Home Daily news পচনযোগ্য জাবৰৰ পৰা কেঁচুসাৰ উৎপাদনৰ ব্যৱস্থা

পচনযোগ্য জাবৰৰ পৰা কেঁচুসাৰ উৎপাদনৰ ব্যৱস্থা

যোৰহাটৰ বাবে এই মুহূৰ্তত জাবৰে ভয়ংকৰ সমস্যা হিচাপে দেখা দিছে৷ নগৰখনত জাবৰৰ পৰিমাণ ইমানেই বৃদ্ধি পাবলৈ ধৰিছে যে ক্ৰমবৰ্ধমান জাবৰে যোৰহাট পৌৰসভাকে নহয়, জিলা প্ৰশাসনকো পানী খুৱাই দিছে৷ যোৰহাট পৌৰসভাৰ জাৱৰ নিষ্কাশনৰ বাবে কোনো স্পষ্ট পদ্ধতি নথকাত এক বৃহৎ অঞ্চলত এই জাবৰে সৃষ্টি কৰিছে ভয়ানক প্ৰদূষণ৷ 
সেয়েহে এইবাৰ জাবৰৰ এই ভয়ংকৰ সমস্যাটো সমাধান কৰিবলৈ আগবাঢ়ি আহিছে যোৰহাট জিলা প্ৰশাসন৷ যোৰহাটৰ উপায়ুক্ত অশোক কুমাৰ বৰ্মনে কয় যে জাবৰৰ সমস্যাটো সমাধানৰ বাবে এক অভিনৱ পৰিকল্পনা গ্ৰহণ কৰা হৈছে৷ উপায়ুক্তজনে কয় যে নগৰখনৰ বাবে এতিয়া অভিশাপ হৈ দেখা দিছে পচন হোৱা পেলনীয়া সামগ্ৰীসমূহ৷ 
সেয়েহে তেওঁলোকে এই অভিশাপক আশীৰ্বাদলৈ ৰূপান্তৰিত কৰিবৰ বাবে এই পচনযোগ্য জাবৰৰ পৰা কেঁচুসাৰ উৎপাদনৰ ব্যৱস্থা কৰিব৷ সেই অনুসৰি নগৰখনৰ প্ৰত্যেক ঘৰতে প্ৰশাসনৰ তৰফৰ পৰা এটা বিশেষ কণ্টেইনাৰ প্ৰদান কৰা হ’ব আৰু এই কণ্টেইনাৰত কেঁচু মেলি দিয়া হ’ব৷ মানুহৰ ঘৰত শাক-পাচলিৰ বাকলিকে ধৰি যিবোৰ পচন হোৱা জাবৰ ওলাব, সেইবোৰ এই কণ্টেইনাৰত জমা ৰাখিব লাগিব আৰু ইয়াৰ পৰাই কেঁচুসাৰ উৎপাদন হ’ব৷ 
অনুৰূপ ধৰণে এন কণ্টেইনাৰ বজাৰবিলাকতো দিয়া হ’ব৷ উপায়ুক্তজনে কয় যে পচন নোহোৱা জাবৰবোৰ বিশেষ সমস্যাৰ কাৰণ নহয় আৰু সেইবোৰ আগৰ দৰেই পৌৰসভাই মানুহৰ ঘৰৰ পৰা সংগ্ৰহ কৰি থাকিব৷ এমাহৰ ভিতৰত আৰম্ভ হ’ব লগা এই বিশেষ পৰিকল্পনাই যোৰহাটত জাবৰৰ সমস্যাটো বহু পৰিমাণে সমাধান কৰিব বুলি প্ৰশাসন আশাবাদী৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,