Home Beauty Plus মুখত পৰা বয়সৰ চাপ কিদৰে নোহোৱা কৰিব ?

মুখত পৰা বয়সৰ চাপ কিদৰে নোহোৱা কৰিব ?

প্ৰকৃতিৰ নিয়ম অমান্য কৰাটো খুব কঠিন৷ কিন্তু মানুহে নিদৰ বুদ্ধি আৰু প্ৰকৃতিয়ে দিয়া কিছুমান বস্তুৰ সহায়ত নিজৰ বাবে উপকাৰী বস্তু প্ৰস্তুত কৰাত সক্ষম৷ বৰ্তমান যুগত পুৰুষ বা নাৰী প্ৰত্যেকেই তৰুণ হৈ থকাটো বিচাৰে৷ এটা সময়ত বাৰ্ধক্যৰ চাপ অহাটো স্বাভাৱিক প্ৰক্ৰিয়া আৰু তাৰ অস্বীকাৰ কৰাৰ কাৰো দ্বিমত নাই৷ কিন্তু কিছুমানৰ বয়সৰ আগেয়ে নিজৰ ভুল জীৱন-যাপন, খাদ্যাভ্যাসৰ শৈলী আদিৰ বাবে বাৰ্ধক্যৰ লক্ষণ অকালতে আহে৷ মুখত বলিৰেখা পৰে৷ আপোনাৰ যদি অকালতে মুখত বলিৰেখা পৰে তথা বাৰ্ধক্যৰ লক্ষণ দেখা পায়, তেতিয়া কল ইয়াৰ বাবে অতি উত্তম৷ ছালখনক  কোমল, উজ্জ্বল কৰি ৰাখিবলৈ বিভিন্ন ধৰণে কল ব্যৱহাৰ কৰিব পাৰে৷ ইয়াৰ ফলত অকাল বাৰ্ধক্যৰ পৰা সকাহ পোৱা যায়৷ জানো আহক মুখত বাৰ্ধক্যৰ চিন পৰিলে কল কিদৰে ব্যৱহাৰ কৰিব৷
প্ৰথমে কেইটামান পকা কল ল’ব৷ কলকেইটা ফেনেকি লৈ তাত এচামুচ বেচন মিহলাই ল’ব৷ তাৰ পাছত আধা চামুচ নেমুৰ ৰস ভালদৰে মিহলাই লৈ এটা পেষ্ট প্ৰস্তুত কৰক৷ এই পেষ্টটো মুখখন ১৫ মিনিটমান ৰাখি ভালদৰে ধুই দিব৷ ইয়াক নিয়মিতভাৱে মুখত ব্যৱহাৰ কৰিলে মুখখনত পৰা বলিৰেখা, ফাইনলাইন কমি যায় আৰু মুখখন উজ্জ্বল হৈ পৰে৷
এটা পকা কল লৈ তাত এবোকাডো মিহলাই ল’ব৷ তাৰ পাছত তাত এচামুচ মৌ মিহলাই লওক৷ মুখত এই পেষ্টটো ভালদৰে সানি ২০ মিনিটমান ৰাখি পৰিষ্কাৰ পানীৰে মুখখন ধুই পেলাওক৷ এই পেকটোৱে ছালৰ ৰং উন্নত কৰে৷ মুখৰ বলিৰেখা আৰু সূক্ষ্মৰেখা দূৰ কৰে৷ নিয়মিতৰূপে এই পেকটো ব্যৱহাৰ কৰিলে ছাল সুন্দৰ, কোমল আৰু উজ্জ্বল হয়৷
পকা অমিতাৰ সৈতে এটা পকা কল ভালদৰে মিশ্ৰণ কৰক৷ এই ফেশ্বপেকটো গোটেই মুখ, গল আদিত ভালদৰে মাচাজ কৰি ২০ মিনিটমান ৰাখি তাৰ পাছত অলপ কুহুমীয়া পানীৰে মুখখন ধুই দিয়ক৷ এই ফেশ্বপেকটো ব্যৱহাৰ কৰিলে ছালৰ শুষ্কতা দূৰ হোৱাৰ লগতে মুখত পৰা বলিৰেখা নাইকিয়া হৈ মুখখন সতেজ, কোমল হৈ পৰে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,