Home Daily news ৰাজ্যৰ উপ-নিৰ্বাচনৰ বাবে নতুন SOP (New SOP for bypolls in State)

ৰাজ্যৰ উপ-নিৰ্বাচনৰ বাবে নতুন SOP (New SOP for bypolls in State)


কভিড-সৃষ্ট পৰিস্থিতিৰ বাবে উপ-নিৰ্বাচন অনুষ্ঠিত হ’বলগীয়া সমষ্টিসমূহত নিৰ্বাচনী প্ৰচাৰৰ ক্ষেত্ৰত নতুন নিয়ম প্ৰযোজ্য কৰিছে নিৰ্বাচন আয়োগে৷ সাধাৰণতে ভোট গ্ৰহণৰ ৪৮ ঘণ্টাৰ পূৰ্বে প্ৰচাৰ অভিযানৰ সামৰণি পৰে৷ উপ-নিৰ্বাচনত ৭২ ঘণ্টাৰ পূৰ্বে নিৰ্বাচনী প্ৰচাৰ সামৰিব লাগিব প্ৰাৰ্থী তথা ৰাজনৈতিক দলসমূহে৷ উল্লেখ্য যে অহা ৩০ অক্টোবৰত দেশৰ আন ৰাজ্যৰ লগতে অসমৰো ৫টা সমষ্টিত উপ-নিৰ্বাচন অনুষ্ঠিত হ’ব৷ অসম প্ৰশাসনীয় পদাধিকাৰী মহাবিদ্যালয়ত অনুষ্ঠিত সংবাদমেলত ৰাজ্যৰ মুখ্য নিৰ্বাচন বিষয়া নীতিন খাড়েই জানিবলৈ দিয়ে যে পুৱা ৭ বজাৰ পৰা বিয়লি ৫ বজালৈ ভোট গ্ৰহণ হ’ব৷ ভোট গ্ৰহণ আৰু গণনাৰ লগত জড়িত বিষয়া-কৰ্মচাৰী, ৰাজনৈতিক দলৰ পুলিং এজেণ্ট, কাউণ্টিং এজেণ্ট, চালক সকলোৱে কভিড প্ৰতিৰোধক দুটাকৈ ভেকচিন লোৱাটো বাধ্যতামূলক হ’ব৷ নিৰ্বাচনত প্ৰতিদ্বন্দ্বিতাত নমা প্ৰাৰ্থীয়ে ঘৰে ঘৰে চলোৱা প্ৰচাৰ অভিযানত মুঠ ৫জন লোকহে যাব পাৰিব৷ মুখ্য নিৰ্বাচন বিষয়াজনে জানিবলৈ দিয়ে যে স্বীকৃতিপ্ৰাপ্ত ৰাজনৈতিক দলৰ প্ৰাৰ্থী বা ষ্টাৰ কেম্পেইনাৰে ৫০ শতাংশ যাত্ৰী অৰ্থাৎ তিনিজনক লৈ ২০খন গাড়ী ব্যৱহাৰ কৰিব পাৰিব৷ স্বীকৃতিহীন দলে ১০খনকৈ গাড়ী প্ৰচাৰৰ সময়ত নিৰ্বাচনী বিষয়াৰ অনুমতি সাপেক্ষে ব্যৱহাৰ কৰিব পাৰিব৷ ৰোড শ্ব’, বাইক ৰেলী, চাইকেল ৰেলী উপ-নিৰ্বাচনত নিষিদ্ধ কৰা হৈছে৷ পদপথত চলোৱা নিৰ্বাচনী প্ৰচাৰত ৫০জন লোকহে উপস্থিত থাকিব পাৰিব৷ ভিডিঅ’ ভানেৰে প্ৰদৰ্শনৰ জৰিয়তে চলোৱা প্ৰচাৰ অভিযানতো মাত্ৰ ৫০জন লোকহে উপস্থিত থাকিব পাৰিব৷ ভোট কেন্দ্ৰত ভোটদানৰ বাবে যোৱা ভোটাৰে মাস্ক পিন্ধাটো বাধ্যতামূলক৷ মুখ্য নিৰ্বাচন বিষয়াজনে কয় যে ভোট কেন্দ্ৰ সম্পূৰ্ণভাৱে ছেনিটাইজড্‌ কৰা হ’ব৷ ভোটাৰে সামাজিক দূৰত্ব মানিব লাগিব আৰু ভোটাৰক হেণ্ড গ্লভ্‌ছ যোগান ধৰা হ’ব৷ প্ৰেক্ষাগৃহৰ ভিতৰত হোৱা নিৰ্বাচনী প্ৰচাৰ সভাত ২০০জন লোকহে উপস্থিত থাকিব পাৰিব৷ মুকলি স্থানত হোৱা নিৰ্বাচনী প্ৰচাৰ সভাত ষ্টাৰ কেম্পেইনাৰ থাকিলে সৰ্বাধিক এক হাজাৰ অন্যথা ৫০০জন লোকহে উপস্থিত থাকিব পাৰিব৷ নিৰ্বাচনী প্ৰচাৰৰ ক্ষেত্ৰত দল আৰু প্ৰাৰ্থীসকলে কভিড প্ৰট’কল মানি চলিছে নে নাই সেই কথা মুখ্য সচিব, জিলাৰ কতৃৰ্পক্ষই পৰ্যবেক্ষণ কৰিব লাগিব৷ মুখ্য নিৰ্বাচন বিষয়াই কয় যে কভিডৰ ক্ষেত্ৰত ৰাজ্যিক দুৰ্যোগ ব্যৱস্থাপনা কতৃৰ্পক্ষই দিয়া আন আন বিধি-ব্যৱস্থা মানি চালিব লাগিব৷

