Home Daily news ৰাজ্যত ক’ভিডৰ নতুন গাইডলাইন

ৰাজ্যত ক’ভিডৰ নতুন গাইডলাইন


ৰাজ্যত দৈনিক ক’ভিডত আক্ৰান্তৰ সংখ্যাই যোৱা দুটা বছৰৰ অভিলেখ ভংগ কৰিলে৷ তদুপৰি ৰাজ্যত ৫ গুণ শক্তিশালী ৰূপত অ’মিক্ৰনৰ সংক্ৰমণ হৈছে৷ ৰাজ্যৰ মুখ্যমন্ত্ৰীজনে সংবাদমেলযোগে প্ৰকাশ কৰে যে অসমত ক’ভিডত আক্ৰান্ত লোকৰ সংখ্যা বৃদ্ধি পাইছে যদিও চিকিৎসালয়ত ভৰ্তি হোৱা লোকৰ সংখ্যা বৃদ্ধি পোৱা নাই৷ বৈঠকত মুখ্যমন্ত্ৰী ড॰ হিমন্ত বিশ্ব শৰ্মাই অসমত পুনৰ লকডাউন নিদিয়াৰ আশ্বাস প্ৰদান কৰে৷ এতিয়াৰ পৰা ক’ভিড আক্ৰান্ত চৰকাৰী কৰ্মচাৰীয়ে ক’ভিডত আক্ৰান্ত হোৱাৰ দিনটোৰ পৰা কেৱল জ্জ দিনহে ছুটী লাভ কৰিব বুলি কয়৷ ৰোগীজন চিকিৎসালয়ত থকা আৰু ঘৰত থকা সকলো মিলাই এইকেইদিন ছুটী পোৱাৰ পাছত ৮ নম্বৰ দিনটোত পুনৰ কৰ্তব্যত যোগ দিব লাগিব বুলিও কয়৷ আনহাতে অহা ১৫ ফেব্ৰুৱাৰীৰ ভিতৰত অসমত ক’ভিডৰ দ্বিতীয় পালি ভেকচিন দি সম্পূৰ্ণ কৰাৰ লক্ষ্য লোৱা বুলি প্ৰকাশ কৰে মুখ্যমন্ত্ৰীজনে৷ ইফালে ৰাজ্যৰ স্বাস্থ্য বিভাগে ক’ভিডৰ সংক্ৰমণ, প্ৰতিৰোধ আৰু চিকিৎসা সন্দৰ্ভত এক নতুন নিৰ্দেশনা জাৰি কৰিছে৷ স্বাস্থ্য বিভাগৰ প্ৰধান সচিব অনুৰাগ গোৱেলে জাৰি কৰা এই নিৰ্দেশনা অনুসৰি এতিয়াৰ পৰা ৰাজ্যত ক’ভিড পৰীক্ষাৰ নামত জৰুৰী চিকিৎসা সেৱা ব্যাহত নহ’ব৷ যিকোনো জৰুৰীকালীন চিকিৎসাৰ বাবে ক’ভিডৰ ফলাফললৈ ৰৈ থাকিব নালাগে৷ ইফালে লক্ষণ নথকা গৰ্ভৱতী মহিলাৰ ক্ষেত্ৰতো ক’ভিড পৰীক্ষা বাধ্যতামূলক নহ’ব৷ ইয়াৰ উপৰি ক’ভিড পৰীক্ষাৰ অভাৱত ৰোগীক আন চিকিৎসালয়লৈ প্ৰেৰণ কৰিবও নোৱাৰিব৷ এতিয়াৰ পৰা ক’ভিড ৰোগীক চিকিৎসালয়ত ভৰ্তি হোৱাৰ পঞ্চম দিনা ছুটী দিব লাগিব৷ চিকিৎসালয়ৰ পৰা ছুটী দিয়াৰ সময়ত ৰোগীৰ ক’ভিড পৰীক্ষা জৰুৰী নহ’ব৷ একেদৰে ৰোগীজন একেৰাহে তিনিদিন লক্ষণবিহীন হৈ থাকিলে তেওঁক ঘৰলৈ যাব দিব পাৰিব৷ চিকিৎসালয়ত পাঁচদিন থকা ৰোগীসকলে পৰৱৰ্তী দুদিন ঘৰত আইছ’লেশ্যনত থাকিব লাগিব৷ আক্ৰান্ত হোৱাৰ পৰা সাত দিনৰ পাছতহে তেওঁক ক’ভিড মুক্ত হিচাপে বিবেচনা কৰা হ’ব৷ ইফালে স্বাস্থ্য মন্ত্ৰী কেশৱ মহন্তই কয় যে ৰাজ্যত এতিয়া ডেল্টা আৰু অ’মিক্ৰন দুয়োটা ভেৰিয়েণ্ট চলি আছে৷ ক’ভিডত আক্ৰান্ত ৰোগী বাঢ়িলেও চিকিৎসাধীন হোৱা লোকৰ সংখ্যা বৃদ্ধি পোৱা নাই৷ অধিকাংশ লোকেই হ’ম আইছ’লেশ্যনত থকা বুলিও তেওঁ কয়৷ আনহাতে জি এম চি এইচৰ অধীক্ষক ডাঃ অভিজিৎ শৰ্মাই কয় যে এইবাৰ সৰ্বাধিক ২১-৩০ বছৰ বয়সৰ লোক ক’ভিডত আক্ৰান্ত হৈছে৷ দুয়োপালি ভেক্‌চিন লোৱা লোকো ক’ভিডত আক্ৰান্ত হৈছে যদিও সেয়া অতি কম বুলি সদৰী কৰি ভেক্‌চিন নোলোৱা লোক বেছি বুলি সদৰী কৰে৷ তাৰ পাছতে ৬০ বছৰৰ অধিক বয়সৰ লোক আৰু লগতে শিশুও ক’ভিডত আক্ৰান্ত হোৱা বুলি সদৰী কৰে

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...