Home Daily news সুখবৰ ! ভিয়েটনামলৈ ৰাজ্যৰ ক’লা চাউল, নগা জলকীয়া, চাহপাত…

সুখবৰ ! ভিয়েটনামলৈ ৰাজ্যৰ ক’লা চাউল, নগা জলকীয়া, চাহপাত…

অসমৰ কৃষকসকলৰ বাবে আশাৰ বতৰা৷ ৰাজ্যখনৰ পৰা বিদেশলৈ বিমানযোগে কৃষিজাত সামগ্ৰীৰ ৰপ্তানি পুনৰ আৰম্ভ হৈছে৷ ক’ভিড-সৃষ্ট পৰিস্থিতি উন্নত হোৱাৰ পাছত শেহতীয়াকৈ ভাৰতৰ পৰা বিশ্বৰ বিভিন্ন দেশলৈ আন্তঃৰাষ্ট্ৰীয় বিমান সেৱা আৰম্ভ হোৱাৰ লগে লগেই বিমানযোগে কৃষিজাত সামগ্ৰীৰ ৰপ্তানিও আৰম্ভ হৈছে৷ 
এই প্ৰক্ৰিয়াৰ অংশ হিচাপে গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰৰ পৰা ভিয়েটনামলৈ বিমানেৰে অসমৰ কৃষকৰ উৎপাদিত কেইবাবিধো থলুৱা সামগ্ৰী প্ৰেৰণ কৰা হয়৷ প্ৰায় ২.৫ লাখ টকাৰ অসমৰ ক’লা চাউল, প্ৰায় ৩ লাখ টকাৰ নগা জলকীয়া, চাহপাত, ইলাচিকে ধৰি কেইবাবিধো থলুৱা সামগ্ৰী লৈ এয়াৰ ইণ্ডিয়াৰ এখন কাৰ্গ বিমানেৰে কলকাতা হৈ ভিয়েটনাম অভিমুখে ৰাওনা হয়৷ 
বৰঝাৰ বিমানবন্দৰত পতাকা জোকাৰি এই যাত্ৰাৰ শুভাৰম্ভ কৰে ভিয়েটনামৰ ভাৰতস্থিত কনচুল জেনেৰেল ড॰ মদন শেঠী, এ পি ই ডি এৰ ক্ষেত্ৰীয়  প্ৰবন্ধক সুনীতা ৰায়, নেৰমেকৰ পৰিচালন সঞ্চালক মনোজ দাস, উত্তৰ-পূব হস্তশিল্প উন্নয়ন নিগমৰ মহাপ্ৰবন্ধক ব্ৰিগেডিয়াৰ [অৱসৰপ্ৰাপ্ত ] আৰ কে সিঙকে ধৰি কেইবাজনো বিশিষ্ট ব্যক্তিয়ে৷ 
উল্লেখ্য যে ইয়াৰ পূৰ্বেও অসমৰ বিভিন্ন শাক-পাচলি বিমানেৰে বিদেশলৈ ৰপ্তানি কৰা হৈছিল৷ বিশেষকৈ কৰ’নাৰ সময়ত ৰাজ্যৰ পৰা ৰঙালাও, নেমুটেঙা আদি বিদেশলৈ প্ৰেৰণ কৰা হৈছিল৷ কিন্তু ইয়াৰ পাছত এই প্ৰক্ৰিয়া কিছু পৰিমাণে স্থবিৰ হৈছিল৷ এনে পৰিস্থিতিৰ মাজতে শেহতীয়াকৈ পুনৰ ৰাজ্যখনত উৎপাদিত সামগ্ৰী বিদেশলৈ ৰপ্তানি আৰম্ভ হোৱা কাৰ্যই অসমৰ লগতে উত্তৰ-পূৰ্বাঞ্চলৰ কৃষকলৈ আশাৰ বতৰা কঢ়িয়াই আনিছে৷

Most Popular

চাহৰ সৈতে বিস্কুট কিমান স্বাস্থ্যকৰ ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

চাহৰ সৈতে বিস্কুটকিমান স্বাস্থ্যকৰ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

স্বৰ্গ-মৰ্ত্যৰ মাজৰ এই উপত্যকা!য’ত সময়ো থমকি ৰৈছে

ছাংগ্ৰিলা উপত্যকা– সঁচাকৈয়ে কি আছে এই ৰহস্যময় উপত্যকাত৷ ইয়াক লৈ বিভিন্ন সময়ত নানা প্ৰশ্নৰ উদয় হৈছে৷ ইয়াৰ ৰহস্য...

ভূপৃষ্ঠত সূৰ্যৰ উৎপত্তিৰ আগতেই পানী আছিল : কোনে ক’লে?

বিশ্বব্ৰহ্মাণ্ডত নক্ষত্ৰ সৃষ্টি হোৱাৰ আগৰে পৰাই পানী আছিল৷ বিজ্ঞানীসকলে ইয়াৰ তথ্য লাভ কৰিছে৷ উল্লেখ্য যে বিজ্ঞানীসকলে বিশ্বব্ৰহ্মাণ্ডত প্ৰথমে নক্ষত্ৰ, পানী, পৃথিৱী নে...