Home Daily news স্বাৱলম্বন : ২০২ বিঘা মাটিত লিচু খেতি আৰম্ভ : ক’ত ?

স্বাৱলম্বন : ২০২ বিঘা মাটিত লিচু খেতি আৰম্ভ : ক’ত ?

তেজপুৰত শেহতীয়াকৈ ২০০ বিঘাৰো অধিক ভূমিত এইবাৰ নতুনকৈ আৰম্ভ কৰা হ’ব লিচু খেতি৷ সোৱাদযুক্ত মঙহাল সেন্দুৰী বৰণৰ লিচুৱে ইতিমধ্যে বিশ্ব দৰবাৰত পৰিচিতি লাভ কৰিছে আৰু কেইমাহমান পূৰ্বে লণ্ডনত তেজপুৰৰ লিচুৰ যথেষ্ট চাহিদা বৃদ্ধি পাইছে৷  গতিকে তেজপুৰৰ লিচুৰ বাবে আছে এখন বৃহৎ বজাৰ৷ সেইবাবেই শোণিতপুৰ জিলা প্ৰশাসন আৰু জিলা কৃষি বিভাগে বিষয়টোৰ গুৰুত্ব বুজি তেজপুৰৰ গৌৰৱ এই বিশেষ প্ৰজাতিৰ লিচুৰ খেতি কৰিবলৈ উৎসাহিত কৰিছে কৃষকসকলক৷ ইয়াৰ বাবে পৰিকল্পনা যুগুত কৰাৰ লগতে আৰম্ভ কৰা হৈছে দীৰ্ঘম্যাদী আঁচনি৷ উল্লেখ্য যে শোণিতপুৰ জিলা কৃষি বিভাগে উক্ত লিচু খেতি সম্প্ৰসাৰণৰ বিশেষ পদক্ষেপ গ্ৰহণ কৰিছে৷ 
শোণিতপুৰ জিলা কৃষি বিভাগ, জিলা পৰিষদ, কৃষি বিজ্ঞান কেন্দ্ৰ, নাবাৰ্ডৰ উদ্যোগত আৰু  শোণিতপুৰ জিলা প্ৰশাসন, অসম কৃষি বাণিজ্য আৰু গ্ৰাম্য ৰূপান্তৰকৰণ প্ৰকল্প [এপাৰ্ট], বিশ্বনাথ কৃষি মহাবিদ্যালয়, নেৰামেক, অগ্নিগড় কৃষি উৎপাদক কোম্পানীৰ সহযোগত পৰোৱাত লিচু পুলি বিতৰণ তথা ৰোপণৰ কাৰ্যসূচী ৰূপায়ণ কৰা হয়৷ তেজপুৰৰ লিচুক আন্তঃৰাষ্ট্ৰীয় বজাৰ দখলৰ ক্ষেত্ৰত আৰু এখোজ আগুৱাই নিয়াৰ বাবে কৃষি বিভাগৰ উদ্যোগত  ২০২ বিঘা মাটিত লিচু পুলি ৰোপণৰ এক কাৰ্যসূচীৰ শুভাৰম্ভণি কৰা হয়৷  তেজপুৰৰ লিচুৰ চাহিদা অনুপাতে উৎপাদন কম হোৱা হেতু ব্যাপক হাৰত ইয়াৰ উৎপাদনৰ বাবে কৃষকসকলক উৎসাহিত কৰিব লাগিব৷ প্ৰথম পৰ্যায়ত ২০০ বিঘা মাটিত লিচু খেতি কৰাৰ পৰিকল্পনা লোৱা হৈছে আৰু পৰৱত¹ সময়ত ইয়াৰ পৰিসৰ অধিক বৃদ্ধি কৰা হ’ব৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...