Home Daily news বিৰল ঘটনা ! এঘাৰ মহীয়া শিশুৰ পেটত ওলাল ভ্ৰূণ : ক’ত?

বিৰল ঘটনা ! এঘাৰ মহীয়া শিশুৰ পেটত ওলাল ভ্ৰূণ : ক’ত?


চিকিৎসা বিজ্ঞানৰ ইতিহাসত এক বিৰল ঘটনা ডিব্ৰুগড়ত পোহৰলৈ আহে৷ এটা এঘাৰ মহীয়া ল’ৰাৰ দেহৰ ভিতৰত ওলাল ভ্ৰূণ৷ উল্লেখ্য যে অৰুণাচলৰ এক দম্পতীয়ে নিজৰ এঘাৰ মহীয়া শিশুৰ পেটৰ অংশ বৃহৎ আকাৰত ফুলি উঠাক লৈ চিন্তিত হৈ পৰি ডিব্ৰুগড়ৰ অপেক্ষা নাৰ্ছিং হোমত ভৰ্তি কৰোৱায়৷ ইয়াৰ পাছতে চিকিৎসকৰ দলে শিশুটিৰ পেটৰ অংশ পৰীক্ষা কৰাত শিশুটিৰ পেটত ২.৫ কিল’গ্ৰামৰ এটা ভ্ৰূণ অৱিষ্কাৰ কৰে৷ যাক লৈ চিকিৎসা বিজ্ঞানৰ আন এক বিৰল ঘটনাৰ সাক্ষী হৈ পৰে চিকিৎসকৰ দলটো৷ চিকিৎসা শাস্ত্ৰ মতে ফিটাছ ইন ফিটো [Foetus in Foetu] বুলি জনা এই বিৰল ঘটনাত ভ্ৰূণৰ ক্ৰমান্বয়ে বিকাশ হৈ হাত, ভৰি, স্পাইনেল কৰ্ড ইত্যাদি গঠন হৈছিল৷ আজি সন্ধিয়া পেডিয়াট্ৰিক চাৰ্জন ডাঃ হেমন্ত কুমাৰ দত্তৰ নেতৃত্বত ৬জনীয়া চিকিৎসকৰ দলে এঘাৰ মহীয়া শিশুটিৰ এক জটিল অস্ত্ৰোপচাৰ কৰি পেটৰ পৰা সেই ভ্ৰূণ পৃথক কৰে৷ এই অস্ত্ৰোপচাৰ যথেষ্ট জটিল আছিল বুলি চিকিৎসক ডাঃ দত্তই স্বীকাৰ কৰি কয় যে শিশুটিৰ দেহৰ গুৰুত্বপূৰ্ণ অংগ বৃক্কৰ নিচেই কাষতেই এই ভ্ৰূণটো বৃদ্ধি হৈ আহিছিল৷ আনহাতে এঘাৰ মহীয়া শিশুটিক অস্ত্ৰোপচাৰৰ পূৰ্বে সজ্ঞাহীন কৰা প্ৰক্ৰিয়াও যথেষ্ট প্ৰত্যাহবানমূলক আছিল বুলি জনায়৷ অৱশেষত কেইবাঘণ্টাজোৰা অস্ত্ৰোপচাৰৰ পাছত অৱশেষত চিকিৎসকে সফলভাৱে অস্ত্ৰোপচাৰ সম্পন্ন কৰে৷ অস্ত্ৰোপচাৰ সফলভাৱে সম্পন্ন কৰাত ডাঃ দত্তক সহায় কৰা আন চিকিৎসককেইগৰাকী আছিল ডাঃ অৰ্পিতা বৰগোহাঁই [শিশু ৰোগ বিশেষজ্ঞ], ডাঃ অশোক আগৰৱালা [স্ত্ৰী আৰু প্ৰসূতি বিশেষজ্ঞ], ডাঃ অভিনৱ পোদ্দাৰ [এনাছথি¸য়লজিষ্ট], ডাঃ মেঘা পি ভি [এনাছথেছিষ্ট কাম ইণ্টেনচিভিষ্ট], ডাঃ লক্ষীমিলি [ৰেডিয়ল’জিষ্ট]৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,