Home Daily news ৰাজ্যত এইবাৰ ড্ৰাগ্‌ছ সৰবৰাহত শিশুক ব্যৱহাৰ

ৰাজ্যত এইবাৰ ড্ৰাগ্‌ছ সৰবৰাহত শিশুক ব্যৱহাৰ

লখিমপুৰ জিলাৰ বিহপুৰীয়া আৰু বান্দৰদেৱাৰ আৰক্ষীৰ ড্ৰাগ্‌ছ-বিৰোধী এক অভিযানত ড্ৰাগ্‌ছ সৰবৰাহত  জড়িত কৰা এটি শিশুৰ পিতৃ-মাতৃক গ্ৰেপ্তাৰ হয়৷ আৰক্ষীয়ে ড্ৰাগ্‌ছ সৰবৰাহকাৰীৰ পৰা ৪০টা কণ্টেইনাৰসহ ৫.০৪ গ্ৰাম নিষিদ্ধ হেৰ’ইন জব্দ কৰিবলৈ সক্ষম হয়৷ 
আৰক্ষীয়ে অভিযান চলাই বান্দৰদেৱা আৰক্ষী চকীৰ অন্তৰ্গত ২নং পাৰ্বতীপুৰৰ ৰমা গাম, মিনা বড়ি, লালুকৰ জিতেন বিশ্বাসৰ পত্নী ৰিজু পেগুক গ্ৰেপ্তাৰ কৰে৷ বিহপুৰীয়া থানাৰ পৰিদৰ্শক উৎপল বৰা আৰু বান্দৰদেৱা আৰক্ষী চকীৰ উপ-পৰিদৰ্শক নিপন গগৈৰ নেতৃত্বত চলা অভিযানত এইদৰে হেৰ’ইনসহ তিনিওটা ড্ৰাগ্‌ছ সৰবৰাহকাৰীক গ্ৰেপ্তাৰ কৰে৷ 
এই সন্দৰ্ভত লখিমপুৰ সদৰ থানাত এখন সংবাদমেলত লখিমপুৰ আৰক্ষীৰ উপ-পৰিদৰ্শক ৰুণা নেওগ, বিহপুৰীয়া থানাৰ আৰক্ষী বিষয়া উৎপল বৰাই কয় যে বিগত সময়ত ড্ৰাগ্‌ছ ব্যৱসায়ীয়ে মহিলাক ব্যৱহাৰ কৰাৰ দৰে এইবাৰ শিশুক ব্যৱহাৰ কৰিছে, যিটো উদ্বেগজনক বিষয়৷ ঘটনা সন্দৰ্ভত আৰক্ষীয়ে আঠ বছৰীয়া শিশুটিৰ পিতৃ-মাতৃক গ্ৰেপ্তাৰ কৰিছে৷ 
আৰক্ষীয়ে শিশুটিক জে জে ব’ৰ্ডত চমজাই দিব বুলি সদৰী কৰে৷ ইফালে আৰক্ষী উপ-পৰিদৰ্শকজনে সংবাদমেলত জনোৱা মতে, আৰক্ষীয়ে ২০২২  বৰ্ষত মুঠ ১২৫গৰাকী ড্ৰাগ্‌ছ সৰবৰাহকাৰী, ব্যৱসায়ীক গ্ৰেপ্তাৰ কৰে৷ আনহাতে বিগত কেইটামান দিনত ডেনিয়েল বড়ি, মোবাৰক আলী, কুতুবুদ্দিন আলীক গ্ৰেপ্তাৰ কৰে৷ আৰক্ষীয়ে ড্ৰাগ্‌ছ ব্যৱসায়ীৰ বিৰুদ্ধে অভিযান অব্যাহত ৰাখিছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,