Home Daily news ৰ’বটিক অস্ত্ৰোপচাৰৰ সহায়ত আঁঠু বদলিকৰণ : ক’ত ?

ৰ’বটিক অস্ত্ৰোপচাৰৰ সহায়ত আঁঠু বদলিকৰণ : ক’ত ?

আথ্ৰাইটিছ সম্পূৰ্ণৰূপে নিৰাময় নহ’বও পাৰে কিন্তু নতুন চিকিৎসা পদ্ধতিয়ে দীৰ্ঘস্থায়ীভাৱে বিষ নিৰাময় কৰাত সুফল প্ৰদান কৰিছে৷ আথ্ৰাইটিছৰ বাবে যিসকল ৰোগীয়ে বেছি আঁঠুৰ বিষত ভুগি আছে, তেওঁলোকৰ বাবে ৰ’বটৰ সহায়ত কৰা আঁঠুৰ বদলিকৰণে কম সময়ত বিষ নিৰাময়ত দীৰ্ঘম্যাদী সহায় কৰে৷ এই কথা সদৰী কৰে চেন্নাইস্থিত এপ’ল’ হস্পিটেলৰ জ্যেষ্ঠ অৰ্থ’পেডিক ছাৰ্জন ডাঃ মদন মোহন ৰেড্ডীয়ে৷ 
পৰম্পৰাগত আঁঠু বদলিকৰণ অস্ত্ৰোপচাৰৰ কৃতকাৰ্যতাৰ হাৰ যদিও ৯০-৯৫ শতাংশ, ৰ’বটিক অস্ত্ৰোপচাৰৰ ক্ষেত্ৰত এই হাৰ ১০০ শতাংশ৷ যদিহে আপুনি সম্পূৰ্ণ আঁঠু বদলিকৰণৰ (TKR) প্ৰয়োজনীয়তা থকা ৰোগী, তেনেহ’লে আপোনাৰ শাৰীৰিক অৱস্থাৰ প্ৰতি লক্ষ্য ৰাখি প্ৰথমে কিছু কম ব্যয়যুক্ত চিকিৎসা প্ৰদান কৰা হ’ব৷ 
জীৱন শৈলীৰ পৰিৱৰ্তন যেনে– ওজন কমোৱা, ব্যায়াম ইত্যাদি, জোৰাত দিয়া ইনজেকচন, শাৰীৰিক চিকিৎসা আৰু আঁঠুৰ ব্যায়াম৷ যদিহে ৰোগী এই উপৰিউক্ত চিকিৎসাৰ পৰা উপকৃত নহয় তেনেহ’লে ৰোগীৰ সমস্যাৰ একমাত্ৰ সমাধান সম্পূৰ্ণ আঁঠু বদলিকৰণ৷
 ৰ’বটিক আঁঠু বদলিকৰণৰ ক্ষেত্ৰত সাধাৰণতে ৰ’বটিক হাতৰ দ্বাৰা কৰা এই অস্ত্ৰোপচাৰ ছাৰ্জনেহে নিয়ন্ত্ৰণ কৰে৷ প্ৰযুক্তিৰ দ্বাৰা এই পদ্ধতি অন্য ধৰণেও কৰা হয়৷ ছাৰ্জাৰীৰ আগত ৰোগীৰ আঁঠুৰ ৩-ডি মডেলৰ চিটি স্কেন কৰা হয়৷ 
এনে পদ্ধতিৰ দ্বাৰা ছাৰ্জনে সংস্থাপন কৰিবলগীয়া কৃত্ৰিম আঁঠু নিৰ্দিষ্ট স্থানত বহুৱাবলৈ সক্ষম হয়৷ অপাৰেশ্যনৰ সময়ত ছাৰ্জনে আগতে নিৰ্দিষ্ট ঠাই উলিয়াব পৰাকৈ ৰ’বটিক হাতে ৩-ডি মডেলৰ পৰা ডাটা আহৰণ কৰে যাতে চৌপাশে থকা কলাসমূহৰ কোনো ক্ষতি নহয়৷ 
সচৰাচৰ হোৱা সম্পূৰ্ণ আঁঠু বদলিকৰণ (TKR)ত ৰোগীক সম্পূৰ্ণ সুস্থ হ’বলৈ দুসপ্তাহ সময় লাগে৷ কিন্তু ৰ’বটিক আঁঠু বদলিকৰণ (rTKR) পদ্ধতিয়ে এই সময় কমাবলৈ সক্ষম হ’ব৷ 
এই পদ্ধতিৰ দ্বাৰা ডাঙৰ অপাৰেশ্যনৰ লগত জড়িত হৈ থকা সৰু সৰু বিসংগতি যেনে হাড়, মিহি কলা আৰু শৰীৰৰ সাধাৰণ ক্ৰিয়াসমূহ সুচল হৈ থকাৰ উপৰি ৰোগীক একে দিনাই ঘৰলৈ যাব দিয়া হয়৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,