Home Health Naturally শুবলৈ যাওঁতে ম’বাইলটো এৰাই চলক : আছে বহু কাৰণ

শুবলৈ যাওঁতে ম’বাইলটো এৰাই চলক : আছে বহু কাৰণ

শৰীৰটোক ভালে ৰখাৰ বাবে সঠিক সময়ত খোৱা-বোৱা, পৰ্যাপ্ত পৰিমাণৰ টোপনি, বিশ্বাস অত্যন্ত দৰকাৰী৷ যদি এইবোৰ কাৰক দেহে সঠিকভাৱে নাপায়, তেন্তে শৰীৰৰ মাৰাত্মক ক্ষতি হ’ব পাৰে৷ 
মানসিক অৱসাদৰ পৰা আৰম্ভ কৰি উদ্বেগ, ডায়েবেটিছ, হাৰ্টৰ সমস্যা আনকি কোনো কোনো ক্ষেত্ৰত কেঞ্চাৰৰ দৰে মাৰাত্মক ৰোগ হোৱাৰ সম্ভাৱনাও থাকে৷
বৰ্তমান সময়ত ম’বাইলটো যেন আমাৰ জীৱনৰ এক অবিচ্ছেদ্য অংগ হৈ পৰিছে৷ প্ৰায়সকলেই দিনটোৰ সৰহভাগ সময়ে ম’বাইলটোক লৈ যেন ব্যস্ত থাকে৷ কামৰ মাজতো সময় অকণ উলিয়াই হ’লেও ম’বাইল খোঁচৰাটো যেন অভ্যাসত পৰিণত হৈছে৷ 
দিনৰ দিনতো বাদেই দিলোঁ, ৰাতি টোপনিৰ বাবে বিছনালৈ যাওঁতেও প্ৰায়সংখ্যকৰে ম’বাইল চোৱাটো অভ্যাস হৈ পৰিছে৷ কিন্তু আপোনাৰো এনে কু-অভ্যাস আছে যদি আজিয়েই পৰিত্যাগ কৰক৷ কিয়নো এনে অভ্যাসৰ ফলত আপোনাৰ শৰীৰত দেখা দিব পাৰে মাৰাত্মক সমস্যা৷ জানো আহক ৰাতি শুবলৈ যোৱাৰ সময়ত ম’বাইল ফোন ব্যৱহাৰ কৰিলে কি ঘটিব পাৰে৷ 
গৱেষণাত প্ৰমাণিত হৈছে যে শোৱাৰ সময়ত ম’বাইল ফোন ব্যৱহাৰ কৰিলে চকুৰ নানাধৰণৰ বিকাৰে দেখা দিয়ে, আনকি কেঞ্চাৰ হোৱাৰ সম্ভাৱনা বৃদ্ধি পায়৷ চিকিৎসকৰ মতে ৰাতি শোৱাৰ সময়ত স্মাৰ্টফোনত অতিৰিক্ত ব্যৱহাৰে চকুৰ বিভিন্ন সমস্যাৰ সৃষ্টি কৰিব পাৰে৷
 ম’বাইলৰ পৰা নিৰ্গত হোৱা নীলা ৰশ্মিয়ে মস্তিষ্কৰ কাৰ্যত বাধা প্ৰদান কৰে আৰু ইয়ে টোপনিত ব্যাঘাত জন্মায়৷ ইয়াৰ উপৰি চকুৰ ৰক্ত সঞ্চালনো ব্যাহত কৰে৷ অত্যধিক ম’বাইল চোৱাৰ ফলত মেৰুদণ্ডৰ লগতে কান্ধ আৰু মূৰৰ সংযোগস্থলত যথেষ্ট চাপ পৰে৷ 
ইয়াৰ বাবে শৰীৰৰ ওপৰৰ অংশৰ লিগামেণ্টৰ ওপৰত বেয়া প্ৰভাৱ পৰে৷ আনহাতে বহুতেই ম’বাইল ফোনত পঢ়াটো পচন্দ কৰে৷ কিন্তু বিশেষজ্ঞসকলৰ মতে কিবা এটা ম’বাইলত পঢ়াতকৈ বহী পঢ়াটো বেছি উপকাৰী৷ 
বহীত পঢ়িলে ম’বাইলত পঢ়াতকৈ খুব কম সময়ৰ প্ৰয়োজন হয়৷ ইয়াৰ উপৰি চকুৰ ক্ষতি সাধন হোৱাৰ আশংকা থাকে৷ ৰাতি বেছি দেৰিলৈ ম’বাইল ফোন চালে ক্ষুধা অনুভূত হয়৷ সেয়েহে ৰাতি দেৰিলৈ খাদ্য খোৱাৰ ফলত টাইপ টু ডায়েবেটিছ হোৱাৰ সম্ভাৱনা বৃদ্ধি পায়৷

Most Popular

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...