Home Daily news সৰ্বভাৰতীয় আয়ুৰ্বেদ প্ৰতিষ্ঠানৰ ‘আয়ুস ষ্টাৰ্টআপ চেলেঞ্জ’ মুকলি

সৰ্বভাৰতীয় আয়ুৰ্বেদ প্ৰতিষ্ঠানৰ ‘আয়ুস ষ্টাৰ্টআপ চেলেঞ্জ’ মুকলি

দেশৰ ষ্টাৰ্টআপ আৰু ব্যক্তিবিশেষক সহায়-সহযোগিতা আগবঢ়োৱাৰ কেন্দ্ৰীয় চৰকাৰৰ আঁচনিৰ লগত সংগতি ৰাখি সৰ্বভাৰতীয় আয়ুৰ্বেদ প্ৰতিষ্ঠানে ষ্টাৰ্টআপ ইণ্ডিয়াৰ সহযোগত মুকলি কৰিছে এক বিশেষ প্ৰতিযোগিতা ‘আয়ুস ষ্টাৰ্টআপ চেলেঞ্জ’৷ আয়ুৰ্বেদ খণ্ডত উদ্ভাৱনৰ দিশে কাম কৰি থকা প্ৰাথমিক পৰ্যায়ত ষ্টাৰ্টআপ আৰু ব্যক্তিবিশেষক এই প্ৰতিযোগিতাৰ জৰিয়তে সন্মানিত কৰা হ’ব৷ আয়ুস ষ্টাৰ্টআপ চেলেঞ্জৰ বিজয়ীয়ে নগদ ধনৰ পুৰস্কাৰৰ লগতে সৰ্বভাৰতীয় আয়ুৰ্বেদ প্ৰতিষ্ঠানৰ পৰা বিভিন্ন দিশত সহায়-সহযোগিতা লাভ কৰিব৷ এই সন্দৰ্ভত আয়ুৰ্বেদ প্ৰতিষ্ঠানৰ সঞ্চালক ডাঃ তনুজা মনোজ নেছাৰীয়ে কয় যে চিকিৎসা বিজ্ঞানৰ শৈক্ষিক, বৈজ্ঞানিক গৱেষণা আৰু ক্লিনিকেল অনুশীলনৰ সৈতে আয়ুস মন্ত্ৰ্যালয়ৰ অধীনত তেওঁলোকে সৰ্বভাৰতীয় আয়ুৰ্বেদ প্ৰতিষ্ঠানখনক শ্ৰেষ্ঠ প্ৰতিষ্ঠান হিচাপে গঢ়ি তোলাৰ নিৰন্তৰ প্ৰয়াস অব্যাহত ৰাখিছে৷ আয়ুস বিজ্ঞানৰ পৰিসৰ বৃদ্ধিত ষ্টাৰ্টআপসমূহে এক গুৰুত্বপূৰ্ণ ভূমিকা পালন কৰিব পাৰিব৷ আয়ুস ষ্টাৰ্টআপ চেলেঞ্জত আয়ুস ফুড ইন’ভ্যেন্‌ছ, আয়ুস বায়’ ইনষ্ট্ৰুমেণ্টেশ্যন (হাৰ্ডৱেৰ ছলিউশ্যন্‌ছ) আৰু আয়ুস আই টি ছলিউশ্যন্‌ছ (ছফ্‌টৱেৰ ছলিউশ্যন্‌ছ) তিনিটা শাখাত অংশগ্ৰহণ কৰিব পাৰিব৷ আয়ুৰ্বেদ প্ৰতিষ্ঠানে জনোৱা অনুসৰি নিৰ্বাচিত ষ্টাৰ্টআপ আৰু ব্যক্তিবিশেষে নগদ ধনৰ পুৰস্কাৰ লাভ কৰাৰ পূৰ্বে এক বৈধ প্ৰতিষ্ঠানৰ নাম পঞ্জীয়ন কৰিব লাগিব৷ আগ্ৰহীসকলে অহা ৪ মাৰ্চৰ ভিতৰত https://bit.ly/৩Jtig5q লিংকৰ জৰিয়তে আৱেদন কৰিব পাৰিব৷

Most Popular

স্বৰ্গ-মৰ্ত্যৰ মাজৰ এই উপত্যকা!য’ত সময়ো থমকি ৰৈছে

ছাংগ্ৰিলা উপত্যকা– সঁচাকৈয়ে কি আছে এই ৰহস্যময় উপত্যকাত৷ ইয়াক লৈ বিভিন্ন সময়ত নানা প্ৰশ্নৰ উদয় হৈছে৷ ইয়াৰ ৰহস্য...

ভূপৃষ্ঠত সূৰ্যৰ উৎপত্তিৰ আগতেই পানী আছিল : কোনে ক’লে?

বিশ্বব্ৰহ্মাণ্ডত নক্ষত্ৰ সৃষ্টি হোৱাৰ আগৰে পৰাই পানী আছিল৷ বিজ্ঞানীসকলে ইয়াৰ তথ্য লাভ কৰিছে৷ উল্লেখ্য যে বিজ্ঞানীসকলে বিশ্বব্ৰহ্মাণ্ডত প্ৰথমে নক্ষত্ৰ, পানী, পৃথিৱী নে...

বিশাল অট্টালিকাৰ ভৰে বছৰিদুই মিঃমিঃলৈ বহাইছে নিউয়ৰ্কক

নিউয়ৰ্ক চহৰখন বছৰি অহৰহ তললৈ বহি যাবলৈ আৰম্ভ কৰিছে৷ ইয়াৰ প্ৰধান কাৰণ হ’ল মহানগৰখনত বছৰি ক্ৰমবৰ্ধমান গতিত বৃহৎ বৃহৎ অট্টালিকা নিৰ্মাণ কৰাটো৷...

পাইলটলৈ প্ৰত্যাহ্বান : কৃত্ৰিম বুদ্ধিমত্তাৰ দ্বাৰা উৰিব বিমান

বৰ্তমান যুগটোক বহুতেই কৃত্ৰিম বুদ্ধিমত্তাৰ যুগ বুলি ক’বলৈ লৈছে৷ ইয়াৰ কাৰণ হ’ল বিভিন্ন ক্ষেত্ৰত বহুলভাৱে ব্যৱহাৰ কৰিবলৈ লোৱা হৈছে কৃত্ৰিম বুদ্ধিমত্তাক৷ শেহতীয়াকৈ...