Home Daily news মাধমাৰ : বজাৰত পাচলিৰ আকাশলংঘী দাম বৃদ্ধি

মাধমাৰ : বজাৰত পাচলিৰ আকাশলংঘী দাম বৃদ্ধি

গুৱাহাটীৰ পাচলিৰ বজাৰত প্ৰায় প্ৰতিবিধ সামগ্ৰীৰে আকাশলংঘী দাম বৃদ্ধিয়ে সৰ্বসাধাৰণক ত্ৰাহি মধুসূদন দেখাইছে৷ সম্প্ৰতি মহানগৰীৰ পাচলি বজাৰ মানেই সাধাৰণ জনতাৰ বাবে ত্ৰাসৰ কাৰণ হৈ পৰিছে৷ পাচলিৰ যোগান হ্ৰাস পোৱাৰ সুযোগ গ্ৰহণ কৰি একাংশ অসাধু ব্যৱসায়ীয়ে ব্যাপক হাৰত দাম বৃদ্ধি কৰিছে৷ বহুকেইবিধ পাচলিৰ মূল্যই শতকৰ ঘৰ অতিক্ৰম কৰিছে৷  মহানগৰত এতিয়া প্ৰতিবিধ শাক-পাচলিৰ প্ৰকৃত মূল্যতকৈ ব্যৱসায়ীসকলে অধিক বৃদ্ধি কৰি সাধাৰণ গ্ৰাহকক লুণ্ঠন চলাইছে৷ সম্প্ৰতি শাক-পাচলিৰ বজাৰ একাংশ মধ্যভোগীয়ে নিয়ন্ত্ৰণ কৰিছে৷ একাংশ ব্যৱসায়ীয়ে বজাৰত শাক-পাচলিৰ কৃত্ৰিম নাটনিৰো সৃষ্টি কৰিছে৷ মহানগৰৰ বজাৰত এতিয়া জিলা প্ৰশাসন আৰু যোগান বিভাগৰ কোনো ধৰণৰ নিয়ন্ত্ৰণ নথকাৰ বাবেই ব্যৱসায়ীসকলে খাদ্য সামগ্ৰীৰ কৃত্ৰিম নাটনিৰ সৃষ্টি কৰি দাম বৃদ্ধি কৰাৰ সুবিধা গ্ৰহণ কৰিছে৷ আলু আৰু পিঁয়াজৰ দাম বৃদ্ধিয়ে গ্ৰাহকক কন্দুওৱাৰ পাছত মহানগৰীৰ খুচুৰা বজাৰত সম্প্ৰতি প্ৰতি কিল’গ্ৰাম বন্ধাকবি ৬০ টকা, স্কোৱাচ ৩০-৪০ টকা, বিলাহী ৬০-৮০ টকা, জিকা ৬০-৮০ টকা, গাজৰ ৮০ টকা, পটল ৭০-৮০ টকা, ভেণ্ডি ৬০-৮০ টকা, তিযঁþহ ৫০- ৬০ টকা, লেচেৰা ৪০-৬০ টকা, বিন ৬০-৮০ টকা, তিতা কেৰেলা ৬০-৮০ টকাকৈ বিক্ৰী হৈছে৷ আনহাতে, সাধাৰণ শ্ৰেণীৰ পাচলিৰ শাৰীত ধৰা মূলা আৰু বেঙেনাৰ মূল্যয়ো এতিয়া ৬০-৮০ টকা হ’লগৈ৷ উল্লেখ্য যে মহানগৰত দীৰ্ঘদিন ধৰি অসাধু ব্যৱসায়ীৰ বিৰুদ্ধে জিলা প্ৰশাসনৰ অভিযান নচলাৰ বাবেই ব্যৱসায়ীয়ে পাচলিৰ মূল্য নিজ ইচ্ছামতে ধাৰ্য কৰাৰ সাহস পাইছে৷ জিলা প্ৰশাসন তথা যোগান বিভাগৰ নিৰ্লিপ্ততাৰ সুযোগ লৈ একাংশ অসাধু ব্যৱসায়ীয়ে বজাৰত স্বেচ্ছাই পাচলিৰ দাম বৃদ্ধি কৰিছে৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...