Home Daily news ৰাজ্যত স্থাপন হ’ব উচ্চ শক্তিসম্পন্ন ৫০টা মিল

ৰাজ্যত স্থাপন হ’ব উচ্চ শক্তিসম্পন্ন ৫০টা মিল

ৰাজ্য চৰকাৰে ৰাজসাহায্যযুক্ত ২০০ মেট্ৰিকটন ধান বনাৰ শক্তিসম্পন্ন ৫০টা ধান মিল স্থাপন কৰাৰ ব্যৱস্থা কৰিব৷ এই মিলসমূহ স্থাপন  কৰাসকলে  ১০ৰপৰা ৪০ লাখ টকালৈকে  ৰাজসাহায্য লাভ কৰিব৷ ধান মিলৰ সামৰ্থ্য অনুসৰি এই পদক্ষেপ মুখ্যমন্ত্ৰীৰ সমগ্ৰ গ্ৰাম্য উন্নয়ন যোজনা আৰু কৃষি আন্তঃগাঁথনি পুঁজি [এ আই এফ]ৰ যুটীয়া উদ্যোগত ৰূপায়ণ কৰা হ’ব বুলি মুখ্যমন্ত্ৰী ড॰ হিমন্ত বিশ্ব শৰ্মাই  ঘোষণা কৰিছে৷ কৃষি আন্তঃগাঁথনি পুঁজিৰ অধীনত ১ হাজাৰটা ক্ষুদ্ৰ ধান মিল স্থাপনৰ বাবেও ৰাজ্য চৰকাৰে সহযোগিতা আগবঢ়াব৷ ইয়াৰ বাবে প্ৰতিটো ধান মিল স্থাপনৰ বাবে ১.১৭ লাখ টকা পৰ্যন্ত ৰাজসাহায্য  প্ৰদান কৰা হ’ব৷ আনহাতে কৃষি বিভাগে গ্ৰহণ কৰা পদক্ষেপৰ অধীনত কৃষক উৎপাদক গোটসমূহক ৯০ শতাংশ ৰাজসাহায্যযুক্ত ধান কটা যন্ত্ৰ [কম্বাইন হাৰ্ভেষ্টাৰ] প্ৰদান কৰা হ’ব৷
ৰাজ্যখনৰ গ্ৰাম্য অৰ্থনীতি সবলীকৰণৰ পদক্ষেপসমূহক বিশেষ গতি দিয়াৰ উদ্দেশ্যে মুখ্যমন্ত্ৰী ড॰ হিমন্ত বিশ্ব শৰ্মাৰ অধ্যক্ষতাত কৃষি বিভাগ আৰু মুখ্যমন্ত্ৰী সমগ্ৰ গ্ৰাম্য উন্নয়ন যোজনাৰ বিষয়াসকলৰ বৈঠক অনুষ্ঠিত হয়৷ ৰাজ্যত অধিক ধান কল স্থাপন কৰাৰ লগতে মজলীয়া আৰু ক্ষুদ্ৰ কৃষকৰ গোট হিচাপে পৰিগণিত ‘ফাৰ্মাৰ প্ৰডিউচাৰ কোম্পানী’সমূহক ধান কটা যন্ত্ৰ [কম্বাইন হাৰ্ভেষ্টৰ] আৰু মিনি ট্ৰাক যোগান ধৰাৰ বাবে কৃষি বিভাগে গ্ৰহণ কৰা পদক্ষেপসমূহৰ বিষয়ে  বৈঠকত আলোচনা কৰা হয়৷ মুখ্যমন্ত্ৰীয়ে লগতে প্ৰস্তাৱিত পদক্ষেপসমূহ কৃষকসকলৰ বাবে অধিক উপযোগী আৰু সুলভ কৰি তুলিবলৈ কেইবাটাও পৰামৰ্শ আগবঢ়ায়৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...