Home Daily news পুনৰ ১০ কোটি টকাৰ হেৰ’ইন জব্দ : ক’ত ?

পুনৰ ১০ কোটি টকাৰ হেৰ’ইন জব্দ : ক’ত ?

গোসাইগাঁও মহকুমাৰ অসম-বংগ সীমান্তৰ শ্ৰীৰামপুৰত ৩১ নং [গ] ৰাষ্ট্ৰীয় ঘাইপথত আৰক্ষীয়ে অভিযান চলাই বৃহৎ পৰিমাণৰ হেৰ’ইন জব্দ কৰাৰ লগতে দুটা সৰবৰাহকাৰীক গ্ৰেপ্তাৰ কৰে৷ ধৃত সৰবৰাহকাৰী দুটাক বংগৰ কোচবিহাৰৰ কোতৱালীৰ বাসিন্দা ছাইনুল মিঞা আৰু ৰাজু হুছেইন বুলি চিনাক্ত কৰা হৈছে৷ জানিব পৰা মতে শিমুলটাপু আৰক্ষী চকীৰ ভাৰপ্ৰাপ্ত বিষয়া সঞ্জয় কুমাৰ ৰায়ৰ নেতৃত্বত আৰক্ষীৰ এটা দলে ৰাষ্ট্ৰীয় ঘাইপথত অভিযান চলাই ডব্লিউ বি ৭৪ জেড ৫০১৬ নম্বৰৰ এখন মহিন্দ্ৰা এক্স ইউ ভি গাড়ীৰ পৰা প্ৰায় তিনি কিল’ ওজনৰ হেৰ’ইন জব্দ কৰাৰ লগতে গাড়ীৰ চালকসহ দুজনক গ্ৰেপ্তাৰ কৰে৷ হেৰ’ইনসমূহ গুৱাহাটীৰ পৰা বংগৰ কোচবিহাৰ অভিমুখে গৈ আছিল৷ জব্দকৃত ড্ৰাগ্‌ছৰ বজাৰ মূল্য দহ কোটি টকাৰো অধিক হ’ব বুলি আৰক্ষীয়ে অনুমান কৰিছে৷ কোকৰাঝাৰ জিলাৰ আৰক্ষী অধীক্ষক থুবে প্ৰতীক বিজয় কুমাৰে শিমুলটাপু আৰক্ষী চকীত উপস্থিত হৈ জব্দকৃত হেৰ’ইনখিনিৰ লগতে হেৰ’ইন সৰবৰাহ কৰা বিলাসী বাহনখনো তন্নতন্নকৈ পৰীক্ষা কৰে৷ অধিক তথ্যৰ বাবে ধৃত সৰবৰাহকাৰী দুটাক জেৰা কৰি থকা বুলি আৰক্ষী অধীক্ষকগৰাকীয়ে প্ৰকাশ কৰে৷

Most Popular

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...