Home Daily news সুখবৰ ! উদ্ভাৱন হ’ল কেঞ্চাৰ ৰোগৰ টেবলেট

সুখবৰ ! উদ্ভাৱন হ’ল কেঞ্চাৰ ৰোগৰ টেবলেট

মানৱ জীৱনত কেঞ্চাৰে অভিশাপস্বৰূপে দেখা দিছে৷ সমগ্ৰ বিশ্বতে বছৰি কেইবাহাজাৰ লোকৰ অকল কেঞ্চাৰ ৰোগৰ বাবে মৃত্যুক সাবটিবলগীয়া হৈছে৷ কেঞ্চাৰৰ নিৰ্মূলৰ বাবে গৱেষক-বিজ্ঞানীৰ দলে অহোপুৰুষাৰ্থ কৰি আহিছে যদিও বৰ্তমানে সম্পূৰ্ণ সফল হ’ব পৰা নাই৷ 
সময়ে সময়ে কৰ্কট ৰোগৰ চিকিৎসাৰ বাবে বিভিন্ন ঔষধ উদ্ভাৱন কৰিছে, কিন্তু এনে ঔষধৰ সুদূৰপ্ৰসাৰী ফলাফল আজিলৈকে লাভ কৰা নাই৷ এইবাৰ কৰ্কট ৰোগক জয়ী কৰাৰ দিশে এঢাপ আগবাঢ়িছে গৱেষকৰ দলে৷ শেহতীয়াকৈ কৰ্কট নিৰাময়ৰ এক খবৰে বিশ্বতে খলকনিৰ সৃষ্টি কৰিছে৷ 
জানিব পৰা মতে দীৰ্ঘদিন ধৰি মলদ্বাৰ কেঞ্চাৰত আক্ৰান্ত হৈ থকা ১৮গৰাকী লোকৰ দেহত পৰীক্ষামূলকভাৱে ডষ্টাৰলিমেব নামৰ ঔষধবিধ প্ৰয়োগ কৰাৰ পাছত ৰোগীৰ শৰীৰৰ পৰা টিউমাৰ নোহোৱা হৈছে আৰু সম্পূৰ্ণ আৰোগ্য লাভ কৰিছে৷ শেহতীয়াকৈ এই চাঞ্চল্যকৰ বাতৰি প্ৰকাশ পাইছে দ্য নিউয়ৰ্ক টাইমছত৷ 
মলদ্বাৰত হোৱা কৰ্কট ৰোগৰ চিকিৎসাৰ বাবে ঔষধ এটাৰ প্ৰাৰম্ভিক পৰীক্ষণৰ অন্তৰ্ভুক্ত হোৱা ১৮গৰাকী  লোকৰ প্ৰায় ছমাহৰ বাবে ডষ্টাৰলিমাব নামৰ টেবলেট গ্ৰহণ কৰাৰ পাছত তেওঁলোকৰ প্ৰত্যেকৰে টিউমাৰ নাইকিয়া হৈছিল৷ 
উল্লেখ্য যে উক্ত ৰোগীসকলৰ কেঞ্চাৰ ৰোগ নিৰ্মূলৰ বাবে পূৰ্বতে কেম’থেৰাপী, ৰেডিয়েশ্যন আৰু অস্ত্ৰোপচাৰ কৰিছিল যদিও ৰোগৰ পৰা সুফল লাভ কৰা নাছিল৷ নিউয়ৰ্কৰ বিখ্যাত কৰ্কট ৰোগৰ চিকিৎসা প্ৰতিষ্ঠান মেম’ৰিয়েল শ্লোৱান কেটেৰিং কেঞ্চাৰ চেণ্টাৰৰ চিকিৎসা বিজ্ঞানী ডাঃ লুই এ ডিয়াজে দাবী কৰে যে কৰ্কটৰ ইতিহাসত প্ৰথমবাৰৰ বাবে এই ঘটনা সংঘটিত হৈছে৷ এতিয়া ডষ্টাৰলিমেব টেবলেটৰ চমৎকাৰী ফলাফলক লৈ বিশ্বৰ চিকিৎসা বিজ্ঞানীয়ে উৎফুল্লিত হৈ পৰিছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,