Home Daily news GMCH-ৰ CN Centre-ত এমাহতে ১০ হাজাৰ ৰোগীৰ চিকিৎসা গ্ৰহণ

GMCH-ৰ CN Centre-ত এমাহতে ১০ হাজাৰ ৰোগীৰ চিকিৎসা গ্ৰহণ

জি এম চি এইচৰ নৱনিৰ্মিত চি এন চেণ্টাৰে জনসাধাৰণৰ ব্যাপক সঁহাৰি লাভ কৰিছে৷ এই নতুন ছুপাৰ স্পেচিয়েলিটি হাস্পতালখনত মাত্ৰ এটা মাহতে প্ৰায় ১০ হাজাৰ ৰোগীয়ে চিকিৎসা কৰাইছে৷ হৃদৰোগ আৰু স্নায়ুৰোগৰ বাবে বিশেষভাৱে নিৰ্মিত এই চিকিৎসালয়খনত চিকিৎসা আৰম্ভ হোৱা এমাহ সম্পূৰ্ণ হয়৷ 
এই এটা মাহৰ ভিতৰতে ছুপাৰ স্পেচিয়েলিটি হাস্পতালখনত স্নায়ু আৰু হৃদৰোগৰ সকলো বিভাগ কাৰ্যক্ষম হৈ উঠিছে৷ আনহাতে চিকিৎসালয়খন আৰম্ভ হোৱাৰ এটা মাহতে স্নায়ুৰোগৰ ৪০টাকৈ জটিল অস্ত্ৰোপচাৰ সম্পন্ন কৰা হৈছে৷ 
ছুপাৰ স্পেচিয়েলিটি হাস্পতালখনৰ অধ্যক্ষ ডাঃ বি কে বৈশ্যই কয় যে চিকিৎসালয়খন আৰম্ভ হোৱাৰ পাছতে ৰাইজে প্ৰদৰ্শন কৰা সঁহাৰি স্বীকাৰ কৰিবই লাগিব৷ এই এটা মাহত চিকিৎসালয়খনে আগবঢ়োৱা সেৱাৰ বাবে তেওঁ আংশিকভাৱে সন্তুষ্ট হোৱা বুলি উল্লেখ কৰি আৰু বহু দিশত কৰিবলগীয়া কাম বাকী আছে বুলি কয়৷
চিকিৎসালয়খনৰ বহিঃবিভাগত প্ৰায় ১০ হাজাৰ ৰোগীয়ে চিকিৎসা কৰোৱা বুলি সদৰী কৰি তেওঁ কয় যে নতুন চিকিৎসালয় হিচাপে এটা ডাঙৰ সংখ্যা৷ আনহাতে জি এম চি এইচৰ মূল চিকিৎসালয়খনৰ তুলনাত ছুপাৰ স্পেচিয়েলিটি হাস্পতালখনত বহু উন্নত চিকিৎসা সেৱা প্ৰদানৰ সুযোগ লাভ কৰা বুলি সদৰী কৰি তেওঁ নতুন চিকিৎসালয়খনত সকলো দিশতে সুবিধা বৃদ্ধি হৈছে৷ আনকি অপাৰেশ্যন থিয়েটাৰো কেইবাটাও বৃদ্ধি হৈছে৷ চিকিৎসালয়খনে সমাগত দিনত ৰাজ্যৰ ৰোগীসকলক অধিক উন্নত চিকিৎসা সেৱা আগবঢ়াবলৈ সুবিধা পাব বুলিও তেওঁ আশা প্ৰকাশ কৰে৷

Most Popular

স্বৰ্গ-মৰ্ত্যৰ মাজৰ এই উপত্যকা!য’ত সময়ো থমকি ৰৈছে

ছাংগ্ৰিলা উপত্যকা– সঁচাকৈয়ে কি আছে এই ৰহস্যময় উপত্যকাত৷ ইয়াক লৈ বিভিন্ন সময়ত নানা প্ৰশ্নৰ উদয় হৈছে৷ ইয়াৰ ৰহস্য...

ভূপৃষ্ঠত সূৰ্যৰ উৎপত্তিৰ আগতেই পানী আছিল : কোনে ক’লে?

বিশ্বব্ৰহ্মাণ্ডত নক্ষত্ৰ সৃষ্টি হোৱাৰ আগৰে পৰাই পানী আছিল৷ বিজ্ঞানীসকলে ইয়াৰ তথ্য লাভ কৰিছে৷ উল্লেখ্য যে বিজ্ঞানীসকলে বিশ্বব্ৰহ্মাণ্ডত প্ৰথমে নক্ষত্ৰ, পানী, পৃথিৱী নে...

বিশাল অট্টালিকাৰ ভৰে বছৰিদুই মিঃমিঃলৈ বহাইছে নিউয়ৰ্কক

নিউয়ৰ্ক চহৰখন বছৰি অহৰহ তললৈ বহি যাবলৈ আৰম্ভ কৰিছে৷ ইয়াৰ প্ৰধান কাৰণ হ’ল মহানগৰখনত বছৰি ক্ৰমবৰ্ধমান গতিত বৃহৎ বৃহৎ অট্টালিকা নিৰ্মাণ কৰাটো৷...

পাইলটলৈ প্ৰত্যাহ্বান : কৃত্ৰিম বুদ্ধিমত্তাৰ দ্বাৰা উৰিব বিমান

বৰ্তমান যুগটোক বহুতেই কৃত্ৰিম বুদ্ধিমত্তাৰ যুগ বুলি ক’বলৈ লৈছে৷ ইয়াৰ কাৰণ হ’ল বিভিন্ন ক্ষেত্ৰত বহুলভাৱে ব্যৱহাৰ কৰিবলৈ লোৱা হৈছে কৃত্ৰিম বুদ্ধিমত্তাক৷ শেহতীয়াকৈ...