Home Daily news লাৰ্নিং মডেল উদ্ভাৱন : হৃদৰোগৰ সম্ভাৱনাৰ ১০ বছৰৰ আগতে ভৱিষ্যদ্বাণী কৰিব

লাৰ্নিং মডেল উদ্ভাৱন : হৃদৰোগৰ সম্ভাৱনাৰ ১০ বছৰৰ আগতে ভৱিষ্যদ্বাণী কৰিব

সমগ্ৰ পৃথিৱীত মানুহৰ মৃত্যুৰ প্ৰধান কাৰণ হৃদৰোগ৷ বিশ্ব স্বাস্থ্য সংগঠনৰ মতে, প্ৰতিবছৰে কাৰ্ডিঅ’ভাস্কুলাৰ ডিজিজত [চি ভি ডি] ১.৭৯ কোটি লোকৰ মৃত্যু হয়৷ হৃদৰোগৰ ভয়ানক পৰিণামে গৱেষকসকলক হৃদৰোগৰ নিৰাময় আৰু প্ৰতিৰোধ আৰু প্ৰধান কাৰকবোৰৰ [ৰিস্ক্‌ ফেক্টৰ্ছ] বিষয়ে গৱেষণা কৰিবলৈ আৰু উপায় উলিয়াবলৈ অনুপ্ৰাণিত কৰিছে৷ এতিয়া গৱেষকসকলে আৰ্টিফিচিয়েল ইণ্টেলিজেন্সৰ [এ আই] সহায়ক মাত্ৰ এখন এক্স-ৰে ব্যৱহাৰ কৰিয়েই ভৱিষ্যতে হৃদৰোগ হোৱাৰ সম্ভাৱনা থকা বা নথকা নিৰূপণ কৰিবলৈ সক্ষম হৈছে৷ গৱেষকসকলে এনেকুৱা এটা লাৰ্নিং মডেল উদ্ভাৱন কৰিছে, যিটোৱে পৰৱৰ্তী ১০ বছৰত এজন লোকৰ হৃদৰোগ বা ষ্ট্ৰ’কত মৃত্যুৰ সম্ভাৱনাৰ ভৱিষ্যদ্বাণী কৰিব পাৰে৷ অৰ্থাৎ পৰৱৰ্তী ১০ বছৰত হৃদৰোগ বা ষ্ট্ৰ’কৰ সম্ভাৱনা আছে নেকি সেইটো নিৰ্ণয় কৰিব পাৰে৷ এই প্ৰযুক্তিক চি এক্স আৰ-চি ভি ডি ৰিস্ক্‌ বুলি জনা যায়৷ আমেৰিকাৰ নেশ্যনেল কেঞ্চাৰ ইনষ্টিটিউটে আৰ্হি প্ৰস্তুত কৰা এটা বিশেষ পৰীক্ষাত এই ব্যৱস্থা প্ৰয়োগ কৰি চোৱা হৈছে৷ প্ৰায় ১১,৪৩০জন বহিঃ ৰোগীৰ বুকুৰ এক্স-ৰেও তেওঁলোকে পৰীক্ষা কৰে৷ তাৰ পাছত হাৰ্ট এটেকৰ আশংকা থকা ১,০৯৬জন ৰোগীক প্ৰতিৰোধমূলক চিকিৎসাৰ [ষ্টেটিন থেৰাপি] দিহা দিয়ে৷ মাছাচুছেট্‌ছ আৰু বষ্টনৰ দুখন চিকিৎসালয়তো চি এক্স আৰ-চি ভি ডি ৰিস্ক্‌ ডীপ লাৰ্নিং মডেল পৰীক্ষা কৰা হয়৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,