Home Daily news ধূমপান, সুৰাপান আৰু হাই বি এম আই কৰ্কট ৰোগৰ প্ৰধান কাৰক

ধূমপান, সুৰাপান আৰু হাই বি এম আই কৰ্কট ৰোগৰ প্ৰধান কাৰক

ধূমপান, সুৰাপান আৰু হাই বডী মাছ ইনডেক্সৰ [বি এম আই] কাৰণে ২০১৯ চনত পৃথিৱীত প্ৰায় ৪৪ লাখ ৫০ হাজাৰ লোকৰ কৰ্কট ৰোগত মৃত্যু হয়৷ উল্লিখিত কাৰকেইটাৰ উপৰি অৱশ্যে আন ৰিস্ক্‌ ফেক্টৰো আছে৷ দ্য লেনচেট নামৰ আলোচনীখনত প্ৰকাশিত এটা অধ্যয়নত এই কথা কোৱা হৈছে৷ অধ্যয়নটোৱে আঞ্চলিকভাৱে, ৰাষ্ট্ৰীয়ভাৱে আৰু আন্তঃৰাষ্ট্ৰীয়ভাৱে কৰ্কট ৰোগৰ কাৰণে ভগ্ন স্বাস্থ্য আৰু মৃত্যু হ্ৰাস কৰাৰ প্ৰচেষ্টাৰ ক্ষেত্ৰত নীতি-নিৰ্ধাৰকসকল আৰু গৱেষকসকলক সহায় কৰিব৷ এই কাৰকবোৰ ফঁহিয়াই চাই তেওঁলোকে প্ৰধান ৰিস্ক্‌ ফেক্টৰবোৰ চিনাক্ত কৰিব পাৰিব৷ 
অধ্যয়নটোৰ জ্যেষ্ঠ সহযোগী লেখক, ইউনিভাৰ্ছিটি অব্‌ ৱাশ্বিংটনৰ ইনষ্টিটিউট অব্‌ হেল্‌থ মেট্ৰিক্সৰ সঞ্চালক খ্ৰীষ্টফাৰ মুৰেই কয় যে সমগ্ৰ বিশ্বত কৰ্কট ৰোগৰ প্ৰধান ৰিস্ক্‌ ফেক্টৰ হ’ল ধূমপান৷ ২০১৯ চনত বিশ্বত ২৩ প্ৰকাৰৰ কৰ্কট ৰোগত আক্ৰান্ত হোৱা আৰু মৃত্যু হোৱা লোকসকলৰ ৰিস্ক্‌ ফেক্টৰবোৰ বিশ্লেষণ কৰি গৱেষকসকল এই সিদ্ধান্তত উপনীত হৈছে৷ ধূমপানৰ পাছতে কৰ্কট ৰোগৰ দ্বিতীয়টো প্ৰধান কাৰক হ’ল সুৰাপান আৰু তৃতীয়টো কাৰক হ’ল হাই বি এম আই৷ উল্লিখিত প্ৰধান কাৰকবোৰৰ ফলত হোৱা কৰ্কট ৰোগত মৃত্যু হোৱা লোকৰ সংখ্যা ইউৰোপ, পূব এছিয়া, দক্ষিণ লেটিন আমেৰিকা আৰু পশ্চিম ইউৰোপত বেছি৷ পৰিৱেশৰ প্ৰদূষণ, অসুৰক্ষিত যৌন সম্পৰ্ক, বৃত্তিজনিত বিপদ আদিৰ কাৰণেও কৰ্কট ৰোগ হয় বুলি অধ্যয়নটোত কোৱা হৈছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,