Home Daily news ৰিহেবিলিটেশ্যন চেণ্টাৰসমূহৰ বাবে নতুন নিৰ্দেশনা জাৰি কৰিব চৰকাৰে

ৰিহেবিলিটেশ্যন চেণ্টাৰসমূহৰ বাবে নতুন নিৰ্দেশনা জাৰি কৰিব চৰকাৰে

অচিৰেই ৰাজ্য চৰকাৰে ড্ৰাগছত আসক্তসকলৰ বাবে থকা ৰিহেবিলিটেশ্যন চেণ্টাৰসমূহৰ বাবে কিছুমান নীতি-নিৰ্দেশনা জাৰি কৰিব৷ এই কেন্দ্ৰসমূহ নিয়ন্ত্ৰণৰ বাবে ৰাজ্য চৰকাৰ সাজু হৈছে৷ এনে নিৰ্দেশনাই ৰাজ্যত থকা ৰিহেবিলিটেশ্যন চেণ্টাৰসমূহক তেওঁলোকৰ কামত সহায়ক হ’ব৷ ৰিহেবিলিটেশ্যন কেন্দ্ৰসমূহৰ সন্দৰ্ভত এইদৰে মন্তব্য কৰে ৰাজ্য চৰকাৰৰ সামাজিক ন্যায় আৰু সবলীকৰণ বিভাগৰ মন্ত্ৰী পীয়ুয হাজৰিকাই৷ মন্ত্ৰীজনে কয় যে ড্ৰাগছৰ আসক্তত পৰা ব্যক্তিসকল সমাজত বিভিন্ন সমস্যাৰ সন্মুখীন হ’ব লগা হয়৷ ড্ৰাগ্‌ছ আসক্ত হৈ পৰাৰ পাছত এজন ব্যক্তিয়ে সমাজ কলুষিত কৰিব পাৰে, আসক্তৰ ঘৰ, পৰিয়ালে অহৰহ অশান্তিত ভুগিব লগা হয়৷ এনে ব্যক্তিৰ মৃত্যুৰ পাছত পৰিয়ালটোলৈ ঘোৰ অমানিশা আহিব পাৰে, যদিহে আসক্ত ব্যক্তিজন পৰিয়ালটোৰ মূল মানুহ হয়৷ 
এটা পৰিয়াল, এখন ঘৰ, এখন সমাজ কলংকিত হৈ পৰে ড্ৰাগ্‌ছ আসক্ত ব্যক্তিজনৰ বাবে৷ মন্ত্ৰী হাজৰিকাই আৰু কয় যে হিমন্ত বিশ্বশৰ্মা নেতৃত্বাধীন ৰাজ্য চৰকাৰে চৰকাৰ গঠনৰ পাছতে ড্ৰাগছৰ বিৰুদ্ধে জোৰদাৰ অভিয়ান চলাইছে৷ ৰাজ্য চৰকাৰে অবৈধ ড্ৰাগছ, ড্ৰাগ্‌ছ সৰবৰাহকাৰীৰ বিৰুদ্ধে কঠোৰ পদক্ষেপ লৈছে৷ যাৰ ফলত ৰাজ্যত চোৰাং ড্ৰাগছৰ বেহা, ড্ৰাগছ আসক্তৰ সংখ্যা যথেষ্ট পৰিমাণে কমিছে বুলিও মন্তব্য কৰে৷ চৰকাৰে ড্ৰাগছৰ বিৰুদ্ধে সদায়ে কঠোৰ হৈ থাকিব বুলি উল্লেখ কৰি তেওঁ ভৱিষ্যৎ প্ৰজন্মক এই ড্ৰাগছৰ অভাৰডোজৰ দৰে বৰবিহৰ পৰা ৰক্ষা পৰিবলৈ সকলোৱে সজাগ আৰু সচেতন হ’ব লাগিব বুলি উল্লেখ কৰে৷ ড্ৰাগছ আসক্তৰ পৰা ওলাই অহা বহুকেইজন ব্যক্তি অনুষ্ঠানত অংশ লোৱা দেখি তেওঁলোকে এইদৰে ড্ৰাগছৰ কৰাল গ্ৰাসৰ পৰা ওলাই অহাৰ বাবে কৃতজ্ঞতা জ্ঞাপন কৰে৷ অনুষ্ঠানত নাৰ্কটিক ব্যুৰ’ৰ সঞ্চালক ৰাকেশ চন্দ্ৰ শুক্লাই ড্ৰাগছৰ অভাৰডোজৰ ভয়াৱহতাৰ বিষয়ে উল্লেখ কৰে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...