Home Health Naturally বগা নে বাদামী ! কোনবিধ ৰঙৰ কণী খোৱাটো ভাল (Which egg is...

বগা নে বাদামী ! কোনবিধ ৰঙৰ কণী খোৱাটো ভাল (Which egg is more nutritious, white or brown coloured ?)

প্ৰ’টিনযুক্ত খাদ্যৰ ভিতৰত কণী অন্যতম৷ কণীয়ে আমাৰ শৰীৰত প্ৰ’টিনৰ অভাৱ দূৰ কৰে লগতে পুষ্টিৰ যোগান ধৰে৷ কণীৰ বহুতো উপকাৰী গুণ আছে৷ আমি দিনে কণী খোৱাটো স্বাস্থ্যৰ পক্ষে উত্তম৷ সচৰাচৰ আমি দুই ৰঙৰ কণী দেখিবলৈ পাওঁ৷ এবিধ বগা আৰু আনবিধ বাদামী ৰঙৰ৷ প্ৰায়ভাগৰে এটা ধাৰণা আছে যে বগা ৰঙৰ কণীতকৈ বাদামী ৰঙৰ কণীত বেছি প্ৰ’টিন পোৱা যায় বা আন কিছুৱে ভাবে যে বাদামী ৰঙতকৈ বগা ৰঙৰ কণী খোৱাটো উপকাৰী৷ আকৌ আন কিছুমানে ভাবে যে বাদামী বা ৰঙচুৱা কণী খালে লাভ বেছি পোৱা যায় ইত্যাদি৷ আনহাতে বজাৰৰ পৰা কোনবিধ ৰঙৰ কণী কিনিব– ইয়াৰ গুণাগুণক লৈ বহুতে সন্দিহান হোৱাও দেখা যায়৷ 

Brown Eggs and White Eggs: What Is the Difference?

সম্প্ৰতি কৰ্নেল বিশ্ববিদ্যালয়ৰ গৱেষকে কণীৰ বাকলি বা খোলাৰ ৰংভেদে পুষ্টিগুণ ভিন্ন নেকি এই বিষয়ে এক গৱেষণা কৰিছিল৷ গৱেষণাৰ অন্তত দেখা গৈছিল যে বাদামী বা ৰঙচুৱা বাকলিৰ কণীত Omega3 কিছু পৰিমাণে বেছি থাকে যদিও সেই বৰ্ধিত Omega3ৰ পৰিমাণ বগা কণীতকৈ অত্যন্ত নগণ্য মাত্ৰাতহে পোৱা যায়৷ সেয়েহে কণীৰ বাকলিৰ ৰঙৰ ভিন্নতা চাই বাদামী ৰঙৰ কণী খোৱাৰ কোনো অৰ্থ নাই৷ আনহাতে পুষ্টিগুণৰ ক্ষেত্ৰত গৱেষণা কৰি পোৱা গৈছে যে দুয়োবিধ ৰঙৰ কণীৰে পুষ্টিগুণৰ মাত্ৰা সমান৷ এই ক্ষেত্ৰত প্ৰশ্ন উঠিব পাৰে যে কি কাৰণত ইয়াৰ ৰঙৰ ভিন্নতা দেখা যায়৷ ইয়াৰ উত্তৰত গৱেষকে জনাইছে যে কণীৰ বাকলিৰ ৰং পূৰামাত্ৰাই নিৰ্ভৰ কৰে হাঁহ বা কুকুৰাৰ জিনৰ ওপৰত৷ আনহাতে বগা বা বাদামী কণীৰ সোৱাদৰ ক্ষেত্ৰত কিছু তাৰতম্য হোৱা দেখা যায়৷ সোৱাদৰ ক্ষেত্ৰতো কুকুৰা বা হাঁহে কি খাদ্য গ্ৰহণ কৰিছে, তাৰ ওপৰত সম্পূৰ্ণ নিৰ্ভৰ কৰে৷ ইয়াত বাকলিৰ ৰঙৰ কোনো পাৰ্থক্য নাথাকে৷ সেয়েহে আজিৰ পৰাই কণীৰ ৰঙক লৈ আমাৰ মাজত থকা ভুল ধাৰণা আঁতৰোৱাৰ চেষ্টা কৰোঁ আহক৷

Strong information on health

5.0 rating
March 12, 2021

From this website anyone can get good information on health. As health is wealth, so, following this website let’s take care for our health.

Again Kumar Nath

Most Popular

আৰক্ষীৰ সাফল্য! ড্ৰাগ্‌ছ সৰবৰাহৰ ন-ন কৌশল (New modus operandi in drug smuggling: police success story)

অসম-নগালেণ্ড সীমান্তৰ কাৰ্বি আংলং জিলাৰ বোকাজান মহকুমাৰ অন্তৰ্গত পুৰণা লাহৰিজানত ২৫ অক্টোবৰৰ সন্ধিয়া ড্ৰাগ্‌ছ মাফিয়া আৰু আৰক্ষীৰ তুমুল গুলীয়াগুলী হয়৷ জানিব পৰা...

পৰিৱেশলৈ ভাবুকি ! BMW আইনখন কাৰ্যকৰী হৈছেনে? A threat to the environment : Has the BMW Act been implemented?

ৰাজ্যৰ চৰকাৰী-বেচৰকাৰী খণ্ডৰ চিকিৎসালয়সমূহে চিকিৎসা সেৱাৰ স্বাৰ্থত যিবোৰ নীতি-নিয়ম মানি চলিব লাগে, প্ৰকৃতাৰ্থত সেয়া কিমান কাৰ্যকৰী হৈছে? বিশেষকৈ চিকিৎসা প্ৰতিষ্ঠানসমূহে চৌদিশ পৰিষ্কাৰ...

সাৱধান ! পৰিৱেশ-অনুকূল ফট্‌কাহে ফুটাব পাৰিব (Beware, use only eco-friendly fireworks)

দেৱালীৰ প্ৰাকমুহূৰ্তত অসমৰ প্ৰদূষণ নিয়ন্ত্ৰণ ব’ৰ্ডে ৰাজ্যখনত গ্ৰীন ফট্‌কাৰ বাহিৰে সকলো ধৰণৰ আতচবাজী ফুটোৱা আৰু বিক্ৰী কৰাৰ ক্ষেত্ৰত...

কম বয়সতে হাতৰ ছাল কোঁচ খাইছে নেকি ? Is your hand skin sagging at a young age?

আমি মুখৰ ছালখন ভালে ৰাখিবলৈ অশেষ যত্ন কৰোঁ৷ বিভিন্ন ধৰণৰ প্ৰসাধন সামগ্ৰী, স্ক্ৰাবিং কৰা, উন্নত ব্ৰেণ্ডৰ ক্ৰিম লগোৱা আদি নানা পৰিচৰ্যা কৰোঁ৷...

Recent Comments