Strong information on health

5.0 rating
March 12, 2021

From this website anyone can get good information on health. As health is wealth, so, following this website let’s take care for our health.

Again Kumar Nath

Most Popular

আৰক্ষীৰ সাফল্য! ড্ৰাগ্‌ছ সৰবৰাহৰ ন-ন কৌশল (New modus operandi in drug smuggling: police success story)

অসম-নগালেণ্ড সীমান্তৰ কাৰ্বি আংলং জিলাৰ বোকাজান মহকুমাৰ অন্তৰ্গত পুৰণা লাহৰিজানত ২৫ অক্টোবৰৰ সন্ধিয়া ড্ৰাগ্‌ছ মাফিয়া আৰু আৰক্ষীৰ তুমুল গুলীয়াগুলী হয়৷ জানিব পৰা...

পৰিৱেশলৈ ভাবুকি ! BMW আইনখন কাৰ্যকৰী হৈছেনে? A threat to the environment : Has the BMW Act been implemented?

ৰাজ্যৰ চৰকাৰী-বেচৰকাৰী খণ্ডৰ চিকিৎসালয়সমূহে চিকিৎসা সেৱাৰ স্বাৰ্থত যিবোৰ নীতি-নিয়ম মানি চলিব লাগে, প্ৰকৃতাৰ্থত সেয়া কিমান কাৰ্যকৰী হৈছে? বিশেষকৈ চিকিৎসা প্ৰতিষ্ঠানসমূহে চৌদিশ পৰিষ্কাৰ...

সাৱধান ! পৰিৱেশ-অনুকূল ফট্‌কাহে ফুটাব পাৰিব (Beware, use only eco-friendly fireworks)

দেৱালীৰ প্ৰাকমুহূৰ্তত অসমৰ প্ৰদূষণ নিয়ন্ত্ৰণ ব’ৰ্ডে ৰাজ্যখনত গ্ৰীন ফট্‌কাৰ বাহিৰে সকলো ধৰণৰ আতচবাজী ফুটোৱা আৰু বিক্ৰী কৰাৰ ক্ষেত্ৰত...

কম বয়সতে হাতৰ ছাল কোঁচ খাইছে নেকি ? Is your hand skin sagging at a young age?

আমি মুখৰ ছালখন ভালে ৰাখিবলৈ অশেষ যত্ন কৰোঁ৷ বিভিন্ন ধৰণৰ প্ৰসাধন সামগ্ৰী, স্ক্ৰাবিং কৰা, উন্নত ব্ৰেণ্ডৰ ক্ৰিম লগোৱা আদি নানা পৰিচৰ্যা কৰোঁ৷...

Recent Comments