Home Daily news ভাৰতত ২০৩০ চনত কিমান লোক ক্ষুধাৰ চিকাৰ হ’ব ?

ভাৰতত ২০৩০ চনত কিমান লোক ক্ষুধাৰ চিকাৰ হ’ব ?

শেহতীয়াভাৱে প্ৰকাশিত এক প্ৰতিবেদনক লৈ ভাৰতীয় জনসাধাৰণৰ যথেষ্ট উৎকণ্ঠা বৃদ্ধি পাইছে৷ প্ৰতিবেদনখনত কোৱা হৈছে যে ২০৩০ চনলৈকে ভাৰতবৰ্ষত ৭.৪ কোটি লোক ক্ষুধাৰ চিকাৰ হ’ব৷ বিশ্ব খাদ্য নীতি প্ৰতিবেদন-২০২২ত এই কথা প্ৰকাশ পাইছে৷
ইণ্টাৰনেশ্যনেল ফুড পলিচি ৰিছাৰ্চ ইনষ্টিটিউটে প্ৰকাশ কৰা প্ৰতিবেদনখনক লৈ এতিয়া গোটেই দেশতে উদ্বেগৰ সৃষ্টি কৰিছে৷ প্ৰতিবেদনখন মতে ২০৫০ চনলৈ বিশ্বৰ কেইবা কোটি লোক দুৰ্ভিক্ষ বা ক্ষুধাৰ বলি হ’ব৷ 
উল্লেখ্য যে ২০২১ চনৰ বিশ্ব ক্ষুধা সূচকাংকত ১১৬খন দেশৰ ভিতৰত ভাৰতৰ আছিল ১০১৷ আনহাতে প্ৰতিবেদনখনৰ মতে ১৯৯০-২০১৮ চনৰ ভিতৰত প্ৰতিবছৰে কাৰ্বন-ডাই-অক্সাইডৰ নিৰ্গমণ  যথেষ্ট হাৰত বৃদ্ধি পোৱাৰ ফলত জলবায়ু পৰিৱৰ্তনৰ মাত্ৰা বাঢ়িছে৷ এই কথাই প্ৰমাণ কৰে যে ভাৰতত ক্ষুধাৰ অৱস্থা অতি গুৰুতৰ৷ 
এইদৰে দুৰ্ভিক্ষ বা ক্ষুধাৰ্তৰ সংখ্যা বৃদ্ধিয়ে দেশখনলৈ অশনি সংকেত নমাই আনিছে৷ ইয়াৰ মূল কাৰণ হিচাপে অবাধ হাৰত বন ধ্বংস, জলবায়ুৰ দ্ৰুত পৰিৱৰ্তন, তাৰ ভিতৰত অভাৱনীয় হাৰত জীৱাশ্ম ইন্ধনৰ ব্যৱহাৰ বৃদ্ধিৰ ফলত হোৱা জলবায়ু পৰিৱৰ্তন, মানুহৰ অবিবেচকী কাণ্ডৰ ফলস্বৰূপে খাদ্য-শস্যৰ উৎপাদনত ব্যাপক প্ৰভাৱ পৰা পৰিলক্ষিত হৈছে৷ 
এই প্ৰভাৱত গাঢ়তা দিনক দিনে অভাৱনীয়ভাৱে বৃদ্ধি পাইছে৷ তদুপৰি উষ্ণতা বৃদ্ধি, বৰষুণৰ পৰিমাণ হ্ৰাস, বতৰৰ ব্যাপক পৰিৱৰ্তন আদিয়ে কৃষিক্ষেত্ৰত কুপ্ৰভাৱ পেলাইছে৷ ফলত কৃষি উৎপাদন হ্ৰাস পাইছে৷ ইয়ে ভাৰতৰ লগতে সমগ্ৰ বিশ্বতে দুৰ্ভিক্ষত ভোগা লোকৰ সংখ্যা বৃদ্ধি কৰিছে৷ অনাগত দিনত ইয়াৰ পৰিৱৰ্তনৰ হকে কঠোৰ পদক্ষেপ লোৱাৰ সময় আহি পৰিছে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...