Home Daily news GMCH-ক বিশ্বমানৰ চিকিৎসা বিজ্ঞানৰ অধ্যয়ন কেন্দ্ৰৰূপে গঢ়ি তোলাৰ পৰিকল্পনা

GMCH-ক বিশ্বমানৰ চিকিৎসা বিজ্ঞানৰ অধ্যয়ন কেন্দ্ৰৰূপে গঢ়ি তোলাৰ পৰিকল্পনা

ৰাজ্যৰ স্বাস্থ্য বিভাগৰ আন্তঃগাঁথনি সবলীকৰণৰ দিশত চৰকাৰে আন এক গুৰুত্বপূৰ্ণ পদক্ষেপ গ্ৰহণ কৰিছে৷ ইয়াৰে অংশ হিচাপে মুখ্যমন্ত্ৰী ড॰ হিমন্ত বিশ্ব শৰ্মাই জি এম চি এইচত কেইবাটাও নৱনিৰ্মিত ভৱন আনুষ্ঠানিকভাৱে মুকলি কৰে৷ আনহাতে জি এম চি এইচক বিশ্বমানৰ চিকিৎসা বিজ্ঞানৰ অধ্যয়ন আৰু সেৱাৰ কেন্দ্ৰ হিচাপে গঢ়ি তোলাৰ লক্ষ্যৰে ন-ৰূপত সজাই তোলাৰ বাবেও ৰাজ্য চৰকাৰে পৰিকল্পনা কৰাৰ কথা তেওঁ ঘোষণা কৰে৷ মুখ্যমন্ত্ৰীজনে জি এম চি এইচত ৪৫০খন আসনযুক্ত নতুন প্ৰেক্ষাগৃহ, অধ্যক্ষৰ আৱাসগৃহ, ৰোগীৰ পৰিচৰ্যাকাৰীসকলৰ  বাবে ১৫৬খন আসনযুক্ত নতুন বিশ্ৰামগৃহ, ছাত্ৰাৱাস আৰু নাৰ্ছৰ আৱাস আনুষ্ঠানিকভাৱে উদ্বোধন কৰে৷ ইয়াৰে নাৰ্ছৰ বাবে নিৰ্মাণ কৰা আৱাসগৃহ ৩ কোটি টকা ব্যয়সাপেক্ষে নিৰ্মাণ কৰা হয়৷ ৰাজ্য চৰকাৰে জি এম চি এইচৰ উন্নয়নৰ বাবে নিৰন্তৰ কাম কৰি থকা বুলিও সদৰী কৰি মুখ্যমন্ত্ৰীজনে কয় যে অহা বছৰ জি এম চি এইচৰ সৈতে সংলগ্ন কৰি নিৰ্মাণ কৰি থকা কৰ্কট চিকিৎসালয়খনৰো নিৰ্মাণ সম্পূৰ্ণ হ’ব বুলি প্ৰকাশ কৰে৷ তেওঁ এন চি এইচ বিল্ডিংটোৰ নিৰ্মাণো ২০২৫ চনৰ ভিতৰত সম্পূৰ্ণ কৰাৰ লক্ষ্য নিৰ্ধাৰণ কৰা বুলি কয়৷ ইয়াৰ মাজতে জি এম চি এইচৰ চৌহদত খালী থকা এটা স্থানত বাকী থকা বিভাগৰ ছুপাৰস্পেচিয়েলিটি ব্লক নিৰ্মাণৰ পৰিকল্পনা কৰা বুলিও তেওঁ সদৰী কৰে৷  ৰাজ্য চৰকাৰে সমগ্ৰ জি এম চি এইচখনকে নতুন ধৰণেৰে নিৰ্মাণ কৰিবলৈ পৰিকল্পনা হাতত লোৱাৰ ঘোষণা কৰে মুখ্যমন্ত্ৰী ড॰ হিমন্ত বিশ্ব শৰ্মাই৷ তেওঁ কয় যে জি এম চি এইচক বিশ্বমানৰ চিকিৎসা বিজ্ঞানৰ অধ্যয়ন আৰু সেৱাৰ কেন্দ্ৰ হিচাপে গঢ়ি তোলাৰ বাবে চৰকাৰে লক্ষ্য লৈছে৷ জি এম চি এইচত এতিয়া ৫০০০ বিছনা আছে৷ ইফালে প্ৰাগজ্যোতিষপুৰ চিকিৎসা মহাবিদ্যালয়ৰ কামো খৰতকীয়াকৈ চলি থকা বুলি সদৰী কৰে মুখ্যমন্ত্ৰীজনে৷ মহানগৰখনে দুখনকৈ চিকিৎসা মহাবিদ্যালয় লাভ কৰিলে সম্পদ আৰু সমল বিতৰণত সহায়ক হোৱাই নহয়, বিভিন্ন ৰোগৰ চিকিৎসাধীন ৰোগীসকলো অপৰিসীমভাৱে উপকৃত হ’ব বুলি তেওঁ কয়৷ আনহাতে জি এম চি এইচৰ দুয়োটা প্ৰেক্ষাগৃহৰ মাজৰ স্থানত এখন অত্যাধুনিক খেলপথাৰ নিৰ্মাণ কৰিবলৈয়ো তেওঁ ইতিমধ্যে লোকনিৰ্মাণ বিভাগক নিৰ্দেশ দিয়া বুলি ঘোষণা কৰে৷

Most Popular

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...