Home Daily news ১০০ বছৰৰ পাছত ‘লিপ্‌ষ্টিক প্লেণ্ট’ পুনৰ আৱিষ্কাৰ : ক’ত ?

১০০ বছৰৰ পাছত ‘লিপ্‌ষ্টিক প্লেণ্ট’ পুনৰ আৱিষ্কাৰ : ক’ত ?

বটানিকেল ছাৰ্ভে অব্‌ ইণ্ডিয়া চমুকৈ বি এছ আইৰ গৱেষকসকলে অৰুণাচল প্ৰদেশৰ দুৰ্গম আন্‌জাও জিলাত এশ বছৰৰো অধিক কালৰ পাছত এবিধ বিৰল উদ্ভিদ পুনৰ আৱিষ্কাৰ কৰিছে৷ এই উদ্ভিদক ‘ইণ্ডিয়ান লিপষ্টিক প্লেণ্ট’ বুলিও কোৱা হয়৷ এইবিধ উদ্ভিদ [এস্কিনানথাছ মনেটাৰিয়া ডুন] ১৯১২ চনত প্ৰথমতে চিনাক্ত কৰিছিল ব্ৰিটিছ উদ্ভিদবিদ ষ্টিফেন ট্ৰইটে ডুনে৷ 
আইজাক হেনৰি বুৰ্কিল নামৰ আন এজন ইংৰাজ উদ্ভিদবিদে অৰুণাচল প্ৰদেশৰ পৰা সংগ্ৰহ কৰা উদ্ভিদবিধৰ কিছুমান নমুনাৰ ভিত্তিত ডুনে এই উদ্ভিদ চিনাক্ত কৰিছিল৷ কাৰেণ্ট ছায়েন্স নামৰ আলোচনীখনত লেখা এটা প্ৰবন্ধত বি এছ আইৰ বিজ্ঞানী কৃষ্ণ চৌলুৱে কয় যে দেখাত টিউবুলাৰ ৰে’ড কৰলাৰ দৰে হোৱাৰ বাবে এস্কিনানথাছ বৰ্গৰ কিছুমান প্ৰজাতিক লিপষ্টিক প্লেণ্ট বুলি কোৱা হয়৷ 
২০২১ চনৰ ডিচেম্বৰত তেওঁ অৰুণাচলৰ আনজাও জিলাৰ হুলিয়াং চিপ্ৰুৰ পৰা কেইটামান নমুনা সংগ্ৰহ কৰিছিল৷ ১৯১২ চনত বুৰ্কিলে ভাৰতৰ পৰা সংগ্ৰহ কৰাৰ পাছৰ পৰা এইবিধ উদ্ভিদ ভাৰতত কেতিয়াও পোৱা হোৱা নাছিল৷ ৫৪৩ মিটাৰৰ পৰা ১১৩৪ মিটাৰ উচ্চতাত এই উদ্ভিদ গজে৷ অক্টোবৰৰ পৰা জানুৱাৰীৰ ভিতৰত ফুল ফুলে৷ এইবিধ উদ্ভিদ বিপন্ন বুলি অস্থায়ী বা সাময়িকভাৱে মূল্যায়ন কৰা হৈছে৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...