Home Daily news সাৱধান ! য’তে-ত’তে জাবৰ নেপেলাব জৰিমনা ভৰিব দহ হাজাৰ টকা

সাৱধান ! য’তে-ত’তে জাবৰ নেপেলাব জৰিমনা ভৰিব দহ হাজাৰ টকা

মহানগৰৰ বিভিন্ন ঠাইৰ কদৰ্যময় পৰিৱেশ আৰু  বিশৃংখলভাৱে আৱৰ্জনা পেলোৱাৰ প্ৰতি পুনৰ অধিক কঠোৰ হোৱাৰ কথা ঘোষণা কৰিছে গুৱাহাটী পৌৰ নিগমে৷ গুৱাহাটী পৌৰ নিগমে  এতিয়া অনিৰ্ধাৰিত স্থানত আৱৰ্জনা পেলোৱা লোকসকললৈ ১০ হাজাৰ পৰ্যন্ত জৰিমনা বিহাৰ সিদ্ধান্ত গ্ৰহণ কৰিছে৷ গুৱাহাটী পৌৰ নিগমৰ আয়ুক্ত দেৱাশিস শৰ্মাই  কয় যে নিগমে আৱাসীসকলক চহৰখন লেতেৰা নকৰিবলৈ অনুৰোধ কৰি আহিছে৷ 
যিসকলে এই আহ্বান ৰক্ষা নকৰিব তেওঁলোকক ১০ হাজাৰ টকালৈকে জৰিমনা বিহা হ’ব৷ অভ্যাসগত অপৰাধীসকলক শাস্তি দিয়াৰ আগতে তেওঁলোকৰ বিৰুদ্ধে প্ৰমাণ সংগ্ৰহ কৰা হ’ব৷ যদি অভিযুক্তই  জৰিমনা পৰিশোধ নকৰে তেতিয়া আৰক্ষী থানাত অভিযোগ পঞ্জীয়ন কৰা হ’ব আৰু ব্যৱস্থা গ্ৰহণ কৰা হ’ব৷ 
ইয়াৰ পূৰ্বেও পৌৰ নিগমে ঘোষণা কৰা  আৱৰ্জনা পেলোৱাৰ বাবে জৰিমনা আছিল ৫০০ৰ পৰা ১০০০ টকা৷ উল্লেখ্য যে পূতিগন্ধময় হৈ পৰা গুৱাহাটী মহানগৰক পৰিষ্কাৰ-পৰিচ্ছন্ন কৰি তুলি নলা-নৰ্দমাসমূহ আৱৰ্জনামুক্ত কৰিবলৈ গুৱাহাটী পৌৰ নিগমে বিভিন্ন সময়ত পদক্ষেপ আৰম্ভ কৰাৰ কথা ঘোষণা কৰি আহিছে৷ 
গুৱাহাটী পৌৰ নিগমে পথৰ দাঁতিৰ পৰা বিনসমূহ আঁতৰ কৰি বিনমুক্ত মহানগৰ হিচাপে গঢ়ি তোলাৰ লক্ষ্য লৈছিল৷ ইয়াৰ পূৰ্বেও বিভিন্ন সময়ত ৰাজহুৱা স্থানত পেলনীয়া আৱৰ্জনা পেলোৱা লোকৰ বিৰুদ্ধে অধিক কঠোৰ হোৱাৰ হুংকাৰ দিছিল গুৱাহাটী পৌৰ নিগমে যদিও কাৰ্যতঃ অসাৰ হয়৷ বিশেষকৈ, গুৱাহাটী পৌৰ নিগমৰ বিষয়াই জাবৰ পেলোৱা লোকৰ বিৰুদ্ধে কঠোৰ ব্যৱস্থা গ্ৰহণ কৰিব বুলি ঘোষণা কৰি দায়িত্ব সামৰাৰ বাবেই একাংশ লোকে অধিক সুবিধা গ্ৰহণ কৰি আহিছে৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...