Home Daily news ১১ মাৰ্চৰ পাছত ক’ভিডক সাধাৰণ ৰোগ হিচাপে গণ্য কৰা হ’ব

১১ মাৰ্চৰ পাছত ক’ভিডক সাধাৰণ ৰোগ হিচাপে গণ্য কৰা হ’ব

যোৱা প্ৰায় দুটা বছৰে সমগ্ৰ বিশ্বই ক’ভিডৰ সংক্ৰমণত ত্ৰস্তমান হৈ পৰিছে৷ বিশ্বৰ অৰ্থনীতি থৰক-বৰক হৈছে৷ কিমান নিৰীহ লোকে ক’ভিডত প্ৰাণ হেৰুৱাইছে, কিমান সন্তান নিঠৰুৱা হৈছে, কিমান পৰিয়াল মুৰব্বীহীন হৈ পৰিছে, কৰ্মহীন হৈ লাখ লাখ লোক নিবনুৱা হৈ পৰিছে– তাৰ সীমা-সংখ্যা নাই৷ মুঠতে ক’ভিডক লৈ এক আৰ্তনাদ সমগ্ৰ বিশ্বতে৷ ইমানৰ পাছতে এক খবৰে আশাৰ সঞ্চাৰ কৰিছে৷ শেহতীয়াকৈ ক’ভিডৰ বিদায় দিয়াৰ যেন সময় সমাগত৷ কিয়নো ১১ মাৰ্চৰ পাছত ক’ভিডক সাধাৰণ বেমাৰ হিচাপে গণ্য কৰা হ’ব৷ ইণ্ডিয়ান কাউন্সিল অব্‌ মেডিকেল ৰিছাৰ্চ চমুকৈ আই চি এম আৰে প্ৰকাশ কৰিছে যে অহা ১১ মাৰ্চৰ পৰা ক’ভিডত আক্ৰান্ত লোকক সাধাৰণ ৰোগী হিচাপে গণ্য কৰা হ’ব৷ আনহাতে ব্ৰিটেইন চৰকাৰে ক’ভিডক লৈ কিছু নতুন নিৰ্দেশনা জাৰি কৰিছে৷ ক’ভিড নিৰ্দেশনা যথেষ্ট শিথিল কৰি এতিয়াৰে পৰা ব্ৰিটেইনত মাস্ক পৰিধান কৰাটো বাধ্যতামূলক নহয় বুলি ঘোষণা কৰিছে৷ ব্ৰিটিছ প্ৰধানমন্ত্ৰী বৰিছ বেকাৰে ক’ভিডক আনুষ্ঠানিকভাৱে বিদায় দি ক’ভিডৰ সকলো ধৰণৰ নিষেধাজ্ঞা প্ৰত্যাহাৰ কৰিছে৷ ব্ৰিটেইনত এতিয়াৰে পৰা ক’ভিডক সাধাৰণ চৰ্দি, কাহ হিচাপে গণ্য কৰা হ’ব৷ একেদৰে স্পেইনেও ক’ভিডৰ বাবে দিয়া সকলোধৰণৰ নিষেধাজ্ঞা প্ৰত্যাহাৰ কৰিছে৷ আনহাতে জি এম চি এইচৰ অধীক্ষক অভিজিৎ শৰ্মাই বৰ্তমান ৰাজ্যত ক’ভিডৰ সংক্ৰমণ দ্ৰুত যদিও ভয়াৱহ নহয় বুলি তাৎপৰ্যপূৰ্ণ মন্তব্য কৰে৷ ইয়াৰ উপৰি ৰাজ্যৰ মুখ্যমন্ত্ৰী হিমন্ত বিশ্ব শৰ্মাই আওপকীয়াভাৱে ঘোষণা কৰিছে যে ক’ভিডৰ সংক্ৰমণৰ কাৰণে লকডাউন দিয়া নহয়৷ ইতিমধ্যে ক’ভিডৰ নতুন নতুন প্ৰজাতিৰ সংক্ৰমণ অব্যাহত থকাৰ সময়তে জনসাধাৰণৰ জীৱন-জীৱিকাৰ প্ৰতি লক্ষ্য ৰাখি লোৱা ক’ভিডৰ এই সিদ্ধান্তই ইতিবাচক হিচাপে বিবেচিত হৈছে৷

Most Popular

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...