Home Daily news মহানগৰীত ৩৫ কোটি টকাৰ হেৰ’ইন জব্দ

মহানগৰীত ৩৫ কোটি টকাৰ হেৰ’ইন জব্দ

ড্ৰাগ্‌ছৰ বিৰুদ্ধে আৰক্ষীৰ অভিযান তীব্ৰতৰ হৈ থকাৰ মাজতে ম্যানমাৰৰ পৰা মণিপুৰ-গুৱাহাটী হৈ উত্তৰ ভাৰতৰ নিয়াৰ পথত যোৱা এক ফেব্ৰুৱাৰীত গুৱাহাটীত আৰক্ষীয়ে ৩৫ কোটি টকা মূল্যৰ হেৰ’ইন জব্দ কৰে৷ ঝাৰখণ্ডত পঞ্জীকৃত এখন ট্ৰাকৰ বাম্পাৰত হেৰ’ইনখিনি ভৰাই অনা হৈছিল৷ বাম্পাৰৰ ভিতৰত প্লাষ্টিকেৰে মেৰিয়াই আনিছিল ৪.৫ কিল’গ্ৰাম হেৰ’ইন৷ চোৰাংচোৱাৰ খবৰৰ ভিত্তিত গুৱাহাটীৰ নালাপাৰা অঞ্চলত আৰক্ষীয়ে অভিযান চলাই এই বৃহৎপৰিমাণৰ হেৰ’ইনখিনি জব্দ কৰিবলৈ সক্ষম হোৱা বুলি প্ৰকাশ কৰিছে মহানগৰ আৰক্ষীৰ যুটীয়া আয়ুক্ত পাৰ্থসাৰথি মহন্তই৷ আৰক্ষীয়ে হেৰ’ইনখিনিৰ সৈতে ট্ৰাকখন জব্দ কৰাৰ লগতে দুটা সৰবৰাহকাৰীক গ্ৰেপ্তাৰ কৰে৷ আৰক্ষী বিষয়াগৰাকীয়ে সদৰী কৰা অনুসৰি জব্দ হোৱা হেৰ’ইনখিনি আছিল অতি উন্নত মানৰ৷ যাৰ বাবে ইয়াৰ মূল্য ৩৫ কোটি টকা হ’ব বুলি জানিবলৈ দিয়ে৷ বিষয়াগৰাকীয়ে প্ৰকাশ কৰা অনুসৰি ম্যানমাৰৰ পৰা  ম’ৰে হৈ মণিপুৰলৈ এই হেৰ’ইনখিনি সৰবৰাহ কৰা হৈছিল আৰু মণিপুৰৰ পৰা উক্ত ট্ৰাকখনেৰে উত্তৰ ভাৰতলৈ নিয়াৰ পৰিকল্পনা কৰিছিল৷ ড্ৰাগ্‌ছ সৰবৰাহকাৰীয়ে দৈনিক নতুন নতুন কৌশল গ্ৰহণ কৰি অহা বুলিও বিষয়াগৰাকীয়ে জানিবলৈ দিয়ে৷ ৰাজ্যজুৰি ড্ৰাগ্‌ছৰ বিৰুদ্ধে আৰক্ষীৰ অভিযান তীব্ৰতৰ হৈ থকাৰ সময়ত কেনেকৈ এই বৃহৎ পৰিমাণৰ হেৰ’ইন গুৱাহাটী আহি পালে তাক লৈয়ো বিষয়টো আৰক্ষীৰ মাজত চৰ্চিত হৈ পৰিছে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...