Home Daily news ভয়ংকৰ ভৱিষ্যৎ সমাগত : ৰাজ্যত কিমান শতাংশ লোক দৰিদ্ৰতাৰ গ্ৰাসত

ভয়ংকৰ ভৱিষ্যৎ সমাগত : ৰাজ্যত কিমান শতাংশ লোক দৰিদ্ৰতাৰ গ্ৰাসত

অসমত দ্ৰুত গতিত বৃদ্ধি পাইছে দুখীয়া লোকৰ সংখ্যা৷ যিসময়ত ৰাজ্যৰ মুখ্যমন্ত্ৰী হিমন্ত বিশ্ব শৰ্মাই অসমক দেশৰ পাঁচখন শ্ৰেষ্ঠ ৰাজ্যৰ ভিতৰত এখন হিচাপে গঢ়ি তোলা হ’ব বুলি ঘোষণা কৰি আহিছে সেই সময়তে উগ্বেগজনকভাৱে ৰাজ্যখনত দৰিদ্ৰ লোকৰ সংখ্যা বৃদ্ধি পাইছে৷ অসমৰ এই ছবিখন প্ৰকাশ কৰিছে খোদ কেন্দ্ৰীয় চৰকাৰে৷ লোক সভাত কেন্দ্ৰীয় চৰকাৰে প্ৰকাশ কৰা মতে, শেহতীয়াকৈ প্ৰকাশিত নিটি আয়োগৰ মাল্টিডাইমেনশ্যনেল প’ভাৰ্টি ইনডেক্সৰ প্ৰতিবেদন অনুসৰি ভাৰতৰ দৰিদ্ৰ ৰাজ্যৰ তালিকাত পঞ্চম স্থানত আছে অসম৷ অসমৰ ৩২.৬৭ শতাংশ লোক এতিয়াও দৰিদ্ৰতাৰ গ্ৰাসত৷ লোক সভাত কেন্দ্ৰীয় স্বাস্থ্য আৰু পৰিয়াল কল্যাণ বিভাগৰ ৰাজ্যিক মন্ত্ৰী ভাৰতী প্ৰৱীণ পাৱাৰে সংসদৰ মজিয়াত প্ৰকাশ কৰা তথ্য অনুসৰি দেশৰ নাগৰিকসকলে যিখিনি নূন্যতম সা-সুবিধা পাব লাগে সেইখিনিও অসমৰ ৪৭.৮৭ শতাংশই লোকে লাভ নকৰে৷ নিটি আয়োগে ইয়াক ইণ্টেনছিটি অব ডিপ্লাইভেচন বুলি আখ্যা দিছে৷
দৰিদ্ৰতাৰ মাপকাঠী হিচাপে টকা-পইচাৰ পৰা আৰম্ভ কৰি পুষ্টি, মাতৃস্বাস্থ্য, শিক্ষাৰ হাৰ, ৰন্ধনৰ বাবে ব্যৱহৃত ইন্ধন, খোৱাপানী, অনাময় বাসস্থান, বিদ্যুতৰ ব্যৱহাৰ আদিক সামৰি লোৱা হৈছে৷ সকলোতকৈ ডাঙৰ কথা যে অসমত ৰাষ্ট্ৰীয় পৰ্যায়ত কৈ দৰিদ্ৰতাৰ হাৰ যথেষ্ট বেছি৷ অসমৰ এই পুতৌজনক অৱস্থাৰ বিপৰীতে কিন্তু দিল্লী, মহাৰাষ্ট্ৰ, কেৰালা, পঞ্জাব আদিৰ অৱস্থা যথেষ্ট উন্নত৷ ইয়াৰ বিপৰীতে দেশৰ দৰিদ্ৰ ৰাজ্যৰ শীৰ্ষত আছে বিহাৰ৷ বিহাৰত দৰিদ্ৰতা ৫১.৯১ শতাংশ৷ বিহাৰৰ পাছত আছে ঝাৰখণ্ড৷ তৃতীয় আৰু চতুৰ্থ স্থানত আছে উত্তৰ প্ৰদেশ আৰু মধ্যপ্ৰদেশ৷ পঞ্চমত আছে যুটীয়াভাৱে অসম আৰু মেঘালয়৷ মন কৰিবলগীয়া কথা যে ৰাজ্য চৰকাৰখনে দৰিদ্ৰতা নিমূল্যৰ বাবে কোটি কোটি টকা ব্যয় কৰি বিভিন্ন আঁচনি হাতত লৈছে যদিও উক্ত আঁচনিসমূহ ৰূপায়ণৰ পাছতো আজিলৈ ৰাজ্যখনত দুখীয়া লোকৰ সংখ্যা হ্ৰাস পোৱা নাই৷ ইয়াৰ পৰাই বুজা যায় ৰাজ্যখন অৰ্থিক পৰিস্থিতি কোন দিশে গতি কৰিছে৷ যদিহে এই গতিত ৰাজ্যখনত দুখীয়া লোকৰ সংখ্যা বৃদ্ধি পাই থাকে তেনেহ’লে অনাগত দিনত ৰাজ্যৰ ভয়ংকৰ পৰিস্থিতি সৃষ্টি হব যে সেয়া এক প্ৰকাৰ নিশ্চিত৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,