Home Daily news নিচাযুক্ত দ্ৰব্য দাহন অভিযান গুৱাহাটীত গাঞ্জা দাহেৰে শুভাৰম্ভ

নিচাযুক্ত দ্ৰব্য দাহন অভিযান গুৱাহাটীত গাঞ্জা দাহেৰে শুভাৰম্ভ

দেশৰ ১৪টা স্থানত নিচাযুক্ত দ্ৰব্য নষ্ট কৰাৰ যি প্ৰক্ৰিয়া আৰম্ভ হৈছে তাৰ অংশ হিচাপে গুৱাহাটীতো বৃহৎ পৰিমাণৰ গাঞ্জা জ্বলাই দিয়া হয়৷ আজাদী কী অমৃত মহোৎসৱৰ অংশ হিচাপে কেন্দ্ৰীয় পৰোক্ষ কৰ আৰু শুল্ক পৰিষদে দেশজুৰি ৪২ হাজাৰ কিল’ ড্ৰাগ্‌ছ নষ্ট কৰাৰ অভিযান আৰম্ভ হয়৷
 কেন্দ্ৰীয় বিত্ত মন্ত্ৰী নিৰ্মলা সীতাৰমণে ভাৰ্চুৱেলি দেশৰ যিসমূহ স্থানত এই অভিযান আৰম্ভ হয় সকলো স্থানৰে কাম পৰ্যবেক্ষণ কৰে৷ দেশৰ অন্য প্ৰান্তৰ লগতে গুৱাহাটীৰো সাউকুছিত পৰোক্ষ কৰ আৰু শুল্ক পৰিষদে ৭৪৭২.৩৮ কিল’ গাঞ্জা জ্বলাই দিয়ে৷ জ্বলাই দিয়া এই গাঞ্জাখিনিৰ মূল্য প্ৰায় ৯ কোটি টকা আছিল৷ 
উল্লেখ্য যে ম্যানমাৰৰ উপৰি উত্তৰ-পূবৰ একাধিক ৰাজ্যৰ পৰা অসমৰ মাজেৰে দেশৰ বিভিন্ন ৰাজ্যলৈ গাঞ্জা সৰবৰাহ হৈ থাকে৷ অসমলৈয়ো একেদৰে গাঞ্জা সৰবৰাহ হয়৷ অবৈধভাৱে সৰবৰাহ কৰা এই গাঞ্জা বিভিন্ন সময়ত ধৰা পৰাৰ পাছত আদালতৰ নিৰ্দেশ নোপোৱালৈ সংশ্লিষ্ট কৰ্তৃপক্ষই জব্দ কৰা গাঞ্জাসমূহ সুৰক্ষিতভাৱে ৰাখিব লাগে৷ 
আদালতৰ অনুমতি পোৱাৰ পাছতহে সেই নিচাযুক্ত সামগ্ৰী ধ্বংস কৰিব পাৰে৷ অসমত ২০০২ চনৰ পৰা এইপৰ্যন্ত জব্দ কৰা গাঞ্জা জমা হৈ আছিল৷ আদালতৰ পৰা অনুমতি নোপোৱাৰ বাবে ইমান বছৰে বৃহৎ পৰিমাণৰ গাঞ্জা জমা হৈ আছিল৷ 
কিন্তু কেন্দ্ৰীয় চৰকাৰে আজাদী কী অমৃত মহোৎসৱ উপলক্ষে দেশৰ ১৪টা স্থানত নিচাযুক্ত দ্ৰব্য দাহনৰ বাবে লোৱা পৰিকল্পনাৰ দোহাই দি অৱশেষত আদালতৰ দ্বাৰস্থ হয় শুক্ল বিভাগ৷ এই বিভাগে জব্দকৃত গাঞ্জাখিনি দাহন কৰাৰ অনুমতি বিচাৰে৷ অৱশেষত আদালতে অনুমতি দিয়াত প্ৰায় চাৰে সাত হাজাৰ কিল’ গাঞ্জা জ্বলাই দিয়া হয়৷ সাউকুছিৰ এটা লোৰ ফেক্টৰীত গাঞ্জাখিনি দাহ কৰা হয়৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...