Home Beauty Plus শীতকালত হাত-ভৰি শুষ্কতাৰ পৰা কিদৰে বচাই ৰাখিব ?

শীতকালত হাত-ভৰি শুষ্কতাৰ পৰা কিদৰে বচাই ৰাখিব ?

শীতকাল আৰম্ভ হোৱাৰ লগে লগে বহুতৰে হাত-ভৰি আদি ফাটিবলৈ ধৰে৷ কেতিয়াবা এনে পৰ্যায় পায়গৈ যে ভৰি পাতিব নোৱৰা হৈ ফটা অংশৰে তেজপৰ্যন্ত ওলাবলৈ লয়৷ সাধাৰণতে শীতৰ আদ্ৰৰ্তাৰ বাবে হাত, ভৰি, ওঁঠ আদি ৰুক্ষ, শুষ্ক হৈ পৰে, যাৰ ফলত ইয়াৰ ছালখন ফাটি যায়৷ গৰম কালত যিসকলৰ হাত, ভৰি বেছিকৈ ঘামে, শীতত তেওঁলোকৰ ছালখন ৰুক্ষ হোৱাৰ প্ৰৱণতা দেখা যায়৷ আনহাতে থাইৰয়েড, ডায়েবেটিছ, এলাৰ্জি, ভিটামিনৰ অভাৱ আদি বিভিন্ন কাৰক ছালখনৰ শুষ্কতাৰ কাৰণ হ’ব পাৰে৷ শীতকালত হাত তথা ভৰিৰ ছালৰ শুষ্কতা দূৰ কৰিবলৈ কি ব্যৱস্থা গ্ৰহণ কৰিব৷ যিকোনো কাম কৰাৰ আগে আগে হাতখনত নাৰিকলৰ তেল লগাওক৷ পানীৰ সংস্পৰ্শলৈ যাওঁতে মইশ্বৰাইজাৰ ৰাখিবলৈ গ্লভছ পিন্ধি ল’ব পাৰে৷ যিমানদূৰ সম্ভৱ কুমহীয়া গৰম পানী ব্যৱহাৰ কৰিব৷
শীতকালত ভৰি তথা হাতখন নৰম কৰি ৰাখিবলৈ কেইফোটামান মৌ আৰু অলিভ অইল মিহলাই হাত. ভৰিত মাছাজ কৰক৷ পাছত ভালদৰে ধুই দিব৷
নৰম হাত পাবলৈ পৰিমাণ মতে চায়েল লিকাৰৰ সৈতে একফোটা কপূৰ্ৰ মিহলাই ফ্ৰীজৰ ৰাখি থ’ব৷ পাছত এই মিশ্ৰণটো হাতত টোনাৰ হিচাপে ব্যৱহাৰ কৰিব পাৰে৷
শীতকালত ভৰিৰ ৰুক্ষতা এটা সাধাৰণ সমস্যা৷ ইয়াৰ প্ৰতিকাৰৰ বাবে পকা কল, ুকা অমিতা, আপেল, কেইফোটামান অলিভ অইল, অলপ গাখীৰ লৈ এটা মিশ্ৰণ প্ৰস্তুত কৰক৷ এই মিশ্ৰণটো ১৫ মিনিটমান সময় হাত, ভৰিত লগাই পাছত পৰিষ্কাৰ পানীৰে ধুই দিয়ক৷ তাৰ পাছত মইশ্বৰাইজাৰ লগাওক৷
শীতত কুমহীয়া পানীত ছেম্পু বা বাথ দি ১৫ মিনিটমান সময় ভৰি ডুবাই ৰাখক৷ পাছত উঠাই আনি ভাল পানীৰে ধুই পেলাওক৷
গোৰোহা, ভৰিৰ পতা আদি ছালৰ ৰুক্ষতা নিৰাময়ৰ বাবে নেমুৰ ৰসৰ লগত চেনি মিহলাই গোৰোহা ভালদৰে ঘঁহি দিয়ক৷ তাৰ পাছত হালধি বটা, কমলাটেঙা বা নেমুৰ ৰস আৰু গ্লিছাৰিন মিহলাই ছালখনত লগাওক৷ ছালৰ ৰুক্ষতা দূৰ হ’ব৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...