Home Fitness Plus বতৰৰ ফল কঁঠালৰ আছে বহু উপকাৰিতা

বতৰৰ ফল কঁঠালৰ আছে বহু উপকাৰিতা

কঁঠাল এবিধ বহুগুটীয়া ফল৷ ইংৰাজীত ইয়াক Jack Fruit বুলি কোৱা হয়৷ অসমৰ প্ৰতিঘৰ মানুহৰ ঘৰতে এজোপা কঁঠাল গছ থাকেই৷ এইবিধ ফলৰ কুমলীয়া বা কেঁচা অৱস্থাত তৰকাৰী হিচাপে খোৱা হয়, যি অতি সোৱাদযুক্ত৷ এই অৱস্থাক কঁঠাল মুচি বুলি কোৱা হয়৷ পকা কঁঠালৰ মলমলীয়া গোন্ধ আৰু সোৱাদ অনন্য৷ কঁঠালত নানা ধৰণৰ আৱশ্যকীয় ৰাসায়নিক উপাদান তথা বিভিন্ন পোষক তত্ত্ব পোৱা যায়, যি আমাৰ শৰীৰৰ বাবে আৱশ্যক৷ কঁঠালত আমাৰ শৰীৰত প্ৰয়োজনীয় এণ্টিঅক্সিডেণ্ট আৰু খনিজ লৱণৰ লগতে আঁহ যথেষ্ট পৰিমাণে থাকে৷ জানো আহক কঁঠালৰ গুণাগুণসমূহ৷
কঁঠালত কৰ্কট প্ৰতিৰোধী উপাদান পোৱা যায়৷ কঁঠালত ফাইটোনিউট্ৰিয়েণ্টছ আৰু এণ্টিঅক্সিডেণ্ট ফ্লেভনয়ড থাকে, যিয়ে দেহত উৎপন্ন হোৱা ক্ষতিকাৰক ফ্ৰী ৰেডিকেলবোৰ নিষ্ক্ৰিয় কৰি শৰীৰক ক’লন পৰিষ্কাৰ, হাঁওফাঁওৰ পৰিষ্কাৰ, মুখগহবৰ পৰিষ্কাৰ কৰি ৰাখে৷
কঁঠালত থকা পটেচিয়ামে উচ্ছ ৰক্তচাপ নিয়ন্ত্ৰণ কৰি হূদৰোগৰ সম্ভাৱনা নোহোৱা কৰে৷
কঁঠালত যথেষ্ট কাৰ্বহাইড্ৰেট আৰু কেলৰি থাকে, যিয়ে ফ্লুক্টজ আৰু চুক্ৰজৰ বাবে দেহে তাৎক্ষণিকভাৱে শক্তি লাভ কৰে৷
কঁঠালত যথেষ্ট পৰিমাণে ভিটামিন-এ, ভিটামিন-চি, ভিটামিন-কে, ভিটামিন-ই, নিয়াচিন, ফলেট, পেন্থ’থেনিক এচিড, মেগনেচিয়াম, কপাৰ আদি থাকে৷ এইবোৰে তেজত ৰক্তকণিকা গঠনত সহায় কৰি ৰোগ প্ৰতিৰোধ ক্ষমতা বঢ়াই তোলে৷
পটেচিয়াম  আৰু মেগনেচিয়ামেৰে কঁঠাল সমৃদ্ধ বাবে হাড়ৰ ঘনত্ব বঢ়াই হাড় মজবুত আৰু শক্তিশালী কৰি ৰাখে৷
কঁঠালত ভিটামিন-এ থাকে বাবে দৃষ্টিশক্তি উন্নত কৰাৰ লগতে কুকুৰীকণা ৰোগ প্ৰতিৰোধ কৰাত সহায় কৰে৷
কঁঠালৰ গুটিত যথেষ্ট পৰিমাণে প্ৰ’টিন পোৱা যায়৷ সেয়ে কঁঠালৰ গুটি তৃপ্তিদায়কৰ লগতে পুষ্টিকাৰক খাদ্য৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,