Home Health Talks সন্মতি অবিহনে ভেক্‌চিন দিব নোৱাৰিব

সন্মতি অবিহনে ভেক্‌চিন দিব নোৱাৰিব

ক’ভিড-১৯-ৰ বিৰুদ্ধে টিকাকৰণ অভিযান এবছৰ সম্পূৰ্ণ হোৱাৰ দুদিন আগতে কেন্দ্ৰীয় চৰকাৰে উচ্চতম ন্যায়ালয়ক জনায় যে সন্মতি নোহোৱাকৈ ভেক্‌চিন দিবলৈ চৰকাৰে কোনো নিৰ্দেশনা জাৰি কৰা নাই আৰু যিকোনো কামৰ বাবে ভেক্‌চিনৰ প্ৰমাণপত্ৰ বাধ্যতামূলক কৰা নাই৷ ১৩ জানুৱাৰীত ন্যায়ালয়ত দাখিল কৰা এখন শপতনামাত স্বাস্থ্য আৰু পৰিয়াল কল্যাণ মন্ত্ৰ্যালয়ে কয় যে কোনো লোককে তেওঁলোকৰ সন্মতি অবিহনে ভেক্‌চিন ল’বলৈ হেঁচা দিব নোৱাৰিব৷ শপতনামাত এইবুলিও কয় যে ভাৰত চৰকাৰে এনে কোনো এছ অ’ পি (ষ্টেণ্ডাৰ্ড অপাৰেটিং প্ৰচিডিউৰ) জাৰি কৰা নাই যে যিকোনো কামৰ বাবে ভেক্‌চিন প্ৰমাণপত্ৰ লগত থকাটো বাধ্যতামূলক৷ মন্ত্ৰ্যালয়ে কয়, যে ভাৰত চৰকাৰ তথা স্বাস্থ্য আৰু পৰিয়াল কল্যাণ মন্ত্ৰ্যালয়ে জাৰি কৰা নিৰ্দেশনাত সংশ্লিষ্ট ব্যক্তিৰ সন্মতি অবিহনে বলেৰে ভেক্‌চিন দিয়াৰ কোনো নিৰ্দেশনা নাই৷ মন্ত্ৰ্যালয়ে কয় যে ৰাইজক পৰামৰ্শ দিয়া হৈছে, বিজ্ঞাপন দিয়া হৈছে, ছপা আৰু সামাজিক মাধ্যমেৰে জনোৱা হৈছে যে সকলো লোকে ভেক্‌চিন লোৱা উচিত আৰু এনে কামৰ বাবে ব্যৱস্থা তথা প্ৰক্ৰিয়াৰ সুবিধা দিয়া হৈছে৷ অৱশ্যে কোনো লোককে তেওঁলোকৰ সন্মতি অবিহনে ভেক্‌চিন ল’বলৈ জোৰ কৰিব নোৱাৰিব৷ এটা বেচৰকাৰী সংস্থা এভাৰা ফাউণ্ডেশ্যনে বিশেষভাৱে সফল লোকৰ বাবে অগ্ৰাধিকাৰ ভিত্তিত ঘৰে ঘৰে কভিড-১৯ৰ ভেক্‌চিন দিয়াবলৈ উচ্চতম ন্যায়ালয়ত দাখিল কৰা এখন আৱেদনৰ সঁহাৰি জনাই কেন্দ্ৰীয় চৰকাৰে নিজৰ শপতনামা দাখিল কৰে

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...