Home Daily news বিপদৰ আগজাননী ! দ্ৰুতগতিত শুকাইছে ব্ৰহ্মপুত্ৰৰ বক্ষ

বিপদৰ আগজাননী ! দ্ৰুতগতিত শুকাইছে ব্ৰহ্মপুত্ৰৰ বক্ষ

 সংকটত পৰিছে অসম আৰু অসমীয়াৰ জীৱনৰেখা সদৃশ মহাবাহু ব্ৰহ্মপুত্ৰ৷ জলবায়ু পৰিৱৰ্তন আৰু ৰঙা চীনৰ কুটিল ষড়যন্ত্ৰৰ বলি হ’বলৈ ওলাইছে অসমীয়া সংস্কৃতিৰ বাহক বুঢ়া লুইত৷ ব্ৰহ্মপুত্ৰৰ পাৰত বাস কৰা কোটি কোটি লোকৰ জীৱনলৈ ভাবুকি কঢ়িয়াই ইতিমধ্যে অস্বাভাৱিকভাৱে শুকাবলৈ আৰম্ভ কৰিছে মহাবাহুৰ পানী৷ উজনিৰ পৰা নামনিলৈকে যি গতিত ব্ৰহ্মপুত্ৰৰ জলস্তৰ হ্ৰাস পাইছে৷ এতিয়া উজনিৰ পৰা নামনিলৈকে ব্ৰহ্মপুত্ৰৰ বুকুত চকুৰে মণিব নোৱৰালৈকে দেখা পোৱা যায় মাথোঁ বালি৷ শেহতীয়াকৈ চীনে ব্ৰহ্মপুত্ৰৰ ওপৰত কেইবাটাও জলবিদ্যুৎ প্ৰকল্প  নিৰ্মাণ কৰাৰ ফলত এতিয়া খৰালি কালত নদীখনৰ পানী ক্ৰমাৎ হ্ৰাস পাবলৈ ধৰিছে৷ চীনে আনকি নদীখনৰ ওপৰত আৰু কেইবাটাও বান্ধ প্ৰকল্প নিৰ্মাণৰ কাম সম্প্ৰতি দ্ৰুত গতিত আগবঢ়াই নিছে৷ মন কৰিবলগীয়া কথা যে চীনে বাৰিষা কালত নদীখনত নিৰ্মাণ কৰা জলবিদ্যুৎ প্ৰকল্পসমূহ ৰক্ষা কৰাৰ বাবে বান্ধৰ পানী এৰি দিবলৈ ধৰিছে৷ ইফালে উজনিত ব্ৰহ্মপুত্ৰৰ বক্ষ বাম হোৱাৰ ফলত উজনিৰ পৰা নামনিলৈকে চৰ-চাপৰিবাসী আৰু নৈপৰীয়া ৰাইজৰ জনজীৱন বিপদাপন্ন হৈ পৰিছে৷ একেদৰে নামনিত  ব্ৰহ্মপুত্ৰৰ জলস্তৰ অস্বাভাৱিকভাৱে হ্ৰাস পোৱাৰ ফলত বাংলাদেশৰ পৰা অহা প্ৰায় অৰ্ধশতাধিক শিল কঢ়িওৱা জাহাজ ধুবুৰীৰ ভিন্ন স্থানত আবদ্ধ হৈ পৰিছে৷  জলবায়ুৰ পৰিৱৰ্তনৰ ফলতো ব্ৰহ্মপুত্ৰলৈ সংকট নামি আহিছে৷ হিমাচল পৰিৱেশ, বিজ্ঞান আৰু প্ৰযুক্তিবিদ্যা পৰিষদে চলোৱা এক অধ্যয়ন অনুসৰি হিমালয়ত থকা হিমবাহসমূহ গলাৰ ফলত অনাগত সময়ত ব্ৰহ্মপুত্ৰ আৰু গংগা ভয়ংকৰ বিপদৰ সন্মুখীন হ’ব লাগিব৷ উক্ত অধ্যয়নৰ মতে, আগন্তুক দিনত হিমালয়ৰ পৰা ওলোৱা ব্ৰহ্মপুত্ৰত বানপানীৰ প্ৰকোপ বৃদ্ধি পাব৷ খৰালি কালত নদীৰ পানী একেবাৰে শুকাই যোৱাৰ ফলত নদীপৰীয়া ৰাইজে পানীৰ বাবে হাহাকাৰ কৰিবলগীয়া পৰিস্থিতিৰ সৃষ্টি হ’ব৷ এনে পৰিস্থিতিত অচিৰেই ব্ৰহ্মপুত্ৰক মাতৃ হিচাপে গণ্য কৰি অহা অসম, অৰুণাচলৰ লগতে বাংলাদেশৰ কোটি কোটি লোকৰ জীৱনলৈ নামি আহিব ঘোৰ অমানিশা

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...