Home Diet Plus ৰাতি শোৱাৰ সময়ত কিছু মানিবলগীয়া নিয়ম

ৰাতি শোৱাৰ সময়ত কিছু মানিবলগীয়া নিয়ম

ৰাতি শোৱাৰ সময়ত আমি কিছুমান নিয়ম পালন কৰিব লাগে৷ ইয়াৰ ফলত টোপনি ভাল হোৱাৰ লগতে অভ্যন্তৰীণ বহুতো সমস্যাৰ পৰা হাত সাৰি থাকিব পাৰি৷ আনহাতে বহুতৰে শোৱাৰ সময়ত উজ্জ্বল পোহৰ অথবা কৃত্ৰিম পোহৰত শোৱাৰ অভ্যাসে গঢ় লয়, কিন্তু এইদৰে পোহৰত শোৱাটো কিমান যুক্তিসংগত বা উচিতনে? 
এই বিষয়ে জানো আহক৷ ৰাতি কৃত্ৰিম পোহৰত টোপনি মাৰিলে শৰীৰত তাৰ নেতিবাচক প্ৰভাৱ পৰে৷ ছিকাগোৰ নৰ্থ ৱেষ্টাৰ্ন ইউনিভাৰ্ছিটিৰ এটা গৱেষণাত এই কথা প্ৰকাশ পাইছে৷ শোৱাৰ সময়ত বিভিন্ন ধৰণৰ পোহৰ ব্যৱহাৰ কৰি এই গৱেষণাটো কৰা হৈছিল৷ 
গৱেষণাৰ পাছত দেখা গৈছিল যে কৃত্ৰিম পোহৰ বা বিভিন্ন আলোকসজ্জা মাজত ৰাতি টোপনি মাৰিলে গ্লুকজৰ মাত্ৰা বাঢ়ি যায়৷ শৰীৰত মেটাবলিজমৰ অৱনতি হয়৷ ইয়াৰ ফলত হৃদৰোগ, ডায়েবেটিছ বা মেটাবলিক চিণ্ড্ৰমৰ সম্ভাৱনা বৃদ্ধি পায়৷ ৰাতি কৃত্ৰিম পোহৰত শোৱাৰ সময়ত আলোক এক্সপোজাৰ ইনছুলিন প্ৰতিৰোধ ক্ষমতা বাঢ়িব পাৰে৷ 
এনে অৱস্থাত স্নায়ুতন্ত্ৰক আৰু অধিক সক্ৰিয় কৰি টোপনিত ব্যাঘাত জন্মাব পাৰে৷ গৱেষণাটোত বিজ্ঞানীসকলে কৃত্ৰিম পোহৰ আৰু বিপাকীয় ক্ৰিয়াৰ মাজত এটা সম্পৰ্কৰ কথা উল্লেখ কৰিছে৷ জনা মতে টোপনিৰ ধৰণৰ ওপৰত মেটাবলিজম সংক্ৰান্তীয় সমস্যাৰ সৃষ্টি হ’ব পাৰে৷ ২০জন লোকক লৈ তেওঁলোকে এই পৰীক্ষাটো কৰিছিল৷ 
এই ২০জনৰ ভিতৰত ১০জনৰ এটা কৃত্ৰিম পোহৰ থকা কোঠা আৰু অন্য ১০জনক এটা মন্থৰ পোহৰ থকা কোঠাত শুবলৈ দিয়া হৈছিল৷ উভয় গোটক এদিনৰ বাবে শুবলৈ দি তাৰ পাছত তেওঁলোকক মূল্যায়ন কৰা হৈছিল৷ 
দেখা গৈছিল যে কৃত্ৰিম পোহৰ শোৱাসকলৰ ইনছুলিন প্ৰতিৰোধ ক্ষমতা ১৫ শতাংশ হ্ৰাস পাইছিল আৰু কম পোহৰত শোৱাসকলৰ ইনছুলিনৰ প্ৰতিৰোধৰ ক্ষমতা মাত্ৰ ৪ শতাংশ হ্ৰাস পাইছিল৷ আনহাতে ইনছুলিন সংবেদনশীলতাৰ পৰিপ্ৰেক্ষিতত বেছি পোহৰ থকা কোঠাত শোৱাসকলৰ মাজত ১৬ শতাংশ হ্ৰাস পাইছিল আৰু কম পোহৰত শোৱাৰ ক্ষেত্ৰত ৩ শতাংশ বৃদ্ধি পাইছিল৷ 
অৱশ্যে তেজৰ শৰ্কৰাৰ মাত্ৰাৰ ক্ষেত্ৰত কোনো উল্লেখযোগ্য পাৰ্থক্য দেখা পোৱা নাছিল৷ এই গৱেষণাৰ পাছত গৱেষকে এক সিদ্ধান্তত উপনীত হয় যে যিসকল লোকে ৰাতি শোৱাৰ সময়ত উজ্জ্বল তথা কৃত্ৰিম পোহৰত শোৱে, কৃত্ৰিম পোহৰে তেওঁলোকৰ স্নায়ুতন্ত্ৰ সক্ৰিয় কৰে আৰু কাৰ্ডিঅ’মেটাবলিক ফাংশ্যনত পৰিৱৰ্তন সাধন কৰে৷ এজন মানুহে যদি কম পোহৰ ৰাতি টোপনি মাৰে, তেওঁলাকৰ টোপনিৰ মান উন্নত হোৱাৰ লগতে ভাল টোপনি অহাত সহায় কৰে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,