Home Diet Plus সাৱধান ! এই পাচবিধ পাচলিয়ে তেজত ইউৰিক এচিড বঢ়াব পাৰে

সাৱধান ! এই পাচবিধ পাচলিয়ে তেজত ইউৰিক এচিড বঢ়াব পাৰে

বৰ্তমান ডায়েবেটিছ, হাইপাৰটেনশ্যনৰ লেখীয়াকৈ ইউৰিক এচিডৰ সমস্যাও জটিল সমস্যাত পৰিণত হৈছে৷ অসমতুল জীৱন-যাপন, অনিয়মীয়া খাদ্যাভ্যাস, শৰীৰৰ বিভিন্ন সমস্যাৰ বাবে ইউৰিক এচিডৰ সমস্যাই দেখা দিব পাৰে৷ খাদ্য হজমৰ সময়ত শৰীৰত ইউৰিক এচিড তৈয়াৰ হয়, যি প্ৰস্ৰাৱৰ স্বাভাৱিক উপাদান৷ অত্যধিক প্ৰ’টিনজাতীয় খাদ্য খোৱাৰ ফলত শৰীৰত ইউৰিক এচিড বঢ়াৰ সম্ভাৱনা বেছি৷ ইউৰিক এচিড বাঢ়িলে প্ৰেস্ৰাৱৰ সমস্যাই দেখা দিয়ে৷ দেহা দুৰ্বল লাগে, পাছত কিডনীৰ পাথৰ হোৱাৰ পূৰ্ণ সম্ভাৱনা থাকে৷ সেয়েহে ইউৰিক এচিড ধৰা পৰিলে  প্ৰথমে খোৱাৰ ক্ষেত্ৰত নিয়ন্ত্ৰণ ৰখাটো ভাল৷ সময়মতে ইউৰিক এচিড নিয়ন্ত্ৰণ নকৰিলে কিডনী, লিভাৰৰ কাম বন্ধ কৰি দিব পাৰে৷ হ’ব পাৰে হাৰ্ট এটেকৰ দৰে মাৰাত্মক ঘটনা৷ কিছুমান শাক পাচলি ইউৰিক এচিড দেখা দিলে খোৱাটো বন্ধ কৰিব লাগে৷ ডাঙৰ মাছ, ৰে’ড মিট, এলকহল আদি খাদ্য তালিকাত ৰাখিব নালাগে৷ ইউৰিক এচিড বাঢ়িলে কি পাচলি নাখাব জানো আহক৷
মটৰমাহে ইউৰিক এচিডৰ পৰিমাণ বঢ়াই দিয়ে৷ সেয়েহে ইউৰিক এচিডৰ সমস্যা হ’লে মটৰমাহ বাদ দিয়ক৷
বেঙেনাত যথেষ্ট পৰিমাণে পিউৰিন পোৱা যায়৷ যিয়ে শৰীৰত ইউৰিক এচিডৰ মাত্ৰা বঢ়াই দিয়ে৷ এলাৰ্জিৰ সমস্যা যিসকলৰ আছে, বেঙেনা নোখোৱাই ভাল৷
যিকোনো ধৰণৰ মাহজাতীয় শস্যত প্ৰচুৰ পৰিমাণে পিউৰিন পোৱা যায়৷ এই পিউৰিন উপাদান শৰীৰত ইউৰিক এচিডৰ মাত্ৰা বঢ়োৱাত সহায় কৰে৷ সেয়েহে ইউৰিক এচিডৰ ভোগাসকলে মাহজাতীয় শস্য খাদ্য তালিকাৰ পৰা বাদ দিয়ক৷
ইউৰিক এচিডৰ সমস্যা থাকিলে শাক খোৱাটোত বাধা নাই যদিও কিছুমান শাকে শৰীৰত ইউৰিক এচিডৰ মাত্ৰা বঢ়াই দিয়ে৷ বিশেষকৈ পালেং শাকত যথেষ্ট পৰিমাণে প্ৰ’টিন আৰু পিউৰিন থাকে, যিয়ে ইউৰিক এচিডৰ সমস্যা জটিল কৰিব পাৰে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...