Home Daily news বজাৰত জুই : নিত্য ব্যৱহাৰ্য প্ৰতিবিধ সামগ্ৰীৰে দাম বৃদ্ধি

বজাৰত জুই : নিত্য ব্যৱহাৰ্য প্ৰতিবিধ সামগ্ৰীৰে দাম বৃদ্ধি

বজাৰত এক প্ৰকাৰ জুই জ্বলিছে৷ নিত্য ব্যৱহাৰ্য প্ৰতিবিধ সামগ্ৰীৰে দাম নিতৌ বৃদ্ধি পাইছে৷ আনকি সৰ্বসাধাৰণ লোকৰ মূৰত মাধমাৰ শোধাই ব্যৱসায়ীসকলে শেহতীয়াকৈ কণীৰো অভাৱনীয়ভাৱে দাম বৃদ্ধি কৰিছে৷ একমাত্ৰ কণীৰে নহয় যোৱা এটা মাহৰ ভিতৰতে ঔষধ আৰু শিশু খাদ্যৰ দামো হোৰাহোৰে বৃদ্ধি পাইছে৷ পৰিস্থিতি এনে  হৈছেগৈ যে বজাৰলৈ নতুন আলু অহাৰ পাছতো এতিয়াও হ্ৰাস পোৱা নাইপুৰণা আলুৰ দাম৷ আজিৰ তাৰিখতো পুৰণা আলুৰ দাম কেজিত ২৫-৩০ টকাকৈ বিক্ৰী হৈ আছে৷ ইয়াৰ মাজতে হঠাতে বৃদ্ধি পাইছে কণীৰ দাম৷  প্ৰতিপ্লেট সাধাৰণ কণীৰ দাম ২২০ টকা পৰ্যন্ত বৃদ্ধি পোৱাত এতিয়া খুচুৰা বজাৰত এটা কণীৰ দাম হৈছেগৈ ৮ টকা৷ এনে পৰিস্থিতিত সাধাৰণ লোকে এতিয়া কণী খাবলৈকে এৰিছে৷ ব্যৱসায়ীসকলৰ মতে উৎপাদনথলীতে কণীৰ উৎপাদন হ্ৰাস পাইছে, যাৰ ফলত দাম বৃদ্ধি পাইছে৷ আনহাতে পৰিবহণ ব্যয়ো বৃদ্ধি পোৱা বুলি প্ৰকাশ কৰিছে একাংশ ব্যৱসায়ীয়ে৷ 
ইফালে যোৱা কিছুদিনৰ পৰা কিছুমান বিশেষ ঔষধৰ দাম তিনি মাহৰ ভিতৰতে দুবাৰকৈ বৃদ্ধি পাইছে৷ বিশেষকৈ মাল্টি ভিটামিন, প্ৰটিন পাউডাৰ, লিভাৰৰ দৰব, কফ ছিৰাপ, এণ্টি এনাৰ্জিক দৰবৰ দাম ২৫-৩০ টকা পৰ্যন্ত বৃদ্ধি পাইছে৷ তথ্য অনুসৰি মল্টেক এল চিৰ এণ্টি এলাৰ্জিক দৰবৰ দাম ১৯৭ টকাৰ পৰা ২০৯ টকালৈ, ইনছিউৰৰ দৰে প্ৰটিন পাউডাৰৰ দাম ৫৮৫ টকাৰ পৰা ৭১০ টকালৈ বৃদ্ধি পাইছে৷ একেদৰে জনপ্ৰিয় শিশু খাদ্য চেৰেলেক ৰাইচৰ দাম ২২৫ টকাৰ পৰা ২৩৪ টকালৈ, প্ৰতি পেকেট লেক্ট’জেনৰ দাম ৩৭০ টকাৰ পৰা ৩৯৫ টকালৈ বৃদ্ধি পাইছে৷ নেন’গ্ৰেৰ দামো ৫৫০ টকাৰ পৰা ৫৮৫ টকা হৈছেগৈ৷  সকলোতকৈ ডাঙৰ কথা যে শিশু খাদ্যৰ দাম চলিত বছৰতে দুই-তিনিবাৰকৈ বৃদ্ধি পাইছে৷ যাৰ ফলত শিশুৰ অভিভাৱকসকলৰ মাজত এক হাহাকাৰ পৰিস্থিতিৰ সৃষ্টি হৈছে৷  মন কৰিবলগীয়া কথা যে নিত্য ব্যৱহাৰ্য  সামগ্ৰীৰ পৰা আৰম্ভ কৰি ঔষধ, শিশুৰ খাদ্যলৈকে প্ৰতিবিধ সামগ্ৰীৰ এনেদৰে দাম বৃদ্ধি হোৱাৰ পাছতো চৰকাৰে এইক্ষেত্ৰত কোনো ধৰণৰ পদক্ষেপ গ্ৰহণ কৰা নাই৷ যাৰ ফলত ঔষধ, শিশু খাদ্যৰ দৰে সামগ্ৰী প্ৰস্তুত কৰা কোম্পানীসমূহে নিজৰ খেয়াল খুচি অনুসৰি সামগ্ৰীৰ দাম বৃদ্ধি কৰিছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,