Home Daily news মহানগৰত উন্মুক্ত পদপথৰ পৰা সাৱধান

মহানগৰত উন্মুক্ত পদপথৰ পৰা সাৱধান

গুৱাহাটী মহানগৰত এতিয়া একাংশ উন্মুক্ত পদপথে পথচাৰী তথা নাগৰিকৰ জীৱনলৈ আনিছে ভাবুকি৷ একাংশ স্থানত উন্মুক্ত হৈ থকা পদপথে যিকোনো সময়তে বিপদৰ সৃষ্টি কৰিব পাৰে৷ বিশেষকৈ মহানগৰৰ একাংশ স্থানত দীৰ্ঘদিন ধৰি পদপথত শ্লেব বহুওৱাৰ কাম কৰা হ’ল যদিও একাংশ স্থানত শ্লেব বহুওৱাৰ কাম নকৰিলে৷ একাংশ স্থানত এতিয়াও মুকলিকৈয়ে আছে পদপথ৷ 
উল্লেখ্য যে গুৱাহাটী মহানগৰত জৰাজীৰ্ণ আৰু উন্মুক্ত অৱস্থাত থকা পদপথে এতিয়া পথচাৰীৰ জীৱনলৈ একপ্ৰকাৰ ভাবুকি কঢ়িয়াই আনিছে৷ একাংশ অঞ্চলত থকা উন্মুক্ত আৰু শোচনীয় পদপথৰ বাবেই বিভিন্ন সময়ত বহুতো পথচাৰী আহত আৰু নিহত হ’বলগীয়া হৈছে৷ 
মহানগৰৰ আৰ জি বৰুৱা পথ, জি এছ ৰ’ড, চানমাৰি, শিলপুখুৰী, পাণবজাৰ, ফাঁচিবজাৰ, মালিগাঁও,  বামুণীমৈদাম, নুনমাটি, নাৰেংগী, হাতীগাঁও আদি বিভিন্ন ঠাইৰ একাংশ পদপথ এতিয়াও ভগ্নপ্ৰায়৷ অধিকাংশ পদপথৰ ওপৰভাগ দুৰ্বল হৈ পৰাৰ লগতে একাংশ পদপথ উন্মুক্ত হৈ আছে৷ এই পদপথসমূহৰ ওপৰেৰে পথচাৰীসকল অতি বিপজ্জনকভাৱে অহা-যোৱা কৰিবলগীয়া হয়৷ 
গুৱাহাটী মহানগৰত সম্প্ৰতি বৃদ্ধি পোৱা যান-বাহনৰ প্ৰতি লক্ষ্য ৰাখি পদপথসমূহৰ উন্নয়ন কৰাটো অধিক প্ৰয়োজনীয় হৈ পৰিছে৷ বৃদ্ধি পোৱা যান-বাহন আৰু যান-জঁটৰ বাবে পথচাৰীসকল পথেৰে খোজকাঢ়ি যোৱাৰ ক্ষেত্ৰত যথেষ্ট অসুবিধাৰ সৃষ্টি হয়৷
উন্মুক্ত পদপথৰ বাবে বিভিন্ন সময়ত সংঘটিত হৈ অহা ঘটনাই প্ৰমাণ কৰি আহিছে মহানগৰৰ জৰাজীৰ্ণ পদপথৰ শ্লেবে কঢ়িয়াই অনা বিপদ৷ গতিকে এই ক্ষেত্ৰত গুৰুত্ব দি অতি সোনকালে সকলোবোৰ ঠাইতেই জৰাজীৰ্ণ পদপথৰ শ্লেব নিৰ্মাণ কৰাৰ ক্ষেত্ৰত দায়িত্বশীল বিভাগে ব্যৱস্থা গ্ৰহণ কৰাটো অধিক প্ৰয়োজনীয় হৈ পৰিছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,