Home Daily news সাফল্য : টিউমাৰ ৰোগীৰ বক্ষবেৰ পুনৰ নিৰ্মাণ

সাফল্য : টিউমাৰ ৰোগীৰ বক্ষবেৰ পুনৰ নিৰ্মাণ

চেন্নাই এপ’ল’ হাস্পতালৰ চিকিৎসকসকলে ৫০ বছৰ বয়সীয়া এগৰাকী বাংলাদেশৰ টিউমাৰ আক্ৰান্ত ৰোগীৰ অস্থি চিমেণ্ট [Bone Cement] আৰু মেচ [Mesh]ৰ দ্বাৰা বক্ষবেৰ পুনৰ নিৰ্মাণ কৰিবলৈ সক্ষম হয়৷ ৰোগীজন চেন্নাই এপ’ল’ হাস্পতাললৈ আহিছিল এটা টিউমাৰৰ সৈতে৷ 
চিকিৎসকে কোৱা মতে, এই বক্ষবেৰত গঢ় লৈ উঠা টিউমাৰটো ২০২০ চনৰ নৱেম্বৰ মাহত ধৰা পৰিছিল৷ বাংলাদেশত চিকিৎসকে ২০২০ চনৰ ডিচেম্বৰ মাহত বাওঁফালৰ প্ৰথম আৰু দ্বিতীয় ৰিবৰ সৈতে টিউমাৰটো উঠাই দিছিল৷ পৰীক্ষা-নিৰীক্ষাত এই টিউমাৰটো কেন্‌ছাৰ চেল থকা Chondrosarcoma বুলিহে ধৰা পৰিছিল৷ এপ’ল’ হাস্পতাল চেন্নাইলৈ অহাৰ আগতে তেওঁ কেম’থেৰাপীও আৰম্ভ কৰে৷
 কিন্তু ই বেছি সুফল দিব নোৱাৰিলে বুলি চিকিৎসকে কয়৷ লাহে লাহে ৰোগীয়ে উশাহ-নিশাহত কষ্ট পাবলৈ ধৰিলে৷ শেষত ২৫ ফেব্ৰুৱাৰীত এটা বিশেষজ্ঞ চিকিৎসকৰ দলে ১৪ ঘণ্টা জোৰা অস্ত্ৰোপচাৰৰ দ্বাৰা Rib আৰু Collar Boneৰ সৈতে টিউমাৰটো উঠাই দিয়ে৷ ৰক্তবাহী নলীকাসমূহ সংৰক্ষণ কৰি ৰখা হয়৷ 
ছাৰ্জনসকলে পিছত পিছফালৰ পৰা লোৱা মাংসপেশী, কলা আৰু অন্যান্য সামগ্ৰীৰ সহায়ত বক্ষবেৰ পুনঃগঠন কৰে৷ Sternum (এডাল হাড়] পুনৰ নিৰ্মাণ কৰে অস্থি চিমেণ্ট [Bone Cement] আৰু মেচ [Mesh]ৰ দ্বাৰা৷ অপাৰেশ্যনৰ পাছত ৰোগীগৰাকী অতি সোনকালে সুস্থ হ’বলৈ সক্ষম হয় আৰু কেন্‌ছাৰ চেল থকা টিউমাৰটো সম্পূৰ্ণৰূপে উঠাই দিয়া বুলি পৰীক্ষাৰ দ্বাৰা চিহ্নিত হোৱাৰ লগতে ৰোগীগৰাকীক বৰ্তমান ৰেডিয়েশ্যন থেৰাপী দি থকা হৈছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,