Home Daily news NCRB-ৰ প্ৰতিবেদন ! নাৰীজনিত অপৰাধত দেশৰ ভিতৰতে অসমৰ স্থান ১ (Assam tops...

NCRB-ৰ প্ৰতিবেদন ! নাৰীজনিত অপৰাধত দেশৰ ভিতৰতে অসমৰ স্থান ১ (Assam tops list in crime against women in the country : NCRB)

নিৰাপত্তাহীন হৈ পৰিছে ৰাজ্যৰ নাৰী সমাজ৷ নাৰীজনিত অপৰাধৰ ক্ষেত্ৰত দেশৰ ভিতৰতে একেৰাহে চতুৰ্থ বৰ্ষৰ বাবে শীৰ্ষত আছে অসম৷ National Crime Records Bureau চমুকৈ NCRB-এ প্ৰকাশ কৰা তথ্য অনুসৰি ২০২০ চনত দেশৰ ভিতৰতে মহিলাৰ বিৰুদ্ধে সংঘটিত অপৰাধৰ হাৰ অসমত সৰ্বাধিক৷ অসমত বিগত বৰ্ষত মহিলাৰ বিৰুদ্ধে অপৰাধৰ হাৰ আছিল ১৫৪.৩৷ ইয়াৰ বিপৰীতে ৰাষ্ট্ৰীয় হাৰ হৈছে ৫৬.৫৷ এই তালিকাত দ্বিতীয় স্থানত থকা ওড়িষাত মহিলাৰ বিৰুদ্ধে সংঘটিত অপৰাধৰ হাৰ হৈছে ১১২.৯ ৷ আনহাতে মহিলাৰ বাবে আটাইতকৈ অসুৰক্ষিত স্থান হিচাপে বিবেচিত দিল্লী এই তালিকাৰ তৃতীয় স্থানত আছে৷ উল্লেখ্য যে প্ৰতি ১,০০০০০ লোকৰ বিপৰীতে পঞ্জীয়ন হোৱা অপৰাধৰ আধাৰত এই হাৰ গণনা কৰা হয়৷ প্ৰকাশিত তথ্য মতে, ২০১৭ চনত অসমত মহিলাৰ বিৰুদ্ধে অপৰাধৰ হাৰ আছিল ১৪৩ ৷ আনহাতে ২০১৮  চনত এই হাৰ ১৬৬ আৰু ২০১৯ চনত হাৰ আছিল ১১৭৷ ইফালে গোচৰৰ সংখ্যাৰ দিশৰ পৰা ২০২০  চনত অসমত মহিলাৰ বিৰুদ্ধে ২৬,৫৩২টা গোচৰ ৰজু হোৱাৰ বিপৰীতে ২০১৯ চনত  ৩০,০২৫টা আৰু ২০১৮ চনত ২৭,৬৮৭টা গোচৰ ৰুজু হৈছে৷ বলাৎকাৰ কৰি হত্যা আৰু দলবদ্ধ বলাৎকাৰৰ ক্ষেত্ৰতো দেশৰ ভিতৰতে অসমৰ স্থান হৈছে তৃতীয়৷  ২০২০ চনত অসমত বলাৎকাৰ কৰি হত্যা, দলবদ্ধ বলাৎকাৰৰ ২৬ টা ঘটনা সংঘটিত হৈছিল৷ বিগত বৰ্ষত ৰাজ্যখনত ১৫০টা যৌতুকজনিত কাৰণত মৃত্যু আৰু মহিলাৰ ওপৰত এচিড আক্ৰমণৰ চাৰিটা ঘটনা নথিভুক্ত হৈছে৷ একেদৰে যোৱা বছৰ অসমত সংঘটিত ১১,৪০৮টা ঘটনা হৈছে স্বামী বা তেওঁৰ আত্মীয়ৰ দ্বাৰা সংঘটিত কৰা ঘটনা৷ ৰাজ্যত যৌন অপৰাধৰ পৰা শিশুৰ সুৰক্ষা আইনৰ অধীনত ১,৪৯১টা গোচৰ নথিভুক্ত কৰা হৈছে, যাৰ ভিতৰত ১,০৪৯টা বলাৎকাৰ, ৩২২টা নিৰ্যাতন আৰু ১২০টা যৌন উৎপীড়নৰ ঘটনা আছিল৷ মন কৰিবলগীয়া যে National Crime Records Bureau-এ প্ৰকাশ কৰা তথ্যই এতিয়া সকলোৰে চকু কপালত তুলিছে৷

Strong information on health

5.0 rating
March 12, 2021

From this website anyone can get good information on health. As health is wealth, so, following this website let’s take care for our health.

Again Kumar Nath

Most Popular

আৰক্ষীৰ সাফল্য! ড্ৰাগ্‌ছ সৰবৰাহৰ ন-ন কৌশল (New modus operandi in drug smuggling: police success story)

অসম-নগালেণ্ড সীমান্তৰ কাৰ্বি আংলং জিলাৰ বোকাজান মহকুমাৰ অন্তৰ্গত পুৰণা লাহৰিজানত ২৫ অক্টোবৰৰ সন্ধিয়া ড্ৰাগ্‌ছ মাফিয়া আৰু আৰক্ষীৰ তুমুল গুলীয়াগুলী হয়৷ জানিব পৰা...

পৰিৱেশলৈ ভাবুকি ! BMW আইনখন কাৰ্যকৰী হৈছেনে? A threat to the environment : Has the BMW Act been implemented?

ৰাজ্যৰ চৰকাৰী-বেচৰকাৰী খণ্ডৰ চিকিৎসালয়সমূহে চিকিৎসা সেৱাৰ স্বাৰ্থত যিবোৰ নীতি-নিয়ম মানি চলিব লাগে, প্ৰকৃতাৰ্থত সেয়া কিমান কাৰ্যকৰী হৈছে? বিশেষকৈ চিকিৎসা প্ৰতিষ্ঠানসমূহে চৌদিশ পৰিষ্কাৰ...

সাৱধান ! পৰিৱেশ-অনুকূল ফট্‌কাহে ফুটাব পাৰিব (Beware, use only eco-friendly fireworks)

দেৱালীৰ প্ৰাকমুহূৰ্তত অসমৰ প্ৰদূষণ নিয়ন্ত্ৰণ ব’ৰ্ডে ৰাজ্যখনত গ্ৰীন ফট্‌কাৰ বাহিৰে সকলো ধৰণৰ আতচবাজী ফুটোৱা আৰু বিক্ৰী কৰাৰ ক্ষেত্ৰত...

কম বয়সতে হাতৰ ছাল কোঁচ খাইছে নেকি ? Is your hand skin sagging at a young age?

আমি মুখৰ ছালখন ভালে ৰাখিবলৈ অশেষ যত্ন কৰোঁ৷ বিভিন্ন ধৰণৰ প্ৰসাধন সামগ্ৰী, স্ক্ৰাবিং কৰা, উন্নত ব্ৰেণ্ডৰ ক্ৰিম লগোৱা আদি নানা পৰিচৰ্যা কৰোঁ৷...

Recent Comments