Home Daily news ৰায়দান ! সকলো মহিলাৰ গৰ্ভপাত কৰোৱাৰ অধিকাৰ আছে

ৰায়দান ! সকলো মহিলাৰ গৰ্ভপাত কৰোৱাৰ অধিকাৰ আছে

উচ্ছতম ন্যায়ালয়ে গৰ্ভপাত সম্পৰ্কত এটা ঐতিহাসিক ৰায় দিয়ে৷ উচ্ছতম ন্যায়ালয়ে দিয়া ৰায়টোত কোৱা হৈছে যে মহিলাসকলৰ গৰ্ভপাত কৰোৱাৰ সম্পূৰ্ণ অধিকাৰ আছে৷ ইয়াত তেওঁলোকৰ বৈবাহিক স্থিতিয়ে কোনোধৰণৰ প্ৰভাৱ নেপেলায়৷ ন্যায়ালয়ে ৰায়টোত কয় যে নতুন মেডিকেল টাৰ্মিনেশ্যন অব্‌ প্ৰেগনেন্সি আইন আৰু নিয়ম অনুসৰি বিবাহিত বা অবিবাহিত যিকোনো মহিলাৰ গৰ্ভধাৰণৰ ২৪ সপ্তাহৰ ভিতৰত নিৰাপদ আৰু আইনীভাৱে গৰ্ভপাত কৰোৱাৰ অধিকাৰ আছে৷ ন্যায়ালয়ে ৰায়টোত কয়– সকলো বিবাহিত বা অবিবাহিত মহিলাৰ গৰ্ভাৱস্থাৰ ২৪ সপ্তাহলৈকে সুৰক্ষিত তথা আইনীভাৱে গৰ্ভপাত কৰোৱাৰ অধিকাৰ আছে৷ গৰ্ভপাত আইনৰ অধীনত বিবাহিতা আৰু অবিবাহিতা মহিলাৰ মাজত ভেদ ভাব কৰাটো সাংবিধানিকভাৱে সঠিক নহয়৷
কেৱল বিবাহিতা মহিলাইহে যৌন সম্পৰ্ক স্থাপন কৰিব পাৰে বুলি থকা ধাৰণাই সংৰক্ষণবাদী মনোভাবত উদগনি যোগায়৷ ন্যায়াধীশ ডি ৱাই চন্দ্ৰচূড়, ন্যায়াধীশ জে বি পাৰ্দিৱালা আৰু ন্যায়াধীশ এ এছ বোপান্নাক লৈ গঠিত বিচাৰপীঠে এই ৰায় দিয়ে৷ বিচাৰপীঠৰ মতে, ‘গৰ্ভপাত আইনৰ অধীনত বিবাহিতা আৰু অবিবাহিতা মহিলাৰ মাজত পক্ষপাতিত্ব কৰাটো প্ৰাকৃতিকভাৱে তথা সাংবিধানিকভাৱে উচিত নহয়৷’ আদালতে লগতে কয় যে বিবাহিতা মহিলাও যৌন আতিশয্য আৰু বলাৎকাৰৰ বলি হোৱাসকলৰ আওতালৈ আহিব পাৰে৷ বলাৎকাৰৰ অৰ্থ হ’ল কোনো মহিলাৰ সৈতে তেওঁৰ ইচ্ছাৰ বিৰুদ্ধে সম্পৰ্ক স্থাপন কৰাটো৷ এগৰাকী বিবাহিতা মহিলা তেওঁৰ নিজৰ সন্মতিৰ অবিহনে স্বামীয়ে কৰা যৌন সম্পৰ্কৰ ফলত গৰ্ভৱতী হ’ব পাৰে৷ উল্লেখযোগ্য যে এগৰাকী ২৫ বছৰীয়া অবিবাহিতা মহিলাই ২৪ সপ্তাহৰ ভিতৰত গৰ্ভপাত কৰোৱাৰ অনুমতি বিচাৰি জনোৱা আৱেদনৰ ভিত্তিত উচ্ছতম ন্যায়ালয়ে আজি এই গুৰুত্বপূৰ্ণ ৰায় দিয়ে৷ দিল্লী উচ্ছ ন্যায়ালয়ে যোৱা ১৬ জুলাইত তেওঁৰ আৱেদন খাৰিজ কৰিছিল৷ ইয়াৰ পাছত তেওঁ উচ্ছতম ন্যায়ালয়ত আৱেদন জনাইছিল৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,