Home Daily news ভয়ংকৰ তথ্য ! উত্তৰ-পূবৰ প্ৰদূষিত চহৰৰ শীৰ্ষত গুৱাহাটী

ভয়ংকৰ তথ্য ! উত্তৰ-পূবৰ প্ৰদূষিত চহৰৰ শীৰ্ষত গুৱাহাটী

চেণ্টাৰ ফৰ ছায়েন্স এণ্ড এনভাইৰনমেণ্টৰ এক সমীক্ষাত পোহৰলৈ আহিছে গুৱাহাটী মহানগৰীৰ প্ৰদূষণক লৈ ভয়ংকৰ তথ্য৷ তথ্য অনুসৰি, ২০২১-২২ বৰ্ষৰ বৰ্ষাকালৰ বায়ুৰ গুণগত মান বিশ্লেষণত উত্তৰ-পূৰ্বাঞ্চলৰ প্ৰদূষিত চহৰসমূহৰ ভিতৰত গুৱাহাটীয়ে শীৰ্ষস্থান দখল কৰিছে৷ অসংখ্য যান-বাহনৰ চলাচল, কল-কৰখানাৰ পৰা নিৰ্গত ধোঁৱা, ধূলি আদিয়ে গুৱাহাটী মহানগৰৰ বায়ুমণ্ডল অস্বাভাৱিকভাৱে প্ৰদূষিত কৰিছে৷ বিগত এমাহ ধৰি গুৱাহাটীৰ জলবায়ুয়ে প্ৰতিদিনে ক্ৰমান্বয়ে শোচনীয় দিশলৈ গতি কৰিছে এয়াৰ কোৱালিটি ইনডেক্সত৷ যাৰ বাবে এতিয়া ভয়াৱহ হৈ পৰিছে গুৱাহাটীৰ বায়ুমণ্ডল৷ বায়ুমণ্ডল উদ্বেগজনকভাৱে প্ৰদূষিত হোৱাৰ সমান্তৰালভাৱে গুৱাহাটীবাসীৰ স্বাস্থ্যৰ প্ৰতিও ভয়ংকৰ ভাবুকি আহি পৰিছে৷ এনে প্ৰদূষণৰ ফলত শুকান  কাহ, চৰ্দি আদি হ’ব পাৰে৷ উশাহ-নিশাহত কষ্ট, ছালৰ বিভিন্ন ৰোগ আদিৰ সমস্যাই দেখা দিব পাৰে৷ এনে প্ৰদূষণ স্বাস্থ্যৰ বাবে যথেষ্ট ক্ষতিকাৰক বুলি বিশেষজ্ঞসকলে  মত ব্যক্ত কৰিছে৷ আনহাতে এইদৰে গুৱাহাটীত হোৱা জলবায়ুৰ পৰিৱৰ্তন, ভয়ানকভাৱে বৃদ্ধি পোৱা কাৰ্বনৰ মাত্ৰা আদিয়ে তাপমাত্ৰাতো প্ৰভাৱ পেলোৱা পৰিলক্ষিত হৈছে৷ সেয়েহে বিগত দিনত অস্বাভাৱিকভাৱে তাপমান বৃদ্ধি পোৱাৰ সম্ভাৱনা আছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,