Home Health Naturally ভাতৰ নিসনিৰে কিদৰে ৰূপচৰ্চা কৰিব ?

ভাতৰ নিসনিৰে কিদৰে ৰূপচৰ্চা কৰিব ?

বিনা খৰচত ছালৰ সৌন্দৰ্যচৰ্চা কৰিব বিচাৰে নেকি? তেন্তে ইয়াৰ সমাধানৰ বাবে ভাতৰ মাৰ নিৰ্বাচন কৰক৷ বহুতেই ছাল আৰু চুলিৰ পৰিচৰ্যা কৰাৰ বাবে নিয়মিত পাৰ্লাৰলৈ হৈ অধিক টকা খৰচ কৰে৷ ঘৰুৱা পদ্ধতি অনেক আছে, যিবিলাক পদ্ধতি ব্যৱহাৰ কৰিলে পাৰ্লাৰলৈ যোৱা প্ৰয়োজন নাথাকে৷ ভাতৰ মাৰ বা ইয়াৰ ফেন ৰূপচৰ্চাৰ বাবে অত্যন্ত উপকাৰী উপাদান৷ কিদৰে ভাতৰ মাৰ সৌন্দৰ্যচৰ্চাত ব্যৱহাৰ কৰিব পাৰি, জানো আহক৷
দুচামুচ ভাতৰ মাৰ আৰু এচামুচ মৌ ভালদৰে মিশ্ৰণ কৰি মুখত ভালদৰে লগাওক৷ আধা ঘণ্টামান মুখত ৰখাৰ পাছত পৰিষ্কাৰ ঠাণ্ডা পানীৰে ধুই দিয়ক৷ ছালৰ উজ্জ্বলতা, ছালৰ মসৃণতা আৰু ছালখন কোমল কৰাত এই ফেচপেকে যথেষ্ট সহায় কৰে৷
চাৰি চামুচ ভাতৰ মাৰ, এক চামুচ এলোভেৰা জেল মিশ্ৰণ কৰি এটা পেষ্ট প্ৰস্তুত কৰক৷ তাৰ পাছত এই মিশ্ৰণটো কিছুসময় ফ্ৰীজত ৰাখি ঠাণ্ডা হোৱাৰ পাছত আঙুলিৰে মিশ্ৰণটো মুখত লগাওক৷ কিছু সময় ৰখাৰ পাছত ভালদৰে পৰিষ্কাৰ পানীৰে ধুই দিব৷ এই মিশ্ৰণটো ফেচৱাশ্বৰ কাম কৰে৷
চুলিৰ যত্নত ভাতৰ মাৰ ব্যৱহাৰ কৰিব পাৰে৷ ভাতৰ ফেনৰ লগত নেমুৰ ৰস মিহলাই চুলিত ভালদৰে লগাওক৷ মিশ্ৰণটোৰে চুলিৰ গুৰিবোৰ ভালদৰে মালিচ কৰি পাছত ঠাণ্ডা পানীৰে ছেম্পু কৰি ধুই দিয়ক৷ চুলিৰ ৰুক্ষতা দূৰ কৰাত এই পেকটো অত্যন্ত কাৰ্যকৰী৷ ইয়াৰ বাহিৰেও চুলিৰ আগ ফটা সমস্যা, চুলিকোছা মজবুত কৰি ৰাখিবলৈ এই মিশ্ৰণটো ব্যৱহাৰ কৰিলে সুফল পোৱা যায়৷
ঘৰুৱা উপায়েৰে চুলিৰ ৰং কৰিবলৈ বিচাৰিলে এই ক্ষেত্ৰত ভাতৰ মাৰ ব্যৱহাৰ কৰিব পাৰে৷ ভাতৰ মাৰৰ সৈতে কফিৰ গুড়িৰ এটা মিশ্ৰণ প্ৰস্তুত কৰি ল’ব৷ এতিয়া এই পেকটো কিছু সময়ৰ বাবে চুলিখিনি ভালদৰে লগাই লৈ পাছত চুলিখিনি ছেম্পু কৰি দিব৷ সপ্তাহত কমেও দুবাৰ এইদৰে এই মিশ্ৰণটো লগালে চুলিখিনি বাদামী ৰঙৰ হৈ পৰিব আৰু কৃত্ৰিমভাৱে ৰং কৰাৰ প্ৰয়োজন নাথাকিব৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...