Home Daily news CMIE-ৰ তথ্য : ৰাজ্যত উদ্বেগজনকভাৱে বৃদ্ধি নিবনুৱাৰ সংখ্যা

CMIE-ৰ তথ্য : ৰাজ্যত উদ্বেগজনকভাৱে বৃদ্ধি নিবনুৱাৰ সংখ্যা


ৰাজ্যখনত উদ্বেগজনকভাৱে বৃদ্ধি পাইছে নিবনুৱা লোকৰ সংখ্যা৷ মুখ্যমন্ত্ৰী ড॰ হিমন্ত বিশ্ব শৰ্মাৰ নেতৃত্বাধীন ৰাজ্য চৰকাৰখনে ইখনৰ পাছত সিখনকৈ হিতাধিকাৰী আঁচনি ৰূপায়ণ কৰাৰ সময়তে ৰাজ্যখনত শেহতীয়াকৈ নিবনুৱা সমস্যাই ভয়ংকৰ ৰূপ ধাৰণ কৰিছে৷ আনকি নিবনুৱা বৃদ্ধিৰ ক্ষেত্ৰত ৰাষ্ট্ৰীয় হাৰকো চেৰ পেলাইছে অসমে৷ দেশৰ অৰ্থনীতিৰ থিংক টেংকস্বৰূপ চেণ্টাৰ ফৰ মনিটৰিং ইণ্ডিয়ান ইকনমি [Centre for Monitoring Indian Economy (CMIE) নামৰ সংস্থাটোৱে প্ৰকাশ কৰা তথ্য অনুসৰি যোৱা দুটা মাহতে ৰাজ্যখনত নিবনুৱাৰ হাৰ বৃদ্ধি পাইছে ৫.৯ শতাংশ৷ যোৱা অক্টোবৰ মাহত অসমত নিবনুৱাৰ হাৰ আছিল ৯.১ শতাংশ কিন্তু নৱেম্বৰ মাহত এই হাৰ উদ্বেগজনকভাৱে বৃদ্ধি পাই হৈছেগৈ ১৪.০ শতাংশ৷ অসমত এনেদৰে অভাৱনীয়ভাৱে নিবনুৱাৰ সংখ্যা বৃদ্ধি পোৱাৰ বিপৰীতে কিন্তু ৰাষ্ট্ৰীয় পৰ্যায়ত নিবনুৱাৰ হাৰ বিশেষ বৃদ্ধি পোৱা নাই৷ তথ্য অনুসৰি যোৱা অক্টোবৰ মাহত ৰাষ্ট্ৰীয় পৰ্যায়ত নিবনুৱাৰ হাৰ আছিল ৮.৯ শতাংশ৷ ইয়াৰ পাছত নৱেম্বৰ মাহত এই হাৰ বৃদ্ধি পাই হৈছেগৈ ৯ শতাংশ৷ আনহাতে অসমত নিবনুৱা লোকৰ সংখ্যা এনেদৰে বৃদ্ধি পোৱাৰ বিপৰীতে কিন্তু গুজৰাট, কৰ্ণাটক, কেৰালা, মধ্যপ্ৰদেশ, মহাৰাষ্ট্ৰ, ওড়িষা, পঞ্জাব আদি ৰাজ্যত এনেদৰে নিবনুৱাৰ সংখ্যা বৃদ্ধি পোৱা নাই৷ নৱেম্বৰ মাহত গুজৰাটত নিবনুৱাৰ হাৰ হৈছে ২.৫ শতাংশ, একেদৰে নৱেম্বৰ মাহত কৰ্ণাটকত ১.৯ শতাংশ, কেৰালাত ৫.৯ শতাংশ, মধ্যপ্ৰদেশত ৬.২ শতাংশ, মহাৰাষ্ট্ৰত ৩.৫ শতাংশ, পঞ্জাবত ৮.৯ শতাংশ হৈছে নিবনুৱাৰ হাৰ৷ ইফালে অভাৱনীয়ভাৱে বৃদ্ধি পোৱা এই নিবনুৱা সমস্যা চলিত বৰ্ষত আৰু অধিক জটিল হোৱাৰহে সম্ভাৱনা আছে৷ কিয়নো ৰাজ্য চৰকাৰখনে নিবনুৱাসকল আত্মনিৰ্ভৰশীল হোৱাৰ বাবে বিশেষ কোনো উৎপাদনমুখী আঁচনি গ্ৰহণ কৰা নাই৷ এনে পৰিস্থিতিত অনাগত সময়ত ৰাজ্যত নিবনুৱাৰ সমস্যাই ভয়ংকৰ ৰূপ ধাৰণ কৰাৰ সম্ভাৱনা প্ৰকট হৈ পৰিছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,