Home Daily news ৰাজ্যত প্ৰসূতিৰ মৃত্যুৰ হাৰ হ্ৰাস পাইছে : কোনে ক’লে ?

ৰাজ্যত প্ৰসূতিৰ মৃত্যুৰ হাৰ হ্ৰাস পাইছে : কোনে ক’লে ?

প্ৰসূতিৰ মৃত্যুৰ হাৰ হ্ৰাস কৰাৰ বাবে স্বাস্থ্য বিভাগে বিশেষ পদক্ষেপ গ্ৰহণ কৰাৰ কথা অসম বিধানসভাত সদৰী কৰিছে স্বাস্থ্য মন্ত্ৰী কেশৱ মহন্তই৷ দেশৰ ভিতৰত অসমত প্ৰসূতিৰ মৃত্যুৰ হাৰ সৰ্বাধিক বুলি শাসক দলৰ বিধায়ক তেৰছ গোৱালাই দৃষ্টি আকৰ্ষণ কৰা এটা বিষয়ৰ ওপৰত উত্তৰ দি স্বাস্থ্য মন্ত্ৰীগৰাকীয়ে কয় যে পূৰ্বৰ তুলনাত এতিয়া প্ৰসূতিৰ মূত্যুৰ হাৰ বহুখিনি হ্ৰাস পাইছে৷ প্ৰায় ৩৫ শতাংশ মৃত্যৰ হাৰ হ্ৰাস পোৱাৰ কথা তেওঁ সদৰী কৰে৷ ২০২১ চনত ৫২৬গৰকী প্ৰসূতিৰ মৃত্যু হোৱাৰ বিপৰীতে চলিত বৰ্ষত ৩৪২গৰাকী প্ৰসূতিৰ মৃত্যু হোৱাৰ কথাও উল্লেখ কৰে৷ মন্ত্ৰীগৰাকীয়ে লগতে কয় যে চিকিৎসালয়সমূহৰ উপৰি স্বাস্থ্য শিবিৰসমূহত এতিয়া গুৰুত্ব দিয়া হৈছে৷ পূৰ্বে স্বাস্থ্য শিবিৰসমূহত কোনো বিশেষজ্ঞ চিকিৎসকৰ ব্যৱস্থা কৰা হোৱা নাছিল যদিও এতিয়া শিবিৰসমূহলৈও বিশেষজ্ঞ চিকিৎসক প্ৰেৰণ কৰা হয়৷ যাৰ ফলত এতিয়া শিবিৰসমূহতো প্ৰসূতিসকলে উন্নত চিকিৎসা লাভ কৰিবলৈ সক্ষম হৈছে৷ 
ইয়াৰ সমান্তৰালকৈ ম’বাইল ইউনিটসমূহৰ জৰিয়তেও উন্নত চিকিৎসা প্ৰদান কৰি থকাৰ কথা উল্লেখ কৰে৷ ১৮০খন ম’বাইল ইউনিটৰ ৮০খনেই চাহ বাগিচা অঞ্চলত যোগান ধৰাৰ কথা উল্লেখ কৰি কয় যে এতিয়া পূৰ্বৰ তুলনাত চাহ বাগিচা অঞ্চলত চিকিৎসা ব্যৱস্থা বহু উন্নত কৰা হৈছে৷ সমান্তৰালকৈ চাহ বাগিচাৰ লাইনৰ যুৱতী-মহিলাক বাগিচাৰ ভিতৰতেই আশা কৰ্মী হিচাপে নিযুক্তি দিয়াৰ ব্যৱস্থা কৰা বুলি প্ৰকাশ কৰে৷ তেওঁ কয় যে চাহ বাগিচাৰ প্ৰসূতিক সেৱা আগবঢ়োৱাত যাতে কোনোধৰণৰ অসুুবিধা  নহয়, সেই দিশৰ প্ৰতি লক্ষ্য ৰাখি বাগিচাৰ মহিলা-যুৱতীক নিজৰ অঞ্চলতেই নিযুক্তি দিয়াৰ ব্যৱস্থা গ্ৰহণ কৰাৰ কথা স্পষ্ট কৰে৷ তেওঁ লগতে কয় যে যোৱা মে’ৰ পৰা প্ৰতি মাহত একোখনকৈ স্বাস্থ্য মন্থন বৈঠক অনুষ্ঠিত কৰা হৈছে৷ এই বৈঠকসমূহত প্ৰতিটো ব্লকৰ স্বাস্থ্য সেৱাৰ বিষয়সমূহ আলোচনা কৰা হৈছে৷ য’ত উন্নত চিকিৎসা লাভ কৰা নাই, তাতেই যাৱতীয় ব্যৱস্থা গ্ৰহণ কৰিবলৈ নিৰ্দেশ দি থকা হৈছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,