Home Daily news বানাক্ৰান্ত অঞ্চলসমূহত চিকিৎসাৰ বাবে স্বাস্থ্য বিভাগৰ এছ অ’ পি জাৰি

বানাক্ৰান্ত অঞ্চলসমূহত চিকিৎসাৰ বাবে স্বাস্থ্য বিভাগৰ এছ অ’ পি জাৰি

বানাক্ৰান্ত জনতাক চিকিৎসা সেৱা আগবঢ়োৱাৰ বাবে ৰাজ্যৰ স্বাস্থ্য বিভাগে যোৱা ২১ জুনত এছ অ’ পি জাৰি কৰে৷ বানাক্ৰান্ত অঞ্চলসমূহত পৰ্যাপ্ত পৰিমাণে চিকিৎসাৰ ব্যৱস্থা কৰাৰ বাবে মুখ্যমন্ত্ৰীয়ে স্বাস্থ্য মন্ত্ৰীক এছ অ’ পি জাৰি কৰিবলৈ আহ্বান জনাইছিল৷ প্ৰকাশিত এছ অ’ পি অনুসৰি প্ৰতিখন জিলাতেই একোটাকৈ চিকিৎসা নিয়ন্ত্ৰণ কক্ষ স্থাপন কৰিব লাগিব৷ 
সেইদৰে স্বাস্থ্য আৰু পৰিয়াল কল্যাণ বিভাগৰ অধীনস্থ সকলো কাৰ্যালয়ৰ জ্যেষ্ঠ বিষয়াসকলে নিয়মীয়াকৈ বানাক্ৰান্ত অঞ্চলসমূহ পৰিদৰ্শন কৰি ৰাইজৰ স্বাস্থ্যৰ বুজ ল’ব লাগিব৷ স্বাস্থ্য শিবিৰসমূহ নিয়াৰিকৈ পৰিচালনা কৰাৰ ক্ষেত্ৰত স্বাস্থ্য সেৱাৰ সকলো যুটীয়া সঞ্চালকে যাৱতীয় ব্যৱস্থা গ্ৰহণ কৰিব লাগিব৷ 
এই ক্ষেত্ৰত যুটীয়া সঞ্চালকসকলে জিলা প্ৰশাসনৰ সৈতে আলোচনা কৰি সকলো ব্যৱস্থা কাৰ্যকৰী কৰাৰ ব্যৱস্থা ল’ব লাগিব৷ 
প্ৰায়বোৰ আশ্ৰয় শিবিৰলৈ একোটাকৈ চিকিৎসা গোট প্ৰেৰণ কৰিবলৈও এছ অ’ পিত প্ৰকাশ কৰে৷ প্ৰতিটো চিকিৎসা গোটত চিকিৎসক, নাৰ্ছ, ফাৰ্মাচিষ্ট, এম পি ডব্লিউ, এছ ডব্লিউ, লেবৰেটৰী টেকনিচিয়ান, আশা কৰ্মী আদি থকাটো নিশ্চিত কৰিবলৈও এছ অ’ পিত প্ৰকাশ কৰিছে৷ ইফালে, ঔষধৰ যাতে নাটনি নহয়, সেই ক্ষেত্ৰত সকলো যুটীয়া স্বাস্থ্য সঞ্চালকক যাৱতীয় ব্যৱস্থা গ্ৰহণৰ নিৰ্দেশ দিয়া হৈছে৷ 
চিকিৎসা গোটসমূহৰ উপৰি জিলা চিকিৎসালয়, মহকুমা চিকিৎসালয়, আদৰ্শ চিকিৎসালয়, প্ৰাথমিক চিকিৎসালয়কে ধৰি সকলো চিকিৎসা কেন্দ্ৰৰ কাম-কাজ সঠিক দিশত চলি থকাটো নিশ্চিত কৰিবলৈ প্ৰতিজন যুটীয়া স্বাস্থ্য সঞ্চালকক নিৰ্দেশ দিয়া হৈছে৷ বানাক্ৰান্তৰ চিকিৎসাৰ সমান্তৰালকৈ ক’ভিড আক্ৰান্ত ৰোগীৰ ক্ষেত্ৰতো যাৱতীয় ব্যৱস্থা ল’বলৈ নিৰ্দেশ দিয়া হৈছে৷ 
সমান্তৰালকৈ ১০৮, ১০৪, ১০২ আৰু নৌকা এম্বুলেঞ্চ আদি জৰুৰীকালীন সেৱাসমূহক ২৪ ঘণ্টাই সতৰ্ক হৈ থাকিবলৈ নিৰ্দেশ দিয়া হৈছে৷ প্ৰয়োজন সাপেক্ষে চিকিৎসা মহাবিদ্যালয়সমূহৰ অধীক্ষকসকলকো অতিৰিক্তভাৱে সহায়-সহযোগ কৰিবলৈ এছ অ’ পিত কোৱা হৈছে৷ ইফালে বান শেষ হোৱাৰ পাছত একোটাকৈ মেগা স্বাস্থ্য শিিবৰৰ আয়োজন কৰিবলৈ এছ অ’ পিত যুটীয়া স্বাস্থ্য সঞ্চালকসকলক নিৰ্দেশ দিয়া হৈছে

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,