Home Daily news সাৱধান ! বানপানীৰ পাছতে ৰাজ্যত বিভিন্ন ৰোগৰ প্ৰাদুৰ্ভাৱ

সাৱধান ! বানপানীৰ পাছতে ৰাজ্যত বিভিন্ন ৰোগৰ প্ৰাদুৰ্ভাৱ

অসমত ক’ভিড, জাপানীজ এনকেফেলাইটিছৰ সমানে এইবাৰ ছোৱাইন ফ্লুৱে মহামাৰীৰ ৰূপ ধাৰণ কৰিছে৷ এই ৰোগত ইতিমধ্যে ছজনকৈ লোকে অসমৰ বিভিন্ন প্ৰান্তত মৃত্যুমুখত পৰাৰ তথ্য প্ৰকাশ পোৱাৰ পাছতে স্বাস্থ্য বিভাগে ব্যাপক সজাগতামূলক ব্যৱস্থা গ্ৰহণ কৰিছে৷ আনহাতে ৰাজ্যত ক’ভিডৰ সংক্ৰমণো উদ্বেগজনকভাৱে বৃদ্ধি পাইছে৷ 
সমান্তৰালভাৱে জাপানীজ এনকেফেলাইটিছ ৰোগেও মাৰাত্মক ৰূপ ধাৰণ কৰিছে৷ উল্লেখ্য যে ৰাজ্যত যোৱা প্ৰায় এটা মাহ বানপানীয়ে ভয়াৱহ ৰূপ ধাৰণ কৰাৰ পাছত সম্প্ৰতি বান পৰিস্থিতি উন্নত হ’বলৈ ধৰাৰ পছাত প্ৰান্তে প্ৰান্তে ছোৱাইন ফ্লুৰ সংক্ৰমণ পোহৰলৈ আহিছে৷ ভয়াৱহ ৰূপ ধাৰণ কৰা এই ৰোগত আক্ৰান্ত হৈ এইপৰ্যন্ত বহু লোক চিকিৎসাধীন হোৱাৰ তথ্যও পোৱা গৈছে৷ 
ৰাজ্যৰ ৰাজধানী গুৱাহাটীতো ছোৱাইন ফ্লুত একাধিক লোক আক্ৰান্ত হৈ চিকিৎসাধীন হ’বলগীয়া হৈছে৷ ইফালে যোৰহাট আৰু গোলাঘাট জিলাত এই ৰোগ সৰ্বাধিক সংক্ৰমণ হৈছে৷ লখিমপুৰ, ধেমাজি, দৰং, গুৱাহাটীকে ধৰি বহুকেইখন জিলাত এইপৰ্যন্ত শতাধিক লোক জাপানীজ এনকেফেলাইটিছ আৰু জাপানীজ এনকেফেলাইটিছ সদৃশ ৰোগত আক্ৰান্ত হৈছে৷ 
কেইবাখনো জিলাত এইপৰ্যন্ত প্ৰায় ১০জন লোক জাপানীজ এনকেফেলাইটিছ ৰোগত মৃত্যুমুখত পৰিছে৷ আনহাতে ৰাজ্যত পুনৰ ক’ভিডৰ সংক্ৰমণ উদ্বেগজনকভাৱে বৃদ্ধি পাইছে৷ দেশত ইতিমধ্যে ক’ভিডৰ চতুৰ্থটো ঢৌ আৰম্ভ হোৱাৰ কথা আনুষ্ঠানিকভাৱে ঘোষণা কৰা হৈছে৷ দেশৰ অন্য বহুকেইখন ৰাজ্যৰ লগতে অসমতো ক’ভিডে উদ্বেগজনক ৰূপ ধাৰণ কৰিছে৷ 
অসমত ক’ভিডৰ সংক্ৰমণৰ হাৰ ১২.৪০ শতাংশলৈ বৃদ্ধি পাইছে৷ উল্লেখ্য যে যোৱা ১০ দিনত ৰাজ্যত এহেজাৰতকৈ অধিক লোক নতুনকৈ ক’ভিডত আক্ৰান্ত হৈছে৷ কেৱল কামৰূপ মহানগৰ জিলাখতে যোৱা ১০ দিনত ৭৪৮ জন লোক ক’ভিডত আক্ৰান্ত হৈছে৷ ইফালে ক’ভিড মাৰাত্মক হৈ পৰাৰ সম্ভাৱনা যথেষ্ট অধিক বুলি প্ৰকাশ কৰিছে স্বাস্থ্য বিভাগেৰ বিশেষজ্ঞই৷ কভিডৰ সৈতে যুঁজ দিবলৈ চৰকাৰ আৰু স্বাস্থ্য বিভাগ সষ্টম হৈ থকা বুলি ইতিমধ্যে ঘোষণা কৰিছে স্বাস্থ্য মন্ত্ৰী কেশৱ মহন্তই৷

Most Popular

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...

সামুদ্ৰিক মাছৰ গুণাগুণ তথা উপকাৰিতাৰ বিষয়ে জানেনে আপুনি ?

মাছ আমাৰ সকলোৰে প্ৰিয় খাদ্য হিচাপে ধৰা হয়৷ ইয়াৰ লগতে সামুদ্ৰিক মাছ বহুৰেই প্ৰিয় খাদ্য৷ ইয়াৰ স্বাদ তথা গুণাগুণ অলপ সুকীয়া৷ শৰীৰৰ...