুৰ্গাক প্ৰতিমা পূজাৰ বেদীত প্ৰতিষ্ঠা কৰা হ’ব ষষ্ঠীৰ দিনা৷ পূজাথলীত শংখ-ঘণ্টা, আয়তীৰ উৰুলি, পুৰোহিতৰ মস্ত্ৰোচ্ছাৰণ ‘যা দেৱী সৰ্বভূতেষু মাতৃৰূপেণ সংস্থিতা, নমস্তসৈ নমস্তসৈ নমস্তসৈ নমো নমঃ’ আদিয়ে মন-প্ৰাণ শাঁত পেলায়৷ চৌদিশে যেন এক আনন্দমুখৰ পৰিৱেশ, উছৱমুখৰ পৰিৱেশ৷ এনেকৈয়ে পালিত হয় শাৰদীয় দুৰ্গোৎসৱ৷

White Flowers - OGQ Backgrounds HD


ইফালে পূজা কমিটীসমূহৰো পূজা আয়োজনৰ বাবে প্ৰস্তুতি প্ৰায় শেষ৷ আকৰ্ষণীয় হৈ উঠিছে পূজাথলী৷ ৰাজ্যত দুৰ্গা পূজা আয়োজনৰ বাবে সকলো পূজা কমিটীয়ে প্ৰস্তুতি সম্পূৰ্ণ কৰিছে৷ আনহাতে কৰ’না মহামাৰী সম্পূৰ্ণ নিৰ্মূল নোহোৱা হেতু পূজা আয়োজনত যোৱা বছৰৰ দৰে এইবাৰো কিছু নীতি-নিয়মৰ মাজেৰে পূজা আয়োজনৰ দিহা কৰিছে৷ কভিডজনিত পৰিস্থিতিৰ বাবে ৰাজ্য চৰকাৰে জাৰি কৰা কভিড বিধি অনুসৰি এইবাৰৰ পূজা আয়োজন হ’ব৷ চৰকাৰে ইতিমধ্যে দুৰ্গা পূজাৰ ক্ষেত্ৰত সুকীয়াভাৱে কভিড বিধি জাৰি কৰিছে আৰু সেই নীতি-নিয়মবোৰ মানি লৈহে পূজা আয়োজনৰ বাবে পূজা কমিটীসমূহক অনুমতি প্ৰদান কৰা হৈছে৷ কিয়নো যিহেতু কৰ’না ভাইৰাছৰ সংক্ৰমণ এতিয়াও চলি আছে, সমূলি নিৰ্মূল হোৱা নাই৷ গতিকে অতি সাৱধানতাৰে চলাটো অত্যন্ত জৰুৰী৷ সেয়েহে আমিও সকলো অসমবাসী ৰাইজলৈ এটাই অনুৰোধ– আপোনালোকে চৰকাৰে বান্ধি দিয়া কভিড প্ৰট’কল মানি পূজা উপভোগ কৰক৷ পূজাথলীলৈ যাওঁতে সামাজিক দূৰত্ব মানি চলিব, মুখত মাস্ক পিন্ধক, ছেনিটাইজাৰ ব্যৱহাৰ কৰিব, পূজা মণ্ডলত অনাৱশ্যক ভিৰ নকৰিব৷ কভিড বিধি নামানি পুনৰ আৰু এবাৰ কৰ’নাক আমন্ত্ৰণ কৰাটো কাৰো কাম্য নহয়৷ ইতিমধ্যে কভিডৰ ফলত ৰাজ্যখনৰ বিধবস্তপ্ৰায় অৱস্থা, বিগত দিনত বহুত সমস্যাৰ মুখামুখি হ’ল৷ সেয়ে আমি পুনৰ এবাৰ একেটা ভুল নকৰোঁ যাতে তাৰ বাবে আহ্বান জনাইছোঁ৷ সেয়েহে সকলো কভিড বিধি মানি পূজা থলীলৈ আহি মা দুৰ্গাৰ আশিস লওক৷

Strong information on health

5.0 rating
March 12, 2021

From this website anyone can get good information on health. As health is wealth, so, following this website let’s take care for our health.

Again Kumar Nath

Most Popular

আৰক্ষীৰ সাফল্য! ড্ৰাগ্‌ছ সৰবৰাহৰ ন-ন কৌশল (New modus operandi in drug smuggling: police success story)

অসম-নগালেণ্ড সীমান্তৰ কাৰ্বি আংলং জিলাৰ বোকাজান মহকুমাৰ অন্তৰ্গত পুৰণা লাহৰিজানত ২৫ অক্টোবৰৰ সন্ধিয়া ড্ৰাগ্‌ছ মাফিয়া আৰু আৰক্ষীৰ তুমুল গুলীয়াগুলী হয়৷ জানিব পৰা...

পৰিৱেশলৈ ভাবুকি ! BMW আইনখন কাৰ্যকৰী হৈছেনে? A threat to the environment : Has the BMW Act been implemented?

ৰাজ্যৰ চৰকাৰী-বেচৰকাৰী খণ্ডৰ চিকিৎসালয়সমূহে চিকিৎসা সেৱাৰ স্বাৰ্থত যিবোৰ নীতি-নিয়ম মানি চলিব লাগে, প্ৰকৃতাৰ্থত সেয়া কিমান কাৰ্যকৰী হৈছে? বিশেষকৈ চিকিৎসা প্ৰতিষ্ঠানসমূহে চৌদিশ পৰিষ্কাৰ...

সাৱধান ! পৰিৱেশ-অনুকূল ফট্‌কাহে ফুটাব পাৰিব (Beware, use only eco-friendly fireworks)

দেৱালীৰ প্ৰাকমুহূৰ্তত অসমৰ প্ৰদূষণ নিয়ন্ত্ৰণ ব’ৰ্ডে ৰাজ্যখনত গ্ৰীন ফট্‌কাৰ বাহিৰে সকলো ধৰণৰ আতচবাজী ফুটোৱা আৰু বিক্ৰী কৰাৰ ক্ষেত্ৰত...

কম বয়সতে হাতৰ ছাল কোঁচ খাইছে নেকি ? Is your hand skin sagging at a young age?

আমি মুখৰ ছালখন ভালে ৰাখিবলৈ অশেষ যত্ন কৰোঁ৷ বিভিন্ন ধৰণৰ প্ৰসাধন সামগ্ৰী, স্ক্ৰাবিং কৰা, উন্নত ব্ৰেণ্ডৰ ক্ৰিম লগোৱা আদি নানা পৰিচৰ্যা কৰোঁ৷...

Recent Comments