Home Daily news সুখবৰ : ইনজেক্‌শ্যনৰ জৰিয়তে ধবংস হ’ব মাৰাত্মক এইচ আই ভি

সুখবৰ : ইনজেক্‌শ্যনৰ জৰিয়তে ধবংস হ’ব মাৰাত্মক এইচ আই ভি

সমগ্ৰ বিশ্বত এইডছ ৰোগে ভয়াৱহ ৰূপ ধাৰণ কৰিছে৷ এই মাৰাত্মক ব্যাধিয়ে কেউদিশে এতিয়া ছানি ধৰিছে৷ এইডছ ৰোগ নিৰ্মূলৰ হকে চিকিৎসা বিজ্ঞানত বিভিন্ন গৱেষণা চলি আছে যদিও সফল হ’ব পৰা নাই৷ শেহতীয়াভাৱে এক খবৰে এইডছ ৰোগীৰ চিকিৎসাৰ ক্ষেত্ৰত আশাৰ বতৰা কঢ়িয়াই আনিছে৷
এই ইতিবাচক খবৰে এইডছৰ আক্ৰান্তসকলৰ বাবে সুখবৰ৷ খবৰ পোৱা মতে মাত্ৰ এবিধ ইনজেক্‌শ্যনে ধবংস কৰিব পাৰিব এইচ আই ভি ভাইৰাছ৷ তেল আভিভা বিশ্ববিদ্যালয়ৰ এদল গৱেষকে এই ঔষধবিধ  ব্যৱহাৰ কৰি ইতিবাচক ফলাফল লাভ কৰিবলৈ সক্ষম হৈছে৷ 
গৱেষণাত প্ৰকাশ পোৱা মতে এই ইনজেক্‌শ্যনৰ জৰিয়তে এইডছ ৰোগীৰ শৰীৰত টাইপ বি শ্বেত ৰক্তকণিকাৰ প্ৰৱেশ কৰোৱা হয়৷ গৱেষণা মতে এই শ্বেত ৰক্ত কণিকাই শৰীৰত এবিধ এণ্টিবডীৰ সৃষ্টি  কৰি এইডছৰ এইচ আই ভি ভাইৰাছ ধ্বংস কৰে৷ টাইপ বি শ্বেত ৰক্ত কণিকাই বেক্টেৰিয়া, ভাইৰাছ আদিৰ বিৰুদ্ধে এণ্টিবডী সৃষ্টি কৰে৷ 
প্ৰথমে টাইপ বি কোষসমূহ বনমেৰুত সৃষ্টি হয় আৰু পাছত তেজ আৰু শ্বাসতন্ত্ৰলৈ প্ৰসাৰিত হয়৷ ক্ৰমান্বয়ে এই টাইপ বি ৰক্ত কণিকাই সমগ্ৰ শৰীৰত এণ্টিবডী গঠন কৰে৷ গৱেষক, বিজ্ঞানী ড॰ বাৰ্জেলে কয় যে এইপৰ্যন্ত কিছুসংখ্যক বিজ্ঞানীয়েহে মানৱ শৰীৰৰ বাহিৰত বি চেল উৎপন্ন কৰিবলৈ সক্ষম হৈছে৷ তেওঁ লগতে কয় যে তেওঁলোকেও প্ৰথমবাৰৰ বাবে এই কোষসমূহক এইডছ আক্ৰান্ত ৰোগীৰ শৰীৰত প্ৰৱেশ ঘটুৱাই চিকিৎসা কৰিবলৈ সক্ষম হৈছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